സുരക്ഷാസമിതി വിഹിതത്തില്‍ ഒറ്റയടിക്ക് പത്തിരട്ടി വർധന: പെഗാസസ് ഇടപാടിന് നീക്കിവെച്ചതെന്ന് പ്രതിപക്ഷം


പ്രതീകാത്മക ചിത്രം | Photo: Shutterstock

ന്യൂഡല്‍ഹി: ദേശീയ സുരക്ഷാ സമിതിയുടെ വിഹിതം പത്തിരട്ടി ഉയര്‍ത്തിയതിനു പിന്നില്‍ പെഗാസസ് ഫോണ്‍ ചോര്‍ത്തല്‍ സംഭവത്തിന് ബന്ധമുണ്ടെന്ന് ആരോപണം. സാധാരണ വര്‍ഷങ്ങളിലേതില്‍നിന്ന് വിഭിന്നമായി, പെഗാസസ് ആരോപണം ഉയര്‍ന്ന 2017-'18 കാലയളവില്‍ ദേശീയ സുരക്ഷാ സമിതിയുടെ വിഹിതം 10 ഇരട്ടി വര്‍ധിപ്പിച്ചതായാണ് ആരോപണം. കോണ്‍ഗ്രസും മുതിര്‍ന്ന അഭിഭാഷകന്‍ പ്രശാന്ത് ഭൂഷണുമാണ് ആരോപണം ഉയര്‍ത്തിയത്. ഇതു സംബന്ധിച്ച് വ്യക്തത വരുത്തണമെന്ന് ബിജെപി എംപി സുബ്രഹ്മണ്യന്‍ സ്വാമിയും ആവശ്യപ്പെട്ടിട്ടുണ്ട്.

യു.പി.എ. സര്‍ക്കാരിന്റെ കാലത്ത് 2011-'12-ല്‍ 17.43 കോടി രൂപയാണ് കൗണ്‍സിലിന് ഗ്രാന്റായി നല്‍കിയത്. 2012-'13-ല്‍ ഇത് 20.33 കോടിയും 2013-14 ല്‍ 26.06 കോടിയുമായിരുന്നു. 2014-'15-ല്‍ മോദിസര്‍ക്കാര്‍ വന്നപ്പോള്‍ 44.46 കോടിയും 2016-'17-ല്‍ 33 കോടിയും നല്‍കി.

എന്നാല്‍ 2017-'18-ല്‍ കൗണ്‍സിലിന് കീഴില്‍ സൈബര്‍ സെക്യൂരിറ്റി ആന്‍ഡ് ഡവലപ്മെന്റ് എന്ന വിഭാഗം ഏര്‍പ്പെടുത്തി ഗ്രാന്റ് തുക പത്തിരട്ടി വര്‍ധിപ്പിച്ച് 333 കോടിയാക്കി. 2021-'22-ല്‍ 228.72 കോടിയും നല്‍കി. ഇങ്ങനെ തുക വര്‍ധിപ്പിച്ച കാലത്താണ് പെഗാസസ് ആരോപണം ഉയര്‍ന്നത് എന്ന കാര്യം എന്താണ് വ്യക്തമാക്കുന്നതെന്ന് കോണ്‍ഗ്രസ് വക്താവ് പവന്‍ ഖേര പത്രസമ്മേളനത്തില്‍ ചോദിച്ചു. ഈ പെട്ടെന്നുള്ള വര്‍ധനയ്ക്കു പിന്നിലെന്താണെന്ന് വ്യക്തമാക്കണമെന്നും അദ്ദേഹം ആവശ്യപ്പെട്ടു.

2017-'18 കാലത്ത് ദേശീയ സുരക്ഷാ സമിതിയുടെ വിഹിതം പെട്ടെന്ന് വര്‍ധിപ്പിച്ചതിനു പിന്നില്‍ പെഗാസസുമായുണ്ടാക്കിയ ഇടപാടാണെന്ന് പ്രശാന്ത് ഭൂഷണ്‍ ആരോപിച്ചു. ഈ കാലത്താണ് പെഗാസസ് സോഫ്റ്റ്‌വെയര്‍ വികസിപ്പിച്ച ഇസ്രയേല്‍ കമ്പനിയായ എന്‍എസ്ഒയ്ക്ക് നൂറുകണക്കിന് കോടി രൂപ നല്‍കിയതെന്നും അദ്ദേഹം ആരോപിച്ചു.

ഇന്ത്യയുടെ ദശീയ സുരക്ഷാ സമിതി വിഹിതം 2017-'18 കാലത്ത് പെട്ടെന്ന് വര്‍ധിപ്പിച്ചത് എന്തുകൊണ്ടാണെന്ന് ബിജെപി എംപി സുബ്രഹ്മണ്യന്‍ സ്വാമിയും ചോദിച്ചു. സൈബര്‍ സെക്യൂരിറ്റി ആന്‍ഡ് ഡവലപ്മെന്റ് എന്ന വിഭാഗം ഉള്‍പ്പെടുത്തി തുക വര്‍ധിപ്പിച്ചത് എന്തിനെന്നും ആ തുക എവിടേക്കാണ് പോയതെന്നും 2014 മുതലുള്ള കണക്കുകള്‍ ചൂണ്ടിക്കാട്ടി അദ്ദേഹം ട്വിറ്ററില്‍ ചോദിച്ചു.

Content Highlights: NSCS’ Budget allocation increased 10 times- allegation on Pegasus issue

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022

Most Commented