സുബ്രഹ്‌മണ്യംസ്വാമി | Photo : PTI
ന്യൂഡല്‍ഹി: ഗുജറാത്ത് സന്ദര്‍ശനത്തിന് തൊട്ടുപിന്നാലെ ആയിരം കോടി രൂപയുടെ ധനസഹായം പ്രഖ്യാപിച്ച പ്രധാനമന്ത്രി നരേന്ദ്ര മോദി കേരളത്തിനും മഹാരാഷ്ട്രയ്ക്കും കൂടി ധനസഹായം അനുവദിക്കണമെന്ന് മുതിര്‍ന്ന ബി.ജെ.പി. നേതാവും രാജ്യസഭാംഗവുമായ സുബ്രഹ്‌മണ്യം സ്വാമി. കേരളത്തിലും മഹാരാഷ്ട്രയിലും പ്രധാനമന്ത്രിയ്ക്ക് സന്ദര്‍ശനം നടത്താന്‍ സാധിക്കാത്തതിനാല്‍ ഈ സംസ്ഥാനങ്ങള്‍ക്ക് ന്യായമായി കൂടുതല്‍ തുക അനുവദിക്കണമെന്നും അദ്ദേഹം പരിഹാസരൂപേണ ആവശ്യപ്പെട്ടു.
ട്വിറ്ററിലൂടെയായിരുന്നു സുബ്രഹ്‌മണ്യം സ്വാമിയുടെ പ്രതികരണം. ടൗട്ടേ ചുഴലിക്കാറ്റ് ആഞ്ഞടിച്ചതിനെ തുടര്‍ന്ന് ഗുജറാത്തിലുണ്ടായ നാശനഷ്ടങ്ങള്‍ വിലയിരുത്താന്‍ നടത്തിയ സന്ദര്‍ശനത്തിന് ശേഷമാണ് സംസ്ഥാനത്തിന് ആയിരം കോടി രൂപയുടെ ധനസഹായം പ്രധാനമന്ത്രി പ്രഖ്യാപിച്ചത്. സ്വന്തം സംസ്ഥാനത്തിന് അടിയന്തരമായി സഹായം നല്‍കിയ പ്രധാനമന്ത്രിയെ പരിഹസിച്ച സ്വാമി, ഗുജറാത്തിനേക്കാള്‍ കൂടുതല്‍ നാശനഷ്ടം സംഭവിച്ചിട്ടുള്ളതിനാല്‍ കേരളത്തിനും മഹാരാഷ്ട്രയ്ക്കും അധിക തുക അനുവദിക്കാന്‍ തയ്യാറാകണമെന്നാണ് തന്റെ അഭിപ്രായമെന്നും ട്വീറ്റില്‍ സൂചിപ്പിച്ചു.
ബുധനാഴ്ചയാണ് മോദി ഗുജറാത്തില്‍ വ്യോമനിരീക്ഷണം നടത്തിയത്. കൂടാതെ സമീപത്തുള്ള കേന്ദ്രഭരണപ്രദേശമായ ദിയുവിലും അദ്ദേഹം വ്യോമനിരീക്ഷണം നടത്തിയിരുന്നു. ടൗട്ടേ ചുഴലിക്കാറ്റിനെ തുടര്‍ന്ന് ഈ മേഖലയില്‍ കനത്ത നാശനഷ്ടങ്ങളാണ് ഉണ്ടായത്.
Content Highlights: PM Modi Issues Rs 1000 Cr for Cyclone-hit Gujarat, Subramaniam Swamy responds
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
.jpg?$p=fa3fc08&f=1x1&w=100&q=0.8)
IN CASE YOU MISSED IT
.jpg?$p=97caf3c&f=1x1&w=100&q=0.8)
.jpg?$p=48405e6&f=1x1&w=100&q=0.8)
.jpg?$p=48405e6&f=1x1&w=100&q=0.8)
.jpg?$p=97caf3c&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..