കുടുംബാംഗങ്ങള്‍ക്കും കൂടി വാക്‌സിന്‍ നല്‍കണം- എയര്‍ ഇന്ത്യയോട് പൈലറ്റുമാരുടെ സംഘടന


Photo: Pics4news

ന്യൂഡല്‍ഹി: ജീവനക്കാര്‍ക്ക് മാത്രമല്ല, കുടുംബാംഗങ്ങള്‍ക്കും കൂടി കോവിഡ് വാക്‌സിന്‍ നല്‍കണമെന്ന അഭ്യര്‍ഥനയുമായി എയര്‍ ഇന്ത്യയുടെ പൈലറ്റ്‌സ് അസോസിയേഷന്‍. ഈ ആവശ്യം ഉന്നയിച്ച് ഇന്ത്യന്‍ കൊമേഴ്‌സ്യല്‍ പൈലറ്റ്‌സ് ഗില്‍ഡ്(ഐ.സി.പി.എ.) എയര്‍ ഇന്ത്യക്ക് കത്തയച്ചതായി ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്തു.

ഫ്‌ളൈയിങ് ക്രൂ അംഗങ്ങള്‍ക്ക് വാക്‌സിന്‍ നല്‍കുന്നതിനൊപ്പം അവരുടെ കുടുംബാഗങ്ങള്‍ക്കും കൂടി നല്‍കണമെന്നാണ് പൈലറ്റ്‌സ് അസോസിയേഷന്റെ അഭ്യര്‍ഥന. ജീവനക്കാര്‍ക്ക് മാത്രം വാക്‌സിന്‍ നല്‍കുന്നത് കോവിഡ് പ്രതിരോധ പ്രക്രിയയെ സഹായിക്കില്ലെന്നും കത്തില്‍ പറയുന്നു. ജൂണ്‍ ഒന്നിനാണ് കത്ത് നല്‍കിയിരിക്കുന്നത്.

കഴിഞ്ഞ മാസം മാത്രം അഞ്ച് പൈലറ്റുമാര്‍ക്കാണ് കോവിഡിനെ തുടര്‍ന്ന് ജീവന്‍ നഷ്ടപ്പെട്ടത്. മേയ് 15- മുതലാണ് എയര്‍ ഇന്ത്യ പൈലറ്റുമാര്‍ക്ക് വാക്‌സിന്‍ നല്‍കിത്തുടങ്ങിയത്. പൈലറ്റുമാരെ ക്വാറന്റീന്‍ ചെയ്യുന്നതും പോസിറ്റീവ് ആകുന്നതും മരിക്കുന്നതും ഭീതിപ്പെടുത്തുന്ന ഇടവേളകളില്‍ ആവര്‍ത്തിക്കപ്പെടുകയാണ്. അടുത്ത ബന്ധുക്കള്‍ പോലും രോഗബാധയ്ക്ക് കീഴടങ്ങുകയും ചെയ്യുന്നു- ഒരു പൈലറ്റ് പ്രതികരിച്ചു.

വന്ദേ ഭാരത് മിഷന്‍ വിമാനങ്ങള്‍ പറത്തിയതിനുശേഷം വീട്ടില്‍ മടങ്ങിയെത്തുമ്പോള്‍, തങ്ങളില്‍നിന്ന് കുടുംബാംഗങ്ങള്‍ക്ക് രോഗം പകരുമോ എന്ന് ഭയപ്പെടുന്നതായും പൈലറ്റുമാര്‍ കൂട്ടിച്ചേര്‍ക്കുന്നു.

content highlights: pilots union asks air india to include dependents on vaccine drive

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022

Most Commented