സുരക്ഷാ ഏജന്‍സികള്‍ക്ക് ഐ.എസ്.ഐയുടെ വ്യാജ ഫോണ്‍ കോളുകള്‍; കനത്ത ജാഗ്രതയില്‍ സൈന്യം


ജമ്മു-പത്താൻകോട്ട് ദേശീയപാതയിൽ പട്രോളിംഗ് നടത്തുന്ന ഇന്ത്യൻ സൈനികർ | ഫോട്ടോ: AP

ജമ്മു: ജമ്മു വ്യോമ താവളത്തില്‍ ഡ്രോണ്‍ ആക്രമണത്തിന് പിന്നാലെ പാകിസ്താന്‍ ചാര ഏജന്‍സിയായ ഐ.എസ്.ഐയുടെ നിരവധി വ്യാജ ഫോണ്‍ കോളുകള്‍ സുരക്ഷാ ഏജന്‍സികള്‍ക്ക് ലഭിക്കുന്നതായി റിപ്പോര്‍ട്ട്. സേനയിലെ മുതിര്‍ന്ന ഉദ്യോഗസ്ഥരായി ചമഞ്ഞ് വിവരങ്ങൾ ആവശ്യപ്പെട്ടാണ് ഫോൺ കോളുകൾ.

ഇത്തരം വ്യാജ കോളുകളുടെ എണ്ണം വര്‍ധിപ്പിക്കാന്‍ ഐ.എസ്.ഐ ശ്രമിക്കുന്നുണ്ടെന്നും റിപ്പോര്‍ട്ടുകളുണ്ട്. വ്യത്യസ്ത നമ്പറുകളില്‍ നിന്നാണ് ഇത്തരം കോളുകള്‍ ലഭിക്കുന്നത്. ഇവയുടെ ഉറവിടം കണ്ടെത്താനും ബുദ്ധിമുട്ടാണ്.

പടിഞ്ഞാറന്‍ സെക്ടറിലെ ഡ്രോണ്‍ ഭീഷണികള്‍ക്ക് ശേഷം ഇത്തരം കോളുകളുടെ എണ്ണം വര്‍ധിക്കുന്നത് സുരക്ഷാ ഏജന്‍സികള്‍ക്കിടയില്‍ ആശങ്ക ഉയര്‍ത്തിയിട്ടുണ്ട്. ഇത്തരം പ്രവര്‍ത്തനങ്ങള്‍ നേരത്തെയും സുരക്ഷാ ഏജന്‍സികള്‍ റിപ്പോര്‍ട്ട് ചെയ്തിരുന്നു.

പാകിസ്താനില്‍ നിന്ന് ഇന്ത്യന്‍ സുരക്ഷാ സേനകള്‍ക്ക് വ്യാജ കോളുകള്‍ ലഭിക്കുന്നത് വര്‍ധിക്കുന്നത് സംബന്ധിച്ച് സുരക്ഷാ ഏജന്‍സികള്‍ക്ക് മുന്നറിയിപ്പ് നല്‍കിയിട്ടുണ്ടെന്ന് ഇന്റലിജന്‍സ് വൃത്തങ്ങള്‍ അറിയിച്ചു.

സ്വാതന്ത്ര്യദിനാഘോഷം കണക്കിലെടുത്ത്, ഈ വ്യാജ കോളുകളെ സംബന്ധിച്ച് ജാഗ്രത പാലിക്കാനും വിവരങ്ങള്‍ കൈമാറുന്നത് തടയാന്‍ ഉചിതമായ നടപടികള്‍ സ്വീകരിക്കാനും സുരക്ഷാ ഏജന്‍സികള്‍ക്ക് നിര്‍ദ്ദേശം ലഭിച്ചിട്ടുണ്ട്.

ജൂലൈ 23ന് ജമ്മു മേഖലയിലെ കനാചക് പ്രദേശത്ത് അതിര്‍ത്തി കടന്ന് പാകിസ്താനില്‍ നിന്ന് വന്ന ഹെക്‌സ-കോപ്റ്റര്‍ ഡ്രോണ്‍ ജമ്മു കശ്മീര്‍ പോലീസ് വെടിവച്ചു വീഴ്ത്തിയിരുന്നു. ജൂണ്‍ 27ന് ജമ്മു വ്യോമസേനാ സ്റ്റേഷന് നേരെ ഡ്രോണ്‍ ആക്രമണം നടന്നതിന് പിന്നാലെയാണ് ഈ സംഭവം.

ജൂണ്‍ 29ന് പ്രധാനമന്ത്രി നരേന്ദ്രമോദി ഡ്രോണ്‍ ഉള്‍പ്പെടെയുള്ള സുരക്ഷാ ഭീഷണികള്‍ ചര്‍ച്ച ചെയ്യുന്നതിനായി ഉന്നതതല യോഗം വിളിച്ചുചേര്‍ത്തിരുന്നു.

Content Highlights: Pakistani agencies making fake calls to Indian security forces

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


AKHIL

1 min

വിവാഹിതയായ വീട്ടമ്മ ഒപ്പം വരാത്തതില്‍ പ്രതികാരം, വെട്ടുകത്തിയുമായി വീട്ടിലെത്തി ആക്രമിച്ചു

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented