ആഡംബര കാര്‍ ബൈക്കിലിടിച്ചു, പിന്നാലെ കൂട്ടയിടി; ആറ് വാഹനങ്ങള്‍ തകര്‍ന്നു, ഒരാള്‍ മരിച്ചു


ബെംഗളൂരു ഇന്ദിരാനഗർ 80 ഫീറ്റ് റോഡിൽ ഉണ്ടായ അപകടം | Photo: ANI

ബെംഗളൂരു: ബെംഗളൂരു നഗരമധ്യത്തില്‍ വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ ഒരാള്‍ മരിക്കുകയും ആറ് പേര്‍ക്ക് പരിക്കേല്‍ക്കുകയും ചെയ്തു. ഇന്ദിരാനഗര്‍ 80 ഫീറ്റ് റോഡില്‍ ചൊവ്വാഴ്ച ഉച്ചയ്ക്കാണ് അപകടം. അമിതവേഗത്തിലെത്തിയ മേഴ്‌സിഡസ് ബെന്‍സ് കാര്‍ ബൈക്കിലിടിച്ച ശേഷം രക്ഷപ്പെടാന്‍ ശ്രമിക്കുന്നതിനിടെയാണ് കൂട്ട അപകടം ഉണ്ടായത്.

മേഴ്‌സിഡസ് ബെന്‍സ് കാര്‍ ആദ്യം ബൈക്കിലിടിച്ച ശേഷം അതിവേഗം രക്ഷപ്പെടാന്‍ ശ്രമിക്കുന്നതിനിടെ റോഡരികില്‍ നിര്‍ത്തിയിട്ടിരുന്ന കാര്‍ ഇടിച്ചുതെറിപ്പിക്കുകയായിരുന്നു. തുടര്‍ന്ന് ആഡംബര കാര്‍ ഇടിച്ചുതെറിപ്പിച്ച കാര്‍ ഒട്ടേറെ വാഹനങ്ങളുമായി കൂട്ടിയിടിച്ചു. അപകടത്തില്‍ രണ്ടു കാറുകള്‍, രണ്ട് ഓട്ടോറിക്ഷ, ടെംപോ, ബൈക്ക് എന്നിവയ്ക്ക് കേടുസംഭവിച്ചു.

അസം സ്വദേശിയും പബ്ബ് ജീവനക്കാരനുമായ ഹരി മഹന്ദ് ആണ് മരിച്ചത്. നന്ദിത ചൗധരി എന്നയാളുടെ ഉടമസ്ഥതയിലുള്ളതാണ് അപകടമുണ്ടാക്കിയ ആഡംബര കാര്‍. സുവീദ് കാര്‍ഡിയോ എന്നയാളാണ് അപകടമുണ്ടാക്കിയ ആഡംബര കാര്‍ ഓടിച്ചിരുന്നത്. പരിക്കേറ്റതിനെത്തുടര്‍ന്ന് ഇയാളെ നഗരത്തിലെ സ്വകാര്യ ആശുപത്രിയില്‍ പ്രവേശിപ്പിച്ചു.

അപകടത്തെത്തുടര്‍ന്ന് റോഡില്‍ വന്‍ ഗതാഗതക്കുരുക്ക് അനുഭവപ്പെട്ടു. തുടര്‍ന്ന് പോലീസ് ഗതാഗതം വഴിതിരിച്ചുവിട്ടു. അള്‍സൂര്‍ പോലീസ് കേസെടുത്തു. ബെന്‍സ് കാര്‍ അതിവേഗതയിലായിരുന്നുവെന്ന് ദൃക്സാക്ഷികള്‍ പറഞ്ഞു.

Content Highlights: One dead, six injured after speeding car crashes into a number of vehicles in Bengaluru's Indiranagar

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
temple

1 min

ഓസ്‌ട്രേലിയയില്‍ ഹിന്ദു ക്ഷേത്രങ്ങള്‍ക്കുനേരെ ആക്രമണം; പ്രതിഷേധമറിയിച്ച് ഇന്ത്യ

Jan 26, 2023


adani

2 min

നഷ്ടം കോടികള്‍: നിയമനടപടിയെന്ന് അദാനി; ഭീഷണിയല്ലാതെ ചോദ്യങ്ങള്‍ക്കുത്തരമുണ്ടോയെന്ന് ഹിന്‍ഡെന്‍ബര്‍ഗ്

Jan 27, 2023


Anil Antony

4 min

ഈ പോക്കിന്‌ കോണ്‍ഗ്രസിന് ഭാവി വിദൂരമാണ്, ഒപ്പമുള്ളവരെ കാണുമ്പോള്‍ രാഹുലിനോട് സഹതാപം- അനില്‍ ആന്റണി

Jan 25, 2023

Most Commented