അന്താരാഷ്ട്ര സഹായത്തോടെ പ്രതിപക്ഷം യുപിയില്‍ കലാപത്തിന് ശ്രമിക്കുന്നു- യോഗി ആദിത്യനാഥ്


യോഗി ആദിത്യനാഥ് | Photo:ANI

ലഖ്‌നൗ: ഹാഥ്‌റസില്‍ കൂട്ടബലാത്സംഗത്തിന് ഇരയായി പെണ്‍കുട്ടി കൊല്ലപ്പെട്ട സംഭവത്തില്‍ രാജവ്യാപക പ്രതിഷേധം ഉയരുന്നതിനിടെ പ്രതിപക്ഷത്തിനെതിരെ ആരോപണവുമായി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. അന്താരാഷ്ട്ര ഫണ്ടിങ്ങിലൂടെ പ്രതിപക്ഷം സംസ്ഥാനത്ത് ജാതി-വര്‍ഗീയ കലാപങ്ങളുണ്ടാക്കാന്‍ ശ്രമിക്കുകയാണെന്ന് അദ്ദേഹം കുററപ്പെടുത്തി. വാർത്താ ഏജൻസിയായ എ.എൻ.ഐയോടായിരുന്നു ആദിത്യനാഥിന്റെ പ്രതികരണം.

അന്താരാഷ്ട്ര ഫണ്ടിങ്ങിലൂടെ ജാതി-വര്‍ഗീയ കലാപങ്ങള്‍ക്ക് അടിത്തറപാകാന്‍ ശ്രമിച്ചുകൊണ്ട് പ്രതിപക്ഷം ഞങ്ങള്‍ക്കെതിരെ ഗൂഢാലോചന നടത്തുകയാണ്. കഴിഞ്ഞ ഒരാഴ്ചയായി പ്രതിപക്ഷ പാര്‍ട്ടികള്‍ കലാപം കാണാന്‍ ആഗ്രഹിക്കുന്നു. ഇത്തരം ഗൂഢാലോചനകള്‍ക്കെല്ലാമിടയില്‍ ഞങ്ങള്‍ക്ക് മുന്നോട്ടുപോകേണ്ടതുണ്ട്.' ആദിത്യനാഥ് പറഞ്ഞു.

സാമൂഹികവിരുദ്ധര്‍ക്കും ദേശവിരുദ്ധര്‍ക്കും സംസ്ഥാനത്തിന്റെ വികസനം അംഗീകരിക്കാന്‍ ബുദ്ധിമുട്ടുണ്ടെന്നും അദ്ദേഹം പറഞ്ഞു. രാജ്യത്തിന്റെ വികസനത്തിനായി ആത്മസമര്‍പ്പണത്തിന് തയ്യാറാകണമെന്ന് ബി.ജെ.പി പ്രവര്‍ത്തകരോട് ആദിത്യനാഥ് അഭ്യര്‍ഥിക്കുകയും ചെയ്തു.

ബി.ജെ.പി. പ്രവര്‍ത്തകര്‍ രാജ്യത്തിന്റെ വികസനത്തിനായി സ്വയം സമര്‍പ്പിക്കേണ്ടതുണ്ട്. സാമൂഹിക വിരുദ്ധരും ദേശ വിരുദ്ധരും ആയവര്‍ക്ക് സംസ്ഥാനത്തിന്റെ വികസനം അംഗീകരിക്കുന്നതില്‍ പ്രയാസം നേരിടുകയാണ്. കാരണം അവര്‍ എല്ലായ്‌പ്പോഴും കലാപബാധിതമായ ഉത്തര്‍പ്രദേശിനെയാണ് ആഗ്രഹിച്ചത്. അതിനാല്‍ അവര്‍ ഇപ്പോള്‍ ഗൂഢാലോചനകള്‍ നടത്തിവരികയാണ്.' യോഗി ആദിത്യനാഥ് പറയുന്നു.

Content Highlights: Hathras case: Opponents are trying to lay a foundation for caste and communal riots through international funding says Yogi Adityanath


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022


38:00

അച്ഛന്റെ സിനിമയ്ക്കല്ല, അന്നും പോയിരുന്നത് ലാലേട്ടന്റെയും മമ്മൂക്കയുടെയും സിനിമ കാണാൻ | Binu Pappu

Oct 7, 2022

Most Commented