അഭിനന്ദനങ്ങള്‍ മാത്രംപോര, താരങ്ങള്‍ക്ക് വാഗ്ദാനംചെയ്ത സമ്മാനങ്ങളും നല്‍കൂ- പ്രധാനമന്ത്രിയോട് രാഹുല്‍


Rahul Gandhi | File Photo: PTI

ന്യൂഡല്‍ഹി: കായിക താരങ്ങള്‍ക്ക് അഭിനന്ദനങ്ങളുമായി പ്രധാനമന്ത്രിയും മറ്റു മന്ത്രിമാരും എത്തുന്നതിനിടെ മുന്‍പ് പ്രഖ്യാപിച്ച സമ്മാനത്തുകകള്‍ നല്‍കാത്തതിനെതിരേ രൂക്ഷവിമര്‍ശനവുമായി രാഹുല്‍ ഗാന്ധി. 2018ലെ ഏഷ്യന്‍ ഗയിംസില്‍ മെഡല്‍ നേടിയവര്‍ക്കടക്കം സര്‍ക്കാര്‍ മുന്‍പ് പ്രഖ്യാപിച്ച സമ്മാനത്തുകകള്‍ നല്‍കിയിട്ടില്ലെന്ന് രാഹുല്‍ ഗാന്ധി ഇന്‍സ്റ്റഗ്രാമില്‍ ചൂണ്ടിക്കാട്ടി.

ടോക്യോ ഒളിംപിക്‌സില്‍ മെഡലുകള്‍ നേടിയവരെ വീഡിയോ കോളിലൂടെയും മറ്റും പ്രധാനമന്ത്രി അടക്കമുള്ള മന്ത്രിമാരും നേതാക്കളും അഭിനന്ദിച്ചിരുന്നു. കേന്ദ്ര-സംസ്ഥാന സര്‍ക്കാരുകള്‍ മെഡല്‍ ജേതാക്കള്‍ക്ക് സമ്മാനത്തുകകളും പ്രഖ്യാപിച്ചിരുന്നു. ഈ സാഹചര്യത്തിലാണ് അഭിനന്ദനവുമായി വരുന്നതിനു മുന്‍പ് പണ്ട് പ്രഖ്യാപിച്ച സമ്മാനങ്ങള്‍ നല്‍കാന്‍ രാഹുല്‍ ആവശ്യപ്പെട്ടത്.

കായികതാരങ്ങള്‍ക്ക് അഭിനന്ദനത്തോടൊപ്പം മുന്‍പ് പ്രഖ്യാപിച്ച സമ്മാനം നല്‍കണം. വീഡിയോ കോളുകള്‍ മതിയാക്കാം, സമ്മാനത്തുകകള്‍ കൈമാറുകയാണ് ഇപ്പോള്‍ വേണ്ടത്, രാഹുല്‍ ഗാന്ധി ഇസ്റ്റഗ്രാമില്‍ കുറിച്ചു. നാലു വര്‍ഷമായിട്ടും ഒളിംപിക് അവാര്‍ഡ് ജേതാക്കള്‍ക്ക് പ്രഖ്യാപിക്കപ്പെട്ട അവാര്‍ഡ് തുക നല്‍കിയില്ലെന്ന പത്രവാര്‍ത്തയും താരങ്ങളുടെ പഴയ ട്വീറ്റുകളും അദ്ദേഹം ഇതിനൊപ്പം പങ്കുവെച്ചു.

ടോക്യോ ഒളിംപിക്‌സില്‍ മെഡലുകള്‍ നേടിയവര്‍ അടക്കം നിരവധി താരങ്ങള്‍ക്ക് കോടിക്കണക്കിന് രൂപയാണ് സമ്മാനമായി വിവിധ സര്‍ക്കാരുകള്‍ പ്രഖ്യാപിച്ചിരുന്നത്. എന്നാല്‍ ഈ അവാര്‍ഡ് തുകകള്‍ നല്‍കിയില്ലെന്ന് വാര്‍ത്തകള്‍ പുറത്തുവന്നിരുന്നു. ടോക്യോയില്‍ മെഡല്‍ നേടിയ നീരജ് ചോപ്ര, ബജ്‌റംഗ് പുനിയ എന്നിവര്‍ക്കും വാഗ്ദാനം ചെയ്ത സമ്മാനത്തുകകള്‍ നല്‍കിയിരുന്നില്ല. ഇക്കാര്യം ചൂണ്ടിക്കാട്ടി ബജ്‌റംഗ് പുനിയയും നീരജ് ചോപ്രയും 2019ല്‍ ട്വീറ്റ് ചെയ്യുകയും ചെയ്തിരുന്നു.

Content Highlights: Rahul Gandhi Jabs PM Over Tokyo Heroes' Old Posts


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented