'അന്ന് നീ വെറും കുട്ടിയായിരുന്നു, എന്റെ മടിയിലിരുന്ന് കളിച്ചിട്ടുണ്ട്'; വിമർശിച്ച തേജസ്വിയോട് നിതീഷ്


നിതീഷ് കുമാറും തേജസ്വി യാദവും(ഫയൽ ചിത്രം) | Photo: ANI

പട്‌ന: നിയമസഭയില്‍ രൂക്ഷ വിമര്‍ശനങ്ങളുന്നയിച്ച് തന്റെ പ്രസംഗം തടസ്സപ്പെടുത്തിയ പ്രതിപക്ഷനേതാവ് തേജസ്വി യാദവിന്റെ വായടച്ച് ബിഹാര്‍ മുഖ്യമന്ത്രി നിതീഷ് കുമാര്‍. വാജ്‌പേയി മന്ത്രിസഭയില്‍ കേന്ദ്രമന്ത്രിയായിരുന്ന കാലത്തെ നിതീഷ് കുമാറിന്റെ പ്രവര്‍ത്തനങ്ങളെ കുറിച്ചുള്ള തേജസ്വി യാദവിന്റെ പരാമര്‍ശത്തിനാണ് നിതീഷ് കുമാര്‍ തക്ക മറുപടി നല്‍കിയത്.

'ഞാന്‍ കേന്ദ്രമന്ത്രിയായിരുന്ന കാലത്ത് നീ വെറുമൊരു കുഞ്ഞായിരുന്നു. നീയെന്റെ മടിയിലിരുന്ന് കളിച്ചിട്ടില്ലേ?' തനിക്കെതിരെ അക്കാലത്തെ കാര്യങ്ങള്‍ സൂചിപ്പിച്ച് വിമശനമുയര്‍ത്തിയ തേജസ്വിയോട് നിതീഷ് കുമാര്‍ ചോദിച്ചു. സഭാംഗങ്ങളില്‍ മാത്രമല്ല തേജസ്വിയിലും നിതീഷിന്റെ വാക്കുകള്‍ ചിരിപടര്‍ത്തി.

'നിനക്ക് പറയാനുള്ളത് പിന്നീട് പറയൂ, എന്നിട്ട് ഞാനിപ്പോള്‍ പറയുന്നത് ശ്രദ്ധയോടെ കേള്‍ക്കൂ, നിനക്കത് പിന്നീട് ഗുണം ചെയ്യും'. തേജസ്വിയ്ക്ക് നിതീഷ് ഉപദേശവും നല്‍കി. ബജറ്റ് സമ്മേളനത്തിന്റെ മൂന്നാം ദിവസം പതിനഞ്ച് കൊല്ലത്തെ തുടര്‍ച്ചയായ ഭരണത്തിലെ സര്‍ക്കാരിന്റെ നേട്ടങ്ങള്‍ എടുത്തു പറയുകയായിരുന്ന തന്റെ സംസാരം തടസപ്പെടുത്തി പല തവണ തേജസ്വി ഇടപെട്ടതിനെ തുടര്‍ന്നായിരുന്നു നിതീഷിന്റെ പ്രതികരണം.

ബിജെപി-ജെഡിയു സര്‍ക്കാരിന്റെ ഭരണത്തിന്‍ കീഴില്‍ സംസ്ഥാനത്ത് കുറ്റകൃത്യങ്ങള്‍ വര്‍ധിച്ചതായി തേജസ്വി പിന്നീട് കുറ്റപ്പെടുത്തി. ബിജെപിയുടെ ശിങ്കിടിയാണ് നിതീഷ്‌കുമാറെന്നും തേജസ്വി പരിഹസിച്ചു. നിതീഷിന്റെ മുന്‍ മന്ത്രിസഭയില്‍ ഉപമുഖ്യമന്ത്രിയായിരുന്ന തേജസ്വി യാദവ് ജെഡിയു-രാഷ്ട്രീയ ജനതാദള്‍ സഖ്യം തകര്‍ന്നതോടെ മുന്നണി വിട്ടു. ബിഹാറിലെ ഏറ്റവും വലിയ ഒറ്റക്കക്ഷിയായ രാഷ്ട്രീയ ജനതാദളിന്റെ നേതാവായ തേജസ്വി രാജ്യത്തെ ഏറ്റവും പ്രായം കുറഞ്ഞ പ്രതിപക്ഷനേതാവാണ്.

Content Highlights: Nitish Kumar Teases Tejashwi Yadav In Assembly

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022

Most Commented