സൈപ്രസില്‍ നിന്ന് നാടുകടത്തിയ ഖാലിസ്ഥാന്‍ തീവ്രവാദിയെ എന്‍.ഐ.എ അറസ്റ്റ് ചെയ്തു


PTI File Photo

ന്യൂഡല്‍ഹി: ഇന്ത്യയില്‍ നിന്നും ഒളിച്ചുകടന്ന ഖാലിസ്ഥാന്‍ തീവ്രവാദി ഗുര്‍ജീത്ത് സിങ് നിജ്ജാറിനെ ദേശീയ അന്വേഷണ ഏജന്‍സി അറസ്റ്റ് ചെയ്തു. സൈപ്രസില്‍ നിന്ന് നാടുകടത്തിയ ഗുര്‍ജീത്ത് സിങ്ങിനെ ഡല്‍ഹി വിമാനത്താവളത്തില്‍ വെച്ചാണ് എന്‍.ഐ.എ അറസ്റ്റ് ചെയ്തത്.

ഖാലിസ്ഥാനി രാഷ്ട്രം കെട്ടിപ്പടുക്കാനായി ഇന്ത്യയില്‍ സിഖ് തീവ്രവാദം പുനരുജ്ജീവിക്കാന്‍ ഗൂഢാലോചന നടത്തിയെന്ന ക്രിമിനല്‍ കേസിലാണ് അറസ്റ്റ്. അമൃത്സറിലെ അജ്‌നാല നഗരത്തില്‍ താമസിച്ചിരുന്ന നിജ്ജാര്‍ 2017 ഒക്ടോബര്‍ 19നാണ് സൈപ്രസിലേക്ക് ഒളിച്ചുകടന്നത്.

കൂടുതല്‍ അന്വേഷണങ്ങള്‍ക്കായി ഇയാളെ മുംബൈയിലേക്ക് കൊണ്ടുപോകുമെന്ന് എന്‍.ഐ.എ അറിയിച്ചു. സമാന ചിന്താഗതിക്കാരായ സിഖ് യുവാക്കളെയും മറ്റും ഖാലിസ്ഥാനി പ്രസ്ഥാനത്തില്‍ ചേരാന്‍ ഇയാള്‍ പ്രചോദിപ്പിച്ചിരുന്നുവെന്നും എന്‍.ഐ.എ പറയുന്നു. 2019 ജനുവരി 10നാണ് നിജ്ജാറിനെതിരേയും കേസിലെ മറ്റൊരു പ്രതിയായ ഹര്‍പാല്‍ സിങ്ങിനെതിരേയും എന്‍.ഐ.എ കേസ് രജിസ്റ്റര്‍ ചെയ്തത്.

തുടരന്വേഷണത്തില്‍ ഇരുവര്‍ക്കും പുറമേ മോയിന്‍ എന്ന മൂന്നാമതൊരു പ്രതിക്ക് കൂടി ഗൂഢാലോചനയില്‍ പങ്കുള്ളതായി എന്‍.ഐ.എ കണ്ടെത്തിയിരുന്നു. മൂവരും സാമൂഹിക മാധ്യങ്ങളിലൂടെ 1984 ബ്ലൂ സ്റ്റാര്‍ ഓപ്പറേഷന്റെയും മുന്‍ പഞ്ചാബ് മുഖ്യമന്ത്രി ബിയാന്ത് സിങ്ങിനെ കൊലപ്പെടുത്തിയ കേസില്‍ ശിക്ഷിക്കപ്പെട്ട ജഗ്താര്‍ സിങ് ഹവാരയുടെയും ചിത്രങ്ങളും വീഡിയോയും പ്രചരിപ്പിക്കുകയും ചെയ്തിരുന്നു.

2019 മേയ് 23ന് മൂന്ന് പേര്‍ക്കുമെതിരേ പ്രത്യേക എന്‍.ഐ.എ കോടതിയില്‍ അന്വേഷണ സംഘം കുറ്റപത്രം സമര്‍പ്പിച്ചിരുന്നു.

content highlights: NIA arrests Khalistani terrorist at Delhi airport upon his deportation from Cyprus


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented