കോവിഡ് വ്യാപനം: തീവണ്ടി സര്‍വീസുകള്‍ വെട്ടിക്കുറയ്ക്കില്ലെന്ന് റെയില്‍വെ


രാജ്യത്തിന് കോവിഡിന്റെ രണ്ടാംഘട്ട വ്യാപനം തുടങ്ങിയതിന് പിന്നാലെ വിവിധ സംസ്ഥാനങ്ങള്‍ നിയന്ത്രണങ്ങള്‍ കൊണ്ടുവന്നു തുടങ്ങിയതോടെ തീവണ്ടി സര്‍വീസുകള്‍ വീണ്ടും നിലയ്ക്കുമോ എന്ന ആശങ്ക ഉയര്‍ന്നിട്ടുണ്ട്.

പ്രതീകാത്മക ചിത്രം |ഫോട്ടോ : മാതൃഭൂമി

ന്യൂഡല്‍ഹി: രാജ്യത്ത് കോവിഡ് വ്യാപനം വീണ്ടും വര്‍ധിച്ചുവെങ്കിലും തീവണ്ടി സര്‍വീസുകള്‍ വെട്ടിക്കുറയ്ക്കില്ലെന്ന് വ്യക്തമാക്കി റെയില്‍വെ. രോഗം പടരുന്ന് തടയാന്‍ വിവിധ നിയന്ത്രണങ്ങള്‍ അധികൃതര്‍ ഏര്‍പ്പെടുത്തുന്നതിനിടെയാണ് റെയില്‍വെ ബോര്‍ഡ് ചെയര്‍മാന്‍ സുനീത് ശര്‍മ ഇക്കാര്യം വ്യക്തമാക്കിയത്.

കോവിഡ് കേസുകള്‍ വളരെയധികം റിപ്പോര്‍ട്ടു ചെയ്യപ്പെട്ട മഹാരാഷ്ട്രയില്‍നിന്ന് പോലും തീവണ്ടി സര്‍വീസുകള്‍ നിയന്ത്രിക്കണം എന്ന ആവശ്യം ഉയര്‍ന്നിട്ടില്ലെന്ന് അദ്ദേഹം ചൂണ്ടിക്കാട്ടി. സബര്‍ബന്‍ തീവണ്ടികള്‍ പോലും നിര്‍ത്തിവെക്കണമെന്ന് മഹാരാഷ്ട്രാ സര്‍ക്കാര്‍ ആവശ്യപ്പെട്ടിട്ടില്ല. റെയില്‍വെ സ്റ്റേഷനുകളില്‍ തിരക്ക് അനുഭവപ്പെടുന്നതിന്റെ കാരണം തീവണ്ടി സര്‍വീസുകള്‍ കുറച്ചതല്ല. ഈ സമയത്ത് പൊതുവെ തിരക്ക് അനുഭവപ്പെടാറുള്ളതാണ്. തീവണ്ടി സര്‍വീസുകളുടെ കുറവ് നിലവില്‍ രാജ്യത്തില്ല.

കൂടുതല്‍ തീവണ്ടികള്‍ ആവശ്യമുണ്ടെന്ന് തോന്നിയാല്‍ അപ്പോള്‍ അനുവദിക്കും. യാത്രക്കാരെ സംബന്ധിച്ചിടത്തോളം തീവണ്ടി സര്‍വീസുകളുടെ അപര്യാപ്തത ഇല്ലെന്നും അദ്ദേഹം വ്യക്തമാക്കി.

അതിനിടെ, നിലവില്‍ ശരാശരി 1,402 പ്രത്യേക തീവണ്ടി സര്‍വീസുകള്‍ പ്രതിദിനം നടത്തുന്നുണ്ടെന്ന് റെയില്‍വെ മന്ത്രാലയം വാര്‍ത്താക്കുറിപ്പില്‍ അറിയിച്ചു. 5,381 സബര്‍ബന്‍ ട്രെയിന്‍ സര്‍വീസുകളും 830 പാസഞ്ചര്‍ ട്രെയിന്‍ സര്‍വീസുകളും നിലവില്‍ നടത്തുന്നുണ്ടെന്നും റെയില്‍വെ വ്യക്തമാക്കി.

കഴിഞ്ഞ വര്‍ഷം മാര്‍ച്ച് 24 ന് കോവിഡ് വ്യാപനത്തെ തുടര്‍ന്ന് രാജ്യത്ത് ആദ്യ ലോക്ക്ഡൗണ്‍ പ്രഖ്യാപിച്ചതിന് പിന്നാലെ റെയില്‍വെ എല്ലാ തീവണ്ടി സര്‍വീസുകളും രാജ്യവ്യാപകമായി നിര്‍ത്തിവച്ചിരുന്നു. കുടിയേറ്റ തൊഴിലാളികളടക്കം ആയിരക്കണത്തിന് പേര്‍ ഇതേത്തുടര്‍ന്ന് ദുരിതത്തിലായി. രാജ്യത്തിന് കോവിഡിന്റെ രണ്ടാംഘട്ട വ്യാപനം തുടങ്ങിയതിന് പിന്നാലെ വിവിധ സംസ്ഥാനങ്ങള്‍ നിയന്ത്രണങ്ങള്‍ കൊണ്ടുവന്നു തുടങ്ങിയതോടെ തീവണ്ടി സര്‍വീസുകള്‍ വീണ്ടും നിലയ്ക്കുമോ എന്ന ആശങ്ക ഉയര്‍ന്നിട്ടുണ്ട്. അതിനിടെയാണ് റെയില്‍വെ ഇക്കാര്യത്തില്‍ വിശദീകരണവുമായി രംഗത്തെത്തിയിട്ടുള്ളത്.

Content Highlights: No plan to curtail train services - Railway

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
pinarayi karnival

1 min

മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്‍ വാങ്ങുന്നു; കിയ കാര്‍ണിവല്‍, വില 33.31 ലക്ഷം

Jun 25, 2022


satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


after rock bottom finally Aussie cricketers win Lankan hearts

3 min

1996 ലോകകപ്പ് ബഹിഷ്‌കരണവും മുരളിക്കേറ്റ അപമാനവുമെല്ലാം മറന്നു, ലങ്കയുടെ മനസ് കീഴടക്കി ഓസ്‌ട്രേലിയ

Jun 25, 2022

Most Commented