ഇന്ധന വിലവർധനയുടെ പഴി ഓയില്‍ ബോണ്ടുകള്‍ക്ക്; എത്രകാലം ഇതുപറഞ്ഞ് ജനത്തെ പറ്റിക്കും?


എസ്. അരുണ്‍ ശങ്കര്‍

നിർമല സീതാരാമൻ | ഫോട്ടോ: പി.ടി.ഐ, എ.എഫ്.പി

'ഞാന്‍ എന്ത് ചെയ്യാനാ, യുപിഎ സര്‍ക്കാര്‍ ഇറക്കിയ ഓയില്‍ ബോണ്ടിന്റെ ബാധ്യത തിരിച്ചടയ്ക്കണം. പൈസ ഉണ്ടായിരുന്നെങ്കില്‍ പെട്രോള്‍ വിലയില്‍ ജനങ്ങള്‍ക്ക് ആശ്വാസം നല്‍കിയേനേ?'

-കത്തിക്കയറുന്ന ഇന്ധന വിലയില്‍ പൊറുതിമുട്ടിയ ജനത്തിന്റെ മുഖത്ത് നോക്കി ഒരു കൂസലുമില്ലാതെ കേന്ദ്ര ധനമന്ത്രി നിര്‍മ്മലാ സീതാരാമന്‍ പറഞ്ഞതാണിത്.

ഇന്ധന വിലവര്‍ദ്ധനവിന് കാരണമായ എക്സൈസ് തീരുവ കുറയ്ക്കില്ല. കാരണവും അസന്ദിഗ്ധമായി അവർ വ്യക്തമാക്കി- ഓയില്‍ ബോണ്ട്. അതും യു പി എ സര്‍ക്കാര്‍ ഇറക്കിയത്. അങ്ങനെ ഓയിലില്‍ നിര്‍മ്മലാജി നന്നായി കൈ കഴുകി.

സത്യമാണ്, യുപി എ സര്‍ക്കാര്‍ ഓയില്‍ ബോണ്ട് ഇറക്കിയിട്ടുണ്ട്, അതിന്റെ പലിശയും മുതലും അടയ്ക്കേണ്ടതുണ്ട്. എന്താണീ ഓയില്‍ ബോണ്ട്? എത്ര അടയ്ക്കാനുണ്ട്?

2005-2010 കാലഘട്ടത്തില്‍ ഇന്ധന വില നിയന്ത്രിക്കാനായി ഓയില്‍ കമ്പനികള്‍ക്ക് നല്‍കേണ്ട 1.44 ലക്ഷം കോടി സബ്സിഡിക്ക് വേണ്ടിയായിരുന്നു അന്നത്തെ സര്‍ക്കാര്‍ ഓയില്‍ ബോണ്ട് ഇറക്കിയത്. ഓയില്‍ മാര്‍ക്കറ്റിങ് കമ്പനികള്‍ക്ക് നല്‍കാന്‍ കയ്യില്‍ പണമില്ലാതിരുന്നതുകൊണ്ട് ബോണ്ടിറക്കി. കുതിച്ചുയര്‍ന്ന ഇന്ധന വില ബാധ്യതയായില്ല എന്നതാണ് പരോക്ഷമായി ജനങ്ങള്‍ക്കുണ്ടായ ഗുണം.

പക്ഷെ, ഇടവേളകളില്‍ പലിശ ഇനത്തില്‍ ഉള്‍പ്പെടെ കോടികള്‍ നല്‍കേണ്ടതിനാല്‍ ഓയില്‍ ബോണ്ട് ബാധ്യത തന്നെയാണ്. ഓയില്‍ ബോണ്ടിന്റെ ബാധ്യത തീര്‍ക്കാന്‍ 2021-2026 വര്‍ഷങ്ങളില്‍ സര്‍ക്കാരിന് വേണ്ടിവരുന്നതാകട്ടെ 1.30 ലക്ഷം കോടി രൂപയും. എന്നാല്‍, അതിന്റെ പേരില്‍ തുടരുന്ന അധിക എക്സൈസ് തീരുവ പിരിവ് ന്യായമോ?

ഓയില്‍ ബോണ്ട് ബാധ്യത തീര്‍ക്കാന്‍ ഉള്ളതിനാല്‍ എക്സൈസ് തീരുവ കുറയ്ക്കില്ലെന്നാണ് നിര്‍മ്മലാ സീതാരാമന്റെ ന്യായം. കേള്‍ക്കുമ്പോള്‍ ശരിയായി തോന്നാം. പക്ഷെ ഓയില്‍ ബോണ്ടിന്റെ പേരില്‍ സര്‍ക്കാര്‍ നടത്തുന്ന കൊള്ള എത്രയാണെന്ന് അറിയാമോ?

2026 വരെയുള്ള ബാധ്യത 1.30 ലക്ഷം കോടി രൂപയാണ്. എന്നാല്‍, 2019-2020 ല്‍ മാത്രം എക്സൈസ് ഡ്യൂട്ടിയില്‍ സര്‍ക്കാരിന് 2.4 ലക്ഷം കോടി രൂപ വരുമാനം ഉണ്ടായി. 2020-2021ല്‍ വരുമാനം 3.8 ലക്ഷമായി ഉയര്‍ന്നു. ഈ വര്‍ഷം ആദ്യ പാദത്തിലെ വരുമാനം ആകട്ടെ 94,000 കോടി രൂപയും. മുന്‍ വര്‍ഷം സമാന കാലയളവില്‍ 35,000 കോടി രൂപയായിരുന്നു വരുമാനം എന്നുകൂടി ഓര്‍ക്കണം. അതായത്, ബാധ്യതയുടെ എത്രയോ ഇരട്ടി സര്‍ക്കാര്‍ പിരിച്ചു കഴിഞ്ഞു.

ഇതറിയാതെ എത്രയോ പേര്‍ നിര്‍മ്മലാ സീതാരാമന്‍ പറഞ്ഞ ഓയില്‍ ബോണ്ടെന്ന മാറാരോഗത്തിന്റെ ദയനീയതയില്‍ വീണുപോയിരിക്കുന്നു. ജനങ്ങളെ പിഴിയുന്ന ഈ ക്രൂരത ഇനിയെങ്കിലും നിര്‍ത്തിക്കൂടെ?

Content Highlights: Oil bonds and rising fuel prices- Finance Minister Nirmala Sitharaman

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented