നരേന്ദ്ര മോദി | ചിത്രം: ANI
ശ്രീനഗര്‍: ദീപാവലി ദിനത്തില്‍ സൈനികരുമായി കൂടിക്കാഴ്ച നടത്തി പ്രധാനമന്ത്രി നരേന്ദ്ര മോദി. വ്യാഴാഴ്ച ജമ്മു കശ്മീരിലെ സൈനികരുമായാണ് പ്രധാനമന്ത്രി സമയം ചിലവഴിച്ചത്. ജമ്മു കശ്മീരിലെ നൗഷേര സെക്ടറിലെ നിയന്ത്രണരേഖയ്ക്ക് സമീപം നിലയുറപ്പിച്ച സൈനികര്‍ക്കൊപ്പമാണ് ഈ വര്‍ഷം പ്രധാനമന്ത്രി ദീപാവലി ആഘോഷിക്കുന്നത്. 'ഞാന്‍ ഇവിടെ വന്നത് നിങ്ങളുടെ പ്രധാനമന്ത്രിയായല്ല, ഒരു കുടുംബാംഗം എന്ന നിലയിലാണ്. കോടിക്കണക്കിന് ഇന്ത്യക്കാരുടെ അനുഗ്രഹം ഞാന്‍ കൊണ്ടുവന്നിരിക്കുകയാണ്' നൗഷേരയില്‍ സൈനികരെ അഭിസംബോധന ചെയ്യവെ പ്രധാനമന്ത്രി നരേന്ദ്ര മോദി പറഞ്ഞു.
പ്രധാനമന്ത്രി നരേന്ദ്ര മോദിയുടെ സന്ദര്‍ശനത്തിന് മുന്നോടിയായി സുരക്ഷാ സ്ഥിതിഗതികള്‍ വിലയിരുത്താന്‍ കരസേനാ മേധാവി ജനറല്‍ എംഎം നരവാനെ ഇന്നലെ ജമ്മുവിലെത്തി പ്രദേശങ്ങള്‍ സന്ദര്‍ശിച്ചിരുന്നു.
അതിര്‍ത്തി ജില്ലകളായ പൂഞ്ച്, രജൗരി എന്നിവിടങ്ങളില്‍ കഴിഞ്ഞ മൂന്നാഴ്ചയ്ക്കിടെ 11 സൈനികര്‍ കൊല്ലപ്പെട്ടു. കഴിഞ്ഞ 24 ദിവസമായി പൂഞ്ച്-രജൗരി വനമേഖലയില്‍ സൈന്യം ഏറ്റവും ദൈര്‍ഘ്യമേറിയ തീവ്രവാദ വിരുദ്ധ ഓപ്പറേഷനില്‍ ഏര്‍പ്പെട്ടിരിക്കുകയാണ്. ഓപ്പറേഷനില്‍ ഒമ്പത് സൈനികര്‍ക്ക് ജീവന്‍ നഷ്ടപ്പെട്ടെങ്കിലും മേഖലയില്‍ ഒളിച്ചിരിക്കുന്ന ഭീകരരെ പൂര്‍ണമായും തുരത്താന്‍ സൈന്യത്തിന് സാധിച്ചിട്ടില്ല.
ഇത് രണ്ടാം തവണയാണ് മോദി സൈനികര്‍ക്കൊപ്പം ദീപാവലി ആഘോഷിക്കുന്നത്. 2019-ലും പട്ടാളക്കാര്‍ക്കൊപ്പമായിരുന്നു പ്രധാനമന്ത്രി നരേന്ദ്ര മോദി ദീപാവലി ആഘോഷിച്ചത്. ഇത്തവണ അദ്ദേഹം ദീപാവലി നിയന്ത്രണരേഖയ്ക്ക് സമീപമുള്ള നൗഷേരയിലാണ് ആഘോഷിക്കുന്നത്.
Content Highlights: Prime Minister Narendra Modi celebrates diwali with soldiers near line of control
RELATED STORIES
.jpg?$p=94807fb&f=1x1&w=100&q=0.8)
.jpg?$p=e142b0a&f=1x1&w=100&q=0.8)
IN CASE YOU MISSED IT
.jpg?$p=d0aeedf&f=1x1&w=100&q=0.8)
.jpg?$p=4bcc232&f=1x1&w=100&q=0.8)
.jpg?$p=29faa0b&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..