പട്ടണം ഉത്ഖനനം: ആര്‍ക്കിയോളജിക്കല്‍ സര്‍വേ ഓഫ് ഇന്ത്യയ്ക്കെതിരേ ഡല്‍ഹി ഹൈക്കോടതിയില്‍ ഹര്‍ജി


ബി. ബാലഗോപാല്‍ / മാതൃഭൂമി ന്യൂസ്

പ്രാചീന റോമാ സാമ്രാജ്യ കാലത്തെ ചരിത്രപ്രസിദ്ധമായ മുസിരിസ് തുറമുഖത്തിന്റെ അവിഭാജ്യ ഘടകമായിരുന്നോ പട്ടണമെന്ന് കണ്ടെത്താനാണ് ഉത്ഖനനം

പ്രതീകാത്മക ചിത്രം | ഫോട്ടോ: PTI

ന്യൂഡല്‍ഹി: മുസിരിസ് ഗവേഷണ പദ്ധതിയുടെ ഭാഗമായി പട്ടണം, മതിലകം എന്നീ പ്രദേശങ്ങളില്‍ ഉത്ഖനനം നടത്തുന്നതിന് നല്‍കിയ അനുമതി പിന്‍വലിച്ചതിനെതിരെ ഡല്‍ഹി ഹൈക്കോടതിയില്‍ ഹര്‍ജി. ആര്‍ക്കിയോളജിക്കല്‍ സര്‍വേ ഓഫ് ഇന്ത്യ തീരുമാനം അടിയന്തിരമായി സ്റ്റേ ചെയ്യണമെന്ന് ആവശ്യപ്പെട്ടാണ് ഹര്‍ജി. കേരള ചരിത്ര ഗവേഷണ കൗണ്‍സില്‍ സ്ഥാപക ഡയറക്ടര്‍ പിജെ ചെറിയാനാണ് ഹര്‍ജി നല്‍കിയത്.

മുസിരിസ് പൈതൃക പ്രദേശമായി പ്രഖ്യാപിച്ചിട്ടുള്ള എറണാകുളം ജില്ലയിലെ നോര്‍ത്ത് പറവൂരിന് സമീപത്തെ പട്ടണം, തൃശൂര്‍ ജില്ലയിലെ മതിലകം എന്നീ പ്രദേശങ്ങളില്‍ ഉത്ഖനനം നടത്തുന്നതിന് 'പാമ' എന്ന സ്വകാര്യ ഗവേഷണ ഏജന്‍സിക്കാണ് ആര്‍ക്കിയോളോജിക്കല്‍ സര്‍വെ ഓഫ് ഇന്ത്യ അനുമതി നല്‍കിയിരുന്നത്. കേരള ചരിത്ര ഗവേഷണ കൗണ്‍സില്‍ സ്ഥാപക ഡയറക്ടര്‍ പിജെ ചെറിയാനാണ് പാമയുടെ ഡയറക്ടര്‍. എന്നാല്‍ തങ്ങളുടെ ലോഗോ ദുരുപയോഗം ചെയ്തതായും മാനദണ്ഡങ്ങള്‍ക്ക് വിരുദ്ധമായി ഇന്റേണ്‍ഷിപ്പ് ഫീസ് വാങ്ങിയെന്നും ആരോപിച്ചാണ് ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യ അനുമതി പിന്‍വലിച്ചത്.

ഇതിനെതിരെയാണ് പാമ ഡയറക്ടര്‍ പിജെ ചെറിയാന്‍ ഡല്‍ഹി ഹൈക്കോടതിയെ സമീപിച്ചിരിക്കുന്നത്. പദ്ധതിയുമായി വിവിധ സര്‍വകലാശാലകളുമായി സഹകരിക്കാനുള്ള അനുമതി ലഭിച്ചിട്ടുണ്ടെന്നാണ് ഹര്‍ജിയില്‍ വ്യക്തമാക്കുന്നത്. അതിനാല്‍ തന്നെ എഎസ്‌ഐയുടെ നിലപാട് തെറ്റാണെന്നും പിജെ ചെറിയാന്‍ ഹര്‍ജിയില്‍ വ്യക്തമാക്കിയിട്ടുണ്ട്.

പ്രാചീന റോമാ സാമ്രാജ്യകാലത്തെ ചരിത്രപ്രസിദ്ധമായ മുസിരിസ് തുറമുഖത്തിന്റെ അവിഭാജ്യ ഘടകമായിരുന്നോ പട്ടണമെന്ന് കണ്ടെത്താനാണ് ഉത്ഖനനം നടത്തിയിരുന്നത്. ഇത് വരെയുള്ള ഗണനത്തില്‍ നിര്‍ണായകമായ പല വസ്തുതകളും കണ്ടെത്തിയതായും പാമ ഹര്‍ജിയില്‍ അവകാശപ്പെട്ടിട്ടുണ്ട്. അഭിഭാഷകന്‍ ശ്രീറാം പറക്കാട്ടാണ് ചെറിയാന് വേണ്ടി ഡല്‍ഹി ഹൈക്കോടതിയില്‍ ഹര്‍ജി ഫയല്‍ ചെയ്തത്.

content highlights: Petition against Archaeological Survey of India in Delhi High Court


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022


38:00

അച്ഛന്റെ സിനിമയ്ക്കല്ല, അന്നും പോയിരുന്നത് ലാലേട്ടന്റെയും മമ്മൂക്കയുടെയും സിനിമ കാണാൻ | Binu Pappu

Oct 7, 2022

Most Commented