ന്യൂഡൽഹി: കോവിഡിനെതിരേയുള്ള പോരാട്ടത്തില്‍ പശ്ചിമ ബംഗാള്‍ സര്‍ക്കാര്‍ സ്വീകരിച്ച നടപടിയെ അഭിനന്ദിച്ച് പ്രധാനമന്ത്രി നരേന്ദ്രമോദി.
വെള്ളിയാഴ്ച ഫോണില്‍ വിളിച്ചാണ് പ്രധാനമന്ത്രി മമതയെ അഭിനന്ദനം അറിയിച്ചത്. ബംഗാള്‍ സര്‍ക്കാര്‍ സ്വീകരിച്ച നടപടികളെ പ്രശംസിക്കാനും അദ്ദേഹം മറന്നില്ല.
ലോക്ക് ഡൗണ്‍ വേളയില്‍ സംസ്ഥാനത്തെ പൗരന്‍മാരെ സഹായിക്കാന്‍ മമതാ സര്‍ക്കാര്‍ സ്വീകരിച്ച മാര്‍ഗ്ഗങ്ങളെയും പ്രധാനമന്ത്രി പ്രശംസിച്ചു.
10 മിനിറ്റോളം ഇരു നേതാക്കളുടെയും സംഭാഷണം നീണ്ടു.
പ്രധാനമന്ത്രിക്കു പുറമെ കേന്ദ്രആഭ്യന്തര മന്ത്രി അമിത് ഷാ , വിദേശ കാര്യ മന്ത്രി എസ് ജയശങ്കര്‍ എന്നിവരും മമതാ ബാനര്‍ജിയെ വിളിച്ച് പശ്ചിമബംഗാളിലെ കാര്യങ്ങള്‍ തിരക്കിയിരുന്നു
