'മോദി കി ദുകാനി'ല്‍ നിന്ന് രണ്ടര രൂപയ്ക്ക് ഇനി സാനിറ്ററി പാഡുകളും ലഭിക്കും- പ്രധാനമന്ത്രി


പ്രധാനമന്ത്രി നരേന്ദ്രമോദി | Photo : PTI

ഷില്ലോങ്: താഴ്ന്ന വരുമാനക്കാര്‍ക്ക് കുറഞ്ഞ വിലയ്ക്ക് മരുന്നുകള്‍ ലഭ്യമാക്കുന്നതിനായി ആരംഭിച്ച പ്രധാനമന്ത്രി ഭാരതീയ ജന്‍ഔഷധി പരിയോജനയുടെ ഭാഗമായി 7500 മത് ജന്‍ ഔഷധി കേന്ദ്രം പ്രധാനമന്ത്രി നരേന്ദ്രമോദി വീഡിയോ കോണ്‍ഫറന്‍സിങ്ങിലൂടെ രാജ്യത്തിന് സമര്‍പ്പിച്ചു. പദ്ധതിയെ കുറിച്ച് ജനങ്ങളില്‍ കൂടുതല്‍ അവബോധമുണ്ടാക്കുന്നതിനായി മാര്‍ച്ച് ഒന്ന് മുതല്‍ ഏഴ് വരെ നടത്തിയ ജന്‍ ഔഷധി വാരാഘോഷത്തിന്റെ അവസാന ദിവസമായ ഞായറാഴ്ച നോര്‍ത്ത് ഈസ്‌റ്റേണ്‍ ഇന്ദിരാ ഗാന്ധി റീജണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് ആന്‍ഡ് മെഡിക്കല്‍ സയന്‍സസില്‍ നടന്ന ചടങ്ങിലാണ് ജന്‍ ഔഷധി കേന്ദ്രം പ്രധാനമന്ത്രി കൈമാറിയത്.

ഔഷധങ്ങള്‍ക്ക് വില വളരെ കൂടുതലായതിനാലാണ് പാവപ്പെട്ടവര്‍ക്കായി സര്‍ക്കാര്‍ ഈ പദ്ധതി ആരംഭിച്ചതെന്ന് ഗുണഭോക്താക്കളുമായി നടത്തിയ ആശയസംവാദത്തില്‍ പ്രധാനമന്ത്രി പറഞ്ഞു. ജന്‍ ഔഷധി കേന്ദ്രങ്ങളില്‍ (മോദി കി ദുകാന്‍)നിന്ന് കുറഞ്ഞ വിലയ്ക്ക് മരുന്ന് ലഭിക്കുന്ന അവസരം പരമാവധി ഉപയോഗപ്പെടുത്തണമെന്ന് ജനങ്ങളോട് മോദി ആവശ്യപ്പെടുകയും ചെയ്തു. ജന്‍ ഔഷധി പദ്ധതിയുടെ കീഴില്‍ സ്ത്രീകള്‍ക്ക് സാനിറ്ററി പാഡുകള്‍ രണ്ടര രൂപയ്ക്ക് ലഭിക്കുമെന്നും അദ്ദേഹം കൂട്ടിച്ചേര്‍ത്തു.

രാജ്യത്താകമാനമായി നടത്തുന്ന പദ്ധതി ജനങ്ങള്‍ക്കായുള്ള സേവനമാണെന്നും ഇത് യുവജനങ്ങള്‍ക്ക് തൊഴിലവസരം സൃഷ്ടിക്കുന്നതായും മോദി പറഞ്ഞു. 75 മരുന്നുകള്‍ രാജ്യത്തെ ജന്‍ ഔഷധി കേന്ദ്രങ്ങളിലൂടെ ജനങ്ങള്‍ക്ക് ലഭ്യമാക്കുമെന്നും മോദി അറിയിച്ചു. വിപണി നിരക്കിനേക്കാള്‍ 50-90 ശതമാനം വിലക്കുറവിലാണ് ജന്‍ ഔഷധി കേന്ദ്രങ്ങള്‍ വഴി മരുന്നുകള്‍ ലഭിക്കുന്നത്. 2020-21 സാമ്പത്തിക വര്‍ഷത്തില്‍ പദ്ധതിയുടെ ഗുണഭോക്താക്കള്‍ക്ക് 3,600 കോടി രൂപ ലാഭിക്കാനായതായും പ്രധാനമന്ത്രിയുടെ ഓഫീസ് നേരത്തെ അറിയിച്ചിരുന്നു.

Content Highlights: PM dedicates 7500th Janaushadhi Kendra sanitary pads at Rs 2.5 Modi Ki Dukan

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


Eldhose Paul

2 min

അന്ന് സ്‌കോളര്‍ഷിപ്പ് നിഷേധിച്ചു; ഇന്ന് സ്വര്‍ണം കൊണ്ട് പിഴ തീര്‍ത്ത് എല്‍ദോസ് 

Aug 7, 2022

Most Commented