രാഹുൽ ഗാന്ധി | Photo: ANI
ന്യൂഡല്‍ഹി: കശ്മീര്‍ താഴ്‌വരയില്‍ ജോലിചെയ്യുന്ന കശ്മീരി പണ്ഡിറ്റുകള്‍ക്ക് സുരക്ഷ ഉറപ്പാക്കണമെന്ന് ആവശ്യപ്പെട്ട് പ്രധാനമന്ത്രി നരേന്ദ്ര മോദിക്ക് കത്തയച്ച് കോണ്‍ഗ്രസ് എം.പി. രാഹുല്‍ ഗാന്ധി. ഭീകരവാദികള്‍ കശ്മീരി പണ്ഡിറ്റുകളെ തിരഞ്ഞുപിടിച്ചു കൊലപ്പെടുത്തുന്ന സാഹചര്യത്തില്‍ കശ്മീര്‍ താഴ്‌വരയില്‍ ജോലി ചെയ്യുന്നവര്‍ക്ക് സുരക്ഷ ഉറപ്പാക്കണമെന്നാണ് കത്തിലെ ആവശ്യം.
ഭാരത് ജോഡോ യാത്ര ജമ്മു കശ്മീരില്‍ പ്രവേശിച്ചപ്പോള്‍ പണ്ഡിറ്റുകളുടെ പ്രതിനിധി സംഘം തന്നെ സന്ദര്‍ശിച്ചിരുന്നെന്ന് രാഹുല്‍ കത്തില്‍ പറയുന്നു. ഭീകരാക്രമണങ്ങള്‍ക്ക് പിന്നാലെ താഴ്‌വരയില്‍നിന്ന് മടങ്ങിയ പണ്ഡിറ്റ് വിഭാഗത്തില്‍പ്പെട്ട ജീവനക്കാരോട് മടങ്ങിവന്ന്‌ ജോലിയില്‍ പ്രവേശിക്കാന്‍ ജമ്മു മേഖലയിലെ അധികൃതര്‍ നിര്‍ബന്ധിക്കുകയാണെന്ന് പ്രതിനിധി സംഘം പരാതിപ്പെട്ടതായും രാഹുല്‍ കത്തില്‍ ചൂണ്ടിക്കാട്ടി.
ജോലി ചെയ്യുന്നതിന് കശ്മീര്‍ താഴ്‌വരയിലേക്ക് മടങ്ങിപ്പോകാന്‍ സര്‍ക്കാര്‍ ഉേദ്യാഗസ്ഥര്‍ നിര്‍ബന്ധിക്കുകയാണെന്ന് അവര്‍ പറഞ്ഞു. സുരക്ഷിതമല്ലാത്ത സാഹചര്യത്തില്‍ കശ്മീര്‍ താഴ്‌വരയിലേക്ക് അവരെ മടക്കി അയയ്ക്കുന്നത് ക്രൂരമാണെന്നും രാഹുല്‍ കൂട്ടിച്ചേര്‍ത്തു.
സാഹചര്യം മെച്ചപ്പെടുന്നതുവരെ പണ്ഡിറ്റ് വിഭാഗത്തില്‍പ്പെട്ട ജീവനക്കാരുടെ സേവനം മറ്റ് വിഭാഗങ്ങളില്‍ ഉപയോഗപ്പെടുത്താവുന്നതാണെന്നും രാഹുല്‍ കത്തില്‍ ചൂണ്ടിക്കാണിക്കുന്നു. 2008-ല്‍ പ്രഖ്യാപിക്കപ്പെട്ട പ്രധാനമന്ത്രി എംപ്ലോയ്‌മെന്റ് പാക്കേജ് പ്രകാരം തിരഞ്ഞെടുക്കപ്പെട്ട ഏകദേശം നാലായിരം കശ്മീരി പണ്ഡിറ്റുകളാണ് കശ്മീര്‍ താഴ്‌വരയില്‍ ജോലിചെയ്യുന്നത്. എന്നാല്‍ ഇവരില്‍ പലരും ഭീകരവാദികളുടെ തിരഞ്ഞുപിടിച്ചുള്ള കൊലപ്പെടുത്തല്‍ ഭയന്ന് കശ്മീര്‍ താഴ്വര ഉപേക്ഷിച്ചു പോയിട്ടുണ്ട്.
Content Highlights: rahul gandhi writes letter to narendra modi regarding the security of kashmiri pandits
Also Watch
RELATED STORIES
.jpg?$p=48b2a44&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..