.jpg?$p=8a6554b&f=16x10&w=856&q=0.8)
Photo | ANI, PTI
ന്യൂഡല്‍ഹി: എന്‍.ഡി.ടി.വി.യുടെ പ്രമോട്ടര്‍ കമ്പനിയായ ആര്‍.ആര്‍.പി.ആര്‍. ഹോള്‍ഡിങ് പ്രൈവറ്റ് ലിമിറ്റഡിന്റെ (ആര്‍.ആര്‍.പി.ആര്‍.എച്ച്.) ഡയറക്ടര്‍ ബോര്‍ഡ് സ്ഥാനത്തുനിന്ന് എന്‍.ഡി.ടി.വി. സ്ഥാപകരായ പ്രണോയ് റോയിയും ഭാര്യ രാധിക റോയിയും രാജിവെച്ചു. എന്‍.ഡി.ടി.വി. ഏറ്റെടുക്കാനുള്ള അദാനി ഗ്രൂപ്പ് നടത്തുന്ന നീക്കങ്ങള്‍ക്കിടെയാണ് രാജി തീരുമാനം. നവംബര്‍ 29 മുതല്‍ രാജി പ്രാബല്യത്തില്‍ വരും. എന്‍.ഡി.ടി.വി. ചെയര്‍പേഴ്‌സണാണ് പ്രണോയ് റോയ്. രാധിക റോയ് എക്‌സിക്യുട്ടീവ് ഡയറക്ടറുമാണ്.
അതേസമയം സുദിപ്ത ഭട്ടാചാര്യ, സഞ്ജയ് പുഗാലിയ, സെന്തില്‍ സിന്നയ്യ ചെങ്കല്‍വരയന്‍ എന്നിവരെ ഡയറക്ടര്‍ ബോര്‍ഡ് ഡയറക്ടര്‍ ബോര്‍ഡ് അംഗമാക്കിയുള്ള തീരുമാനം അംഗീകരിച്ചതായി ആര്‍.ആര്‍.പി.ആര്‍. ഹോള്‍ഡിങ്ങിന്റെ ബോര്‍ഡ് അറിയിച്ചു.
അതിനിടെ എന്‍.ഡി.ടി.വി.യെ ഏറ്റെടുക്കാനുള്ള അദാനി ഗ്രൂപ്പിന്റെ നടപടികള്‍ അന്തിമ ഘട്ടത്തിലേക്ക് കടക്കുകയാണ്. പ്രൊമോട്ടര്‍ കമ്പനിയായ ആര്‍.ആര്‍.പി.ആര്‍. ഹോള്‍ഡിങ്ങിന്റെ (രാധികാ റോയ് പ്രണോയ് റോയ് ഹോള്‍ഡിങ്) കൈവശമുള്ള 29.18 ശതമാനം ഓഹരികള്‍ തിങ്കളാഴ്ച അദാനി ഗ്രൂപ്പിനുകീഴിലുള്ള വി.സി.പി.എലിനു (വിശ്വപ്രധാന്‍ കൊമേഴ്‌സ്യല്‍ പ്രൈവറ്റ് ലിമിറ്റഡ്) കൈമാറിയതായി കമ്പനി ഓഹരിവിപണിയെ അറിയിച്ചു. ഇതിനുപുറമെ, വിപണിയില്‍നിന്ന് 26 ശതമാനം ഓഹരികള്‍ ഓപ്പണ്‍ ഓഫര്‍ പ്രകാരം ഏറ്റെടുക്കാനുള്ള നടപടികള്‍ പുരോഗമിക്കുകയാണ്.
ബോംബെ സ്റ്റോക്ക് എക്‌സ്‌ചേഞ്ചിലെ കണക്കുപ്രകാരം ഇതുവരെ 53.28 ലക്ഷം ഓഹരികള്‍ അദാനി ഗ്രൂപ്പിനു കൈമാറാന്‍ സന്നദ്ധതയറിയിച്ച് അപേക്ഷ ലഭിച്ചിട്ടുണ്ട്. നവംബര്‍ 22-നു തുടങ്ങിയ ഓപ്പണ്‍ ഓഫര്‍ ഡിസംബര്‍ അഞ്ചിനാണ് അവസാനിക്കുക.
Content Highlights: prannoy, radhika roy resigned from ndtv
Also Watch
RELATED STORIES
.jpg?$p=1e50b4e&f=1x1&w=100&q=0.8)
.jpg?$p=aa62323&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
%20(1).jpg?$p=03c043d&q=0.8&f=16x11&w=104)
.jpg?$p=cc29bd4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..