സുപ്രീം കോടതിയും കനിഞ്ഞില്ല; തടവുപുള്ളികള്‍ ജയിലിലേക്ക് മടങ്ങണം


ബി. ബാലഗോപാല്‍ / മാതൃഭൂമി ന്യൂസ്

കോടതിയില്‍ ജഡ്ജിമാര്‍ വാക്കാല്‍ പറഞ്ഞ സ്റ്റേ ഉത്തരവില്‍ രേഖപ്പെടുത്തണമെന്ന് ആവശ്യപ്പെട്ടാണ് അഭിഭാഷകന്‍ കോടതിയില്‍ പുതിയ അപേക്ഷ സമര്‍പ്പിച്ചത്.

പ്രതീകാത്മക ചിത്രം. വര. എൻ.എൻ.സജീവൻ

ന്യൂഡല്‍ഹി: കോവിഡ് വ്യാപനത്തെ തുടര്‍ന്ന് പരോളും ഇടക്കാല ജാമ്യവും ലഭിച്ച തടവുപുള്ളികള്‍ ജയിലുകളിലേക്ക് മടങ്ങണം എന്ന കേരള സര്‍ക്കാരിന്റെ തീരുമാനത്തിന് സുപ്രീം കോടതിയുടെ സ്റ്റേ ഇല്ല. സുപ്രീം കോടതി വെള്ളിയാഴ്ച കേസ് പരിഗണിച്ചപ്പോള്‍ ഹര്‍ജിക്കാരനുവേണ്ടി ഹാജരായ അഭിഭാഷകന്‍ സ്റ്റേ ആവശ്യം ഉന്നയിച്ചിരുന്നു. എന്നാല്‍ ശനിയാഴ്ച ഇറങ്ങിയ ഉത്തരവില്‍ സംസ്ഥാന സര്‍ക്കാരിന് നോട്ടീസ് അയച്ച കാര്യം വ്യക്തമാക്കിയിട്ടുണ്ടെങ്കിലും സ്റ്റേയെ കുറിച്ച് പരാമര്‍ശിച്ചിട്ടില്ല. ഉത്തരവില്‍ ഭേദഗതി ആവശ്യപ്പെട്ട് ഹര്‍ജിക്കാരന്റെ അഭിഭാഷകന്‍ സുപ്രീംകോടതിയില്‍ പുതിയ അപേക്ഷ നല്‍കി.

ജീവപര്യന്തം തടവ് ശിക്ഷ അനുഭവിക്കുന്ന തൃശൂര്‍ സ്വദേശി രഞ്ജിത്താണ് കേരളത്തിലെ കൊവിഡ് സാഹചര്യം അടക്കമുള്ള കാര്യങ്ങള്‍ ചൂണ്ടിക്കാണിച്ച് സുപ്രീംകോടതിയെ സമീപിച്ചത്. കണ്ണൂര്‍ സെന്‍ട്രല്‍ ജയിലില്‍ കഴിഞ്ഞിരുന്ന രഞ്ജിത്ത് നിലവില്‍ പരോളില്‍ ആണ്. ഈ മാസം 26 ന് ജയിലിലേക്ക് മടങ്ങാനായിരുന്നു രഞ്ജിത്തിനോട് നിര്‍ദേശിച്ചിരുന്നത്. ഇതിനെതിരേ നല്‍കിയ ഹര്‍ജി ഹൈക്കോടതി തള്ളിയിരുന്നു. ഇതിനെതിരേ നല്‍കിയ ഹര്‍ജി ജസ്റ്റിസ്മാരായ ഇന്ദിര ബാനര്‍ജി, ബിആര്‍ ഗവായ് എന്നിവരടങ്ങിയ ബെഞ്ച് ആണ് പരിഗണിച്ചത്.

നിലവില്‍ ജയിലിലേക്ക് മടക്കി അയക്കുന്നത് വധശിക്ഷ വിധിക്കുന്നതിന് തുല്യമാണെന്ന് രഞ്ജിത്തിന് വേണ്ടി ഹാജരായ ദീപക് പ്രകാശ് സുപ്രീം കോടതിയില്‍ വാദിച്ചിരുന്നു. തുടര്‍ന്ന് ആണ് കോടതി സംസ്ഥാന സര്‍ക്കാരിന് നോട്ടീസ് അയച്ചത്. എന്നാല്‍ ഹൈക്കോടതി ഉത്തരവ് ബെഞ്ച് സ്റ്റേ ചെയ്തതതായി ദീപക് പ്രകാശ് തന്നെ ഹൈക്കോടതിയെ അറിയിക്കുകയും, ഇതിന്റെ അടിസ്ഥാനത്തില്‍ മറ്റ് ചിലരുടെ ജയിലിലേക്കുള്ള മടക്കം ഹൈക്കോടതി തന്നെ സ്റ്റേ ചെയ്യുകയും ചെയ്തിരുന്നു.

കോടതിയില്‍ ജഡ്ജിമാര്‍ വാക്കാല്‍ പറഞ്ഞ സ്റ്റേ ഉത്തരവില്‍ രേഖപ്പെടുത്തണമെന്ന് ആവശ്യപ്പെട്ടാണ് അഭിഭാഷകന്‍ കോടതിയില്‍ പുതിയ അപേക്ഷ സമര്‍പ്പിച്ചത്. ഈ അപേക്ഷ തിങ്കളാഴ്ച്ച കോടതിയില്‍ മെന്‍ഷന്‍ ചെയ്തേക്കും. ഉത്തരവ് ഭേദഗതി ചെയ്യാന്‍ കോടതി തയ്യാറായില്ല എങ്കില്‍ തടവ്പുള്ളികള്‍ക്ക് ജയിലുകളിലേക്ക് മടങ്ങേണ്ടിവരും.

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented