അന്ന് പറഞ്ഞു 'ഗോ കൊറോണ ഗോ', ഇനി വേണ്ടത് 'നോ കൊറോണ'യെന്ന് രാംദാസ് അത്താവാലെ


താന്‍ സംഭാവന ചെയ്ത 'ഗോ കൊറോണ ഗോ' എന്ന മുദ്രാവാക്യം ഫലവത്തായതായും വൈറസ് അപ്രത്യക്ഷമായിക്കൊണ്ടിരിക്കുകയാണെന്നും അതാവലെ പറഞ്ഞു.

കേന്ദ്രമന്ത്രി രാംദാസ് അതാവലെ | Photo : UNI

പുണെ: കോവിഡ് വ്യാപനത്തിന്റെ ആദ്യ ഘട്ടത്തിൽ 'ഗോ കൊറോണ ഗോ' എന്ന മുദ്രാവാക്യം വിളിച്ച് കുപ്രസിദ്ധിനേടിയ കേന്ദ്രമന്ത്രി രാംദാസ് അത്താവാലെ പുതിയ മുദ്രാവാക്യവുമായി രംഗത്ത്. "നോ കൊറോണ' എന്ന മുദ്രാവാക്യമാണ് അദ്ദേഹം പുതുതായി മുന്നോട്ടു വെക്കുന്നത്. വൈറസിന്റെ പുതിയ വകഭേദം ഭീഷണിയുയര്‍ത്തുന്ന സാഹചര്യത്തിലാണ് പുതിയ ജപത്തിന്റെ ആവശ്യമെന്ന് അത്താവാലെ പറഞ്ഞു.

താന്‍ സംഭാവന ചെയ്ത 'ഗോ കൊറോണ ഗോ' എന്ന മുദ്രാവാക്യം ഫലവത്തായതായും വൈറസ് അപ്രത്യക്ഷമായിക്കൊണ്ടിരിക്കുകയാണെന്നും അത്താവാലെ പറഞ്ഞു. കൊറോണവൈറസ് തന്റെ അരികിലെത്തിച്ചേരില്ലെന്നായിരുന്നു ധാരണയെന്നും എന്നാല്‍ കോവിഡ്-19 ബാധിച്ചതിനെ തുടര്‍ന്ന് താനും ആശുപത്രിയില്‍ പ്രവേശിക്കപ്പെട്ടതായും അത്താവാലെ കൂട്ടിച്ചേര്‍ത്തു. നവംബറിലാണ് കോവിഡ് ബാധയെ തുടര്‍ന്ന് പത്ത് ദിവസത്തോളം അത്താവാലെ മുംബൈയിലെ സ്വകാര്യ ആശുപത്രിയില്‍ ചികിത്സയില്‍ കഴിയാനിടയായത്.

നേരത്തെയുള്ള കൊറോണവൈറസോ വൈറസിന്റെ പുതിയ വകഭേദമോ നമുക്ക് ആവശ്യമില്ലാത്തതിനാല്‍ 'നോ കൊറോണ'യാണ് ഇപ്പോള്‍ നല്ലതെന്ന് അത്താവാലെ പറഞ്ഞു. ഫെബ്രുവരിയിലാണ് മുംബൈയില്‍ നടന്ന ഒരു പ്രാര്‍ഥനായോഗത്തില്‍ ബുദ്ധസന്ന്യാസികളോടൊപ്പം 'ഗോ കൊറോണ ഗോ'യെന്ന് അത്താവാലെ ആദ്യമായി ഉരുവിട്ടത്. ചൈനയിലെ വൈറസ് വ്യാപനത്തിനെതിരേ നടത്തിയ പ്രാര്‍ഥനായോഗമായിരുന്നു അത്. തന്റെ ഗോ കൊറോണ ഗോ ആഗോളപ്രശസ്തി നേടിയെന്നവകാശപ്പെട്ട് ഏപ്രിലില്‍ അത്താവാലെ രംഗത്തെത്തിയിരുന്നു.

അത്താവാലെയുടെ നോ കൊറോണക്കെതിരേ രസകരമായ നിരവധി ട്രോളുകളും മീമുകളും സാമൂഹികമാധ്യമങ്ങളില്‍ പ്രത്യക്ഷപ്പെട്ടിട്ടുണ്ട്.

Content Highlights: 'No Corona, No Corona' Minister Ramdas Athawale's New Slogan


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


v muraleedharan

1 min

കേരളം കത്തുമ്പോള്‍ പിണറായി ചെണ്ടകൊട്ടി രസിച്ചു, ഒരുമഹാന്‍ കണ്ടെയ്‌നറില്‍ കിടന്നുറങ്ങി- വി മുരളീധരന്‍

Sep 24, 2022

Most Commented