.jpg?$p=ade0108&f=16x10&w=852&q=0.8)
നിതി ആയോഗ് യോഗത്തിത്തിന് ശേഷം | Photo: ANI
ന്യൂഡല്‍ഹി: പ്രധാനമന്ത്രിയുടെ അധ്യക്ഷതയില്‍ ചേര്‍ന്ന നിതി ആയോഗ് യോഗത്തില്‍ നിന്ന് വിട്ടുനിന്ന് പ്രതിപക്ഷ മുഖ്യമന്ത്രിമാര്‍. കേരള മുഖ്യമന്ത്രി പിണറായി വിജയനടക്കമുള്ള പ്രതിപക്ഷ മുഖ്യമന്ത്രിമാരാണ് എട്ടാമത് യോഗത്തില്‍നിന്ന് വിട്ടുനിന്നത്. വികസിത് ഭാരത് @ 2047 എന്ന പ്രമേയത്തില്‍ ന്യൂഡല്‍ഹിയിലെ പ്രഗതി മൈതാനത്തിലെ പുതിയ കണ്‍വെന്‍ഷന്‍ സെന്ററിലാണ് യോഗം ചേര്‍ന്നത്.
ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍, പശ്ചിമബംഗാള്‍ മുഖ്യമന്ത്രി മമത ബാനര്‍ജി, പഞ്ചാബ് മുഖ്യമന്ത്രി ഭഗവന്ത് മാന്‍, ബിഹാര്‍ മുഖ്യമന്ത്രി നിതീഷ്‌കുമാര്‍, തെലങ്കാന മുഖ്യമന്ത്രി കെ. ചന്ദ്രശേഖര്‍ റാവു, തമിഴ്‌നാട് മുഖ്യമന്ത്രി എം.കെ. സ്റ്റാലിന്‍, രാജസ്ഥാന്‍ മുഖ്യമന്ത്രി അശോക് ഗഹലോത്ത്, ഒഡിഷ മുഖ്യമന്ത്രി നവീന്‍ പട്‌നായിക് എന്നിവരാണ് മുഖ്യമന്ത്രി പിണറായി വിജയനെക്കൂടാതെ യോഗത്തില്‍നിന്ന് വിട്ടുനില്‍ക്കുന്നത്. കോണ്‍ഗ്രസ് മുഖ്യമന്ത്രിമാരില്‍, ഹിമാചല്‍ മുഖ്യമന്ത്രി സുഖ്‌വിന്ദര്‍ സിങ് സുഖു, ചത്തീസ്ഗഢ് മുഖ്യമന്ത്രി ഭൂപേഷ് ബാഘേല്‍ എന്നിവര്‍ യോഗത്തില്‍ പങ്കെടുത്തു.
പ്രത്യേക കാരണങ്ങള്‍ ഒന്നും അറിയിക്കാതെയാണ് മുഖ്യമന്ത്രി പിണറായി വിജയന്‍ യോഗത്തില്‍നിന്ന് വിട്ടുനിന്നത്. ആരോഗ്യകാരണങ്ങളാലാണ് വിട്ടുനില്‍ക്കുന്നതെന്ന് അശോക് ഗഹലോത്ത് അറിയിച്ചു. ഗ്രാന്‍ഡുകളും ഫണ്ടുകളും അനുവദിക്കുന്നതില്‍ കേന്ദ്രത്തിന് സംസ്ഥാനത്തോട് വിവേചനമെന്ന് ആരോപിച്ചാണ് പഞ്ചാബ് മുഖ്യമന്ത്രി വിട്ടുനിന്നത്. സിങ്കപ്പൂര്‍, ജപ്പാന്‍ രാജ്യങ്ങളില്‍ സന്ദര്‍ശനത്തിലായതിനാലാണ് സ്റ്റാലിന്‍ യോഗത്തില്‍ പങ്കെടുക്കാത്തത്.
കെജ്‌രിവാളുമായുള്ള കൂട്ടിക്കാഴ്ച ചൂണ്ടിക്കാട്ടിയാണ് കെ. ചന്ദ്രശേഖര്‍ റാവു വിട്ടുനില്‍ക്കുന്നത്. നേരത്തേ തീരുമാനിച്ച പരിപാടികള്‍ ഉള്ളതിനാലാണ് വിട്ടുനില്‍ക്കുന്നതെന്ന് നിതിഷ് കുമാറിനോടടുത്ത വൃത്തങ്ങല്‍ അറിയിച്ചു. മുഖ്യമന്ത്രിക്ക് പകരം സംസ്ഥാന ധനകാര്യമന്ത്രിയേയും ചീഫ് സെക്രട്ടറിയേയും യോഗത്തിനയക്കാന്‍ ബംഗാള്‍ സര്‍ക്കാര്‍ അനുമതി തേടിയിരുന്നെങ്കിലും നിഷേധിച്ചിരുന്നു. മമതയും യോഗത്തില്‍ പങ്കെടുക്കില്ല. ലഫ്റ്റനന്റ് ഗവര്‍ണറുടെ അധികാരം പുനഃസ്ഥാപിക്കാനുള്ള മേയ് 19-ലെ ഓര്‍ഡിനന്‍സ് ജനാധിപത്യവിരുദ്ധവും ഭരണഘടനാവിരുദ്ധവുമാണെന്ന് ചൂണ്ടിക്കാട്ടിയാണ് ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍ യോഗത്തില്‍നിന്ന് വിട്ടുനിന്നത്.
Content Highlights: Opposition chief ministers skip Niti Aayog meeting
Also Watch
RELATED STORIES
IN CASE YOU MISSED IT
.jpg?$p=2922c1a&f=1x1&w=100&q=0.8)
.jpg?$p=8fb041f&f=1x1&w=100&q=0.8)
.jpg?$p=0addcd3&f=1x1&w=100&q=0.8)
.jpg?$p=f1b1304&q=0.8&f=16x11&w=104)
.jpg?$p=2922c1a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..