നോട്ട് അസാധുവാക്കല്‍ പിഴവല്ല, പാവപ്പെട്ടവര്‍ക്കെതിരായ ബോധപൂര്‍വമായ നീക്കം - രാഹുല്‍


കള്ളപ്പണവും കള്ളനോട്ടും തീവ്രവാദികള്‍ക്ക് ലഭിക്കുന്ന സാമ്പത്തിക സഹായവും അവസാനിക്കുമെന്നാണ് മോദി രാജ്യത്തിന് വാഗ്ദാനം നല്‍കിയിരുന്നത്. എന്നാല്‍ ഈ മൂന്ന് മേഖലകളിലും നോട്ട് അസാധുവാക്കല്‍ നീക്കം പരാജയപ്പെട്ടുവെന്നാണ് ആര്‍.ബി.ഐ റിപ്പോര്‍ട്ട് വ്യക്തമാക്കുന്നതെന്ന് രാഹുല്‍ഗാന്ധി പറഞ്ഞു.

ന്യൂഡല്‍ഹി: നോട്ട് അസാധുവാക്കല്‍ പിഴവല്ല, പാവപ്പെട്ട ജനങ്ങള്‍ക്കെതിരായ ബോധപൂര്‍വമായ നീക്കമായിരുന്നുവെന്ന് കോണ്‍ഗ്രസ് അധ്യക്ഷന്‍ രാഹുല്‍ഗാന്ധി. അസാധുവാക്കിയ 99 ശതമാനം നോട്ടുകളും ബാങ്കുകളില്‍ തിരിച്ചെത്തിയെന്ന് വ്യക്തമാക്കുന്ന റിസര്‍വ് ബാങ്ക് ഓഫ് ഇന്ത്യ വാര്‍ഷിക റിപ്പോര്‍ട്ട് പുറത്തുവന്ന സാഹചര്യത്തിലാണ് രാഹുലിന്റെ ആരോപണം.

വന്‍ അഴിമതിയാണ് നടന്നതെന്ന് രാഹുല്‍ വാര്‍ത്താ സമ്മേളനത്തില്‍ ആരോപിച്ചു. കള്ളപ്പണവും കള്ളനോട്ടും തീവ്രവാദികള്‍ക്ക് ലഭിക്കുന്ന സാമ്പത്തിക സഹായവും അവസാനിക്കുമെന്നാണ് മോദി രാജ്യത്തിന് വാഗ്ദാനം നല്‍കിയിരുന്നത്. എന്നാല്‍ ഈ മൂന്ന് മേഖലകളിലും നോട്ട് അസാധുവാക്കല്‍ നീക്കം പരാജയപ്പെട്ടുവെന്നാണ് ആര്‍.ബി.ഐ റിപ്പോര്‍ട്ട് വ്യക്തമാക്കുന്നതെന്ന് രാഹുല്‍ഗാന്ധി പറഞ്ഞു. രാജ്യത്തെ യുവജനങ്ങളെയും വ്യാപാരികളെയും ചെറുകിട വ്യവസായികളെയും ദ്രോഹിച്ചത് എന്തിനുവേണ്ടി ആയിരുന്നുവെന്ന് പ്രധാനമന്ത്രി വ്യക്തമാക്കണം. നോട്ട് അസാധുവാക്കല്‍ പിഴവല്ല എന്നതിനാലാണ് പ്രധാനമന്ത്രി ഖേദം പ്രകടിപ്പിക്കാന്‍ തയ്യാറാകാത്തത്.

പാവപ്പെട്ടവരെ തകര്‍ത്ത് അവരുടെ പണം ഉറ്റസുഹൃത്തുക്കളായ മുതലാളിമാരുടെ കൈവശം എത്തിക്കുന്നതിനായിരുന്നു നീക്കമെന്ന് രാഹുല്‍ഗാന്ധി ആരോപിച്ചു. 70 വര്‍ഷത്തിനിടെ മറ്റൊരു സര്‍ക്കാരും ചെയ്യാത്തകാര്യം തന്റെ സര്‍ക്കാര്‍ ചെയ്തുവെന്ന മോദിയുടെ അവകാശവാദം ശരിയായിരുന്നുവെന്നും രാഹുല്‍ ആരോപിച്ചു.

രാജ്യത്തെ ഏറ്റവും വലിയ അഴിമതിക്കാര്‍ക്ക് കള്ളപ്പണം വെളുപ്പിക്കാന്‍ അവസരം ഒരുക്കുന്നതിനായിരുന്നു നോട്ട് അസാധുവാക്കലെന്നും അതിനുവേണ്ടി പ്രധാനമന്ത്രി വന്‍കിട വ്യവസായികളുമായി ഗൂഢാലോചന നടത്തിയെന്നും രാഹുല്‍ ആരോപിച്ചു.

കഴിഞ്ഞ 70 വര്‍ഷമായി നിങ്ങള്‍ ചെയ്യാത്ത കാര്യങ്ങള്‍ ഞാന്‍ ചെയ്‌തെന്ന് പ്രധാനമന്ത്രി പറഞ്ഞ് നടക്കുന്നത് ശരിയാണ്. ഇന്ത്യന്‍ സമ്പദ് വ്യവസ്ഥ തകര്‍ത്ത് തന്നിരിക്കുന്നു. 520 കോടി വിലമതിക്കുന്ന റാഫേല്‍ ജെറ്റുകള്‍ 1600 കോടി രൂപക്ക് വാങ്ങി. ഇതാണ് അദ്ദേഹം ചെയ്ത കാര്യങ്ങള്‍.

നോട്ട്‌നിരോധനത്തെ പ്രതിരോധിച്ച് കൊണ്ട് അരുണ്‍ ജെയ്റ്റ്‌ലി പറഞ്ഞത് നികുതി വരുമാനത്തില്‍ വലിയ വര്‍ധനയുണ്ടായി എന്നാണ്. നികുതിഭാരം ഇല്ലാതായിക്കൊണ്ടിരുന്ന ഒരു സമൂഹത്തെ നികുതി ഒഴിവാക്കാനാവാത്ത ഒരു സമൂഹമാക്കിമാറ്റിയതിന്റെ മേനിനടിക്കുകയാണ് അദ്ദേഹമെന്നും രാഹുല്‍ ഗാന്ധി പറഞ്ഞു.

അസാധുവാക്കിയ 500 ന്റെയും 1000 ത്തിന്റെയും നോട്ടുകളില്‍ 99.3 ശതമാനവും ബാങ്കുകളില്‍ തിരിച്ചെത്തിയെന്ന് ബുധനാഴ്ച പുറത്തിറക്കിയ വാര്‍ഷിക റിപ്പോര്‍ട്ടിലാണ് റിസര്‍വ് ബാങ്ക് ഓഫ് ഇന്ത്യ വ്യക്തമാക്കിയത്. 2016 നവംബര്‍ എട്ടിനുമുമ്പ് പ്രചാരത്തിലുണ്ടായിരുന്ന 15.41 ലക്ഷം കോടിയുടെ 500 ന്റെയും 1000 ത്തിന്റെയും നോട്ടുകളില്‍ 15.31 ലക്ഷം കോടിയും തിരികെയെത്തിയെന്നാണ് ആര്‍.ബി.ഐ റിപ്പോര്‍ട്ട് വ്യക്തമാക്കിയിട്ടുള്ളത്.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Gopi Sunder Music Director, Amritha suresh in love? Viral Instagram post

1 min

അനുഭവങ്ങളുടെ കനല്‍വരമ്പു കടന്ന് പുതിയ വഴികളിലേക്ക്; അമൃതയ്‌ക്കൊപ്പം ഗോപി സുന്ദര്‍

May 26, 2022


anu facebook post

5 min

'ഞങ്ങള്‍ക്ക് ഒരു തൂവാല പോലും മേടിച്ചു തരാത്ത ചാച്ചന്‍, 4 കൊല്ലം കഴിഞ്ഞു വേറെ കല്യാണം കഴിച്ചു'

May 25, 2022


mathrubhumi

1 min

നവജാതശിശുവിനെ അമ്മ പ്ലാസ്റ്റിക് കൂടിലാക്കി തോട്ടിലെറിഞ്ഞു; ബന്ധു കണ്ടതിനാല്‍ കുഞ്ഞ് രക്ഷപ്പെട്ടു

May 27, 2022

Most Commented