നിര്‍ദിഷ്ട സമയത്തിനുളളില്‍ കോവിഡ് വാക്‌സിന്‍ രണ്ടാം ഡോസ് കിട്ടാത്തത് 3.86 കോടി പേര്‍ക്ക്- കേന്ദ്രം


ഓഗസ്റ്റ് 17 വരെ കോവിഷീല്‍ഡ് ആദ്യ ഡോസ് വാക്‌സിന്‍ എടുത്ത ശേഷം 3,40,72,993 പേര്‍ക്ക് സര്‍ക്കാര്‍ നിശ്ചയിച്ച സമയപരിധിക്കുള്ളില്‍ രണ്ടാം ഡോസ് വാക്‌സിന്‍ എടുക്കാന്‍ കഴിഞ്ഞിട്ടില്ലെന്ന് വാക്‌സിന്‍ അഡ്മിനിസ്‌ട്രേഷന്‍ സെല്‍ വ്യക്തമാക്കി.

പ്രതീകാത്മക ചിത്രം | Photo: A.F.P.

ന്യൂഡല്‍ഹി: രാജ്യത്ത് 3.86 കോടി പേര്‍ക്ക് നിശ്ചയിച്ച സമയപരിധിക്കുള്ളില്‍ കോവിഡ് വാക്സിന്‍ രണ്ടാം ഡോസ് എടുക്കാന്‍ കഴിഞ്ഞിട്ടില്ലെന്ന് കേന്ദ്രസര്‍ക്കാര്‍ അറിയിച്ചു. ആക്ടിവിസ്റ്റായ രാമന്‍ ശര്‍മ സമര്‍പ്പിച്ച വിവരാവകാശ അന്വേഷണത്തിലാണ് കേന്ദ്രസര്‍ക്കാറിന്റെ മറുപടി. കോവിന്‍ പോര്‍ട്ടലില്‍ നിന്ന് ലഭിക്കുന്ന വിവരമനുസരിച്ച് വ്യാഴാഴ്ച ഉച്ചവരെ 44,22,85,854 പേര്‍ക്കാണ് ഒന്നാം ഡോസ് കുത്തിവെപ്പ് നല്‍കിയത്. 12,59,07,443 പേര്‍ക്ക് രണ്ടാം ഡോസ് കുത്തിവെപ്പും നല്‍കി.

കോവിഷീല്‍ഡ് വാക്സിന്‍ ഒന്നാം ഡോസ് എടുത്തിനുശേഷം 84 മുതല്‍ 112 ദിവസങ്ങള്‍ക്കുള്ളില്‍ രണ്ടാം ഡോസ് എടുക്കണമെന്ന് കേന്ദ്ര ആരോഗ്യമന്ത്രാലയത്തിനു കീഴില്‍ പ്രവര്‍ത്തിക്കുന്ന വാക്സിന്‍ അഡ്മിനിസ്ട്രേഷന്‍ സെല്‍ വ്യക്തമാക്കി. കോവാക്സിന്‍ ആണെങ്കില്‍ 28 മുതല്‍ 42 ദിവസങ്ങള്‍ക്കുള്ളില്‍ രണ്ടാം ഡോസ് വാക്സിന്‍ എടുക്കണം.

എന്നാല്‍ ഓഗസ്റ്റ് 17 വരെ കോവിഷീല്‍ഡ് ആദ്യ ഡോസ് വാക്സിന്‍ എടുത്ത ശേഷം 3,40,72,993 പേര്‍ക്ക് സര്‍ക്കാര്‍ നിശ്ചയിച്ച സമയപരിധിക്കുള്ളില്‍ രണ്ടാം ഡോസ് വാക്സിന്‍ എടുക്കാന്‍ കഴിഞ്ഞിട്ടില്ല. 46,78,406 പേര്‍ക്ക് കോവാക്സിന്‍ ആദ്യ ഡോസ് എടുത്തശേഷം സമയപരിധിക്കുള്ളില്‍ രണ്ടാം ഡോസ് കുത്തിവെപ്പ് എടുക്കാന്‍ കഴിഞ്ഞില്ല.

ആദ്യ ഡോസ് വാക്സിന്‍ സ്വീകരിച്ചശേഷം നിശ്ചിത സമയപരിധിക്കുള്ളില്‍ രണ്ടാം ഡോസ് വാക്സിന്‍ എടുക്കണമെന്നാണ് ശുപാര്‍ശ. എന്നാല്‍, രണ്ടാം ഡോസ് വാക്സിന്‍ എടുക്കാന്‍ കഴിയാത്തവര്‍ ഒന്നാം ഡോസ് വീണ്ടുമെടുക്കണമെന്ന നിര്‍ദേശം ഇല്ലെന്നും ആരോഗ്യമന്ത്രാലയത്തിന്റെ കോവിഡ് 19 വാക്‌സിനേഷന്‍ അഡ്മിനിസ്‌ട്രേഷന്‍ സെല്‍ വ്യക്തമാക്കി. വാക്സിനേഷന്റെ മുഴുവന്‍ ഗുണവും ലഭിക്കണമെങ്കില്‍ വാക്‌സിന്റെ രണ്ടുഡോസ് എടുക്കണമെന്നും രണ്ട് ഡോസും ഒരേ വാക്സിന്‍ തന്നെ സ്വീകരിക്കണമെന്നും അവര്‍ കൂട്ടിച്ചേര്‍ത്തു.

Content Highlights: over 3.86 crore people didnt get 2nd dose of covid vaccines within stipulated time government

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Gopi Sunder Music Director, Amritha suresh in love? Viral Instagram post

1 min

അനുഭവങ്ങളുടെ കനല്‍വരമ്പു കടന്ന് പുതിയ വഴികളിലേക്ക്; അമൃതയ്‌ക്കൊപ്പം ഗോപി സുന്ദര്‍

May 26, 2022


anu facebook post

5 min

'ഞങ്ങള്‍ക്ക് ഒരു തൂവാല പോലും മേടിച്ചു തരാത്ത ചാച്ചന്‍, 4 കൊല്ലം കഴിഞ്ഞു വേറെ കല്യാണം കഴിച്ചു'

May 25, 2022


mathrubhumi

1 min

നവജാതശിശുവിനെ അമ്മ പ്ലാസ്റ്റിക് കൂടിലാക്കി തോട്ടിലെറിഞ്ഞു; ബന്ധു കണ്ടതിനാല്‍ കുഞ്ഞ് രക്ഷപ്പെട്ടു

May 27, 2022

Most Commented