കര്‍ഷക പ്രക്ഷോഭം രാഷ്ട്രീയ പ്രേരിതമെന്ന് പറഞ്ഞിട്ടില്ല - ഖലിസ്ഥാന്‍ പരാമര്‍ശത്തെപ്പറ്റി അമിത് ഷാ


പ്രക്ഷോഭത്തിന് പിന്നില്‍ ഹരിയാണയിലെ കര്‍ഷകരല്ല, പഞ്ചാബിലെ കര്‍ഷകരാണെന്ന് ആരോപിച്ച ഖട്ടാര്‍ പ്രക്ഷോഭത്തിന് ഖലിസ്ഥാന്‍ ബന്ധമുണ്ടെന്ന തരത്തിലുള്ള ആരോപണവും ഉന്നയിച്ചിരുന്നു. ഇതിന് പിന്നാലെയാണ് വിഷയത്തില്‍ വിശദീകരണവുമായി കേന്ദ്ര ആഭ്യന്തരമന്ത്രി അമിത് ഷാ രംഗത്തെത്തിയിട്ടുള്ളത്.

Amit Shah | Photo - ANI

ഹൈദരാബാദ്: രാജ്യതലസ്ഥാനത്ത് തുടരുന്ന കര്‍ഷക പ്രക്ഷോഭം രാഷ്ട്രീയ പ്രേരിതമാണെന്ന് താന്‍ ഒരിക്കലും പറഞ്ഞിട്ടില്ലെന്ന് കേന്ദ്ര ആഭ്യന്തരമന്ത്രി അമിത് ഷാ. ഇപ്പോഴും അങ്ങനെ പറയുന്നില്ലെന്ന് ഹൈദരാബാദില്‍ മാധ്യമങ്ങളോട് സംസാരിക്കവെ അദ്ദേഹം പറഞ്ഞു.

കര്‍ഷകരുടെ 'ഡല്‍ഹി ചലോ' പ്രതിഷേധ മാര്‍ച്ച് രാഷ്ട്രീയ പാര്‍ട്ടികളുടെ പിന്തുണയോടെ ഉള്ളതാണെന്ന് ഹരിയാണ മുഖ്യമന്ത്രി മനോഹര്‍ ലാല്‍ ഖട്ടാര്‍ പറഞ്ഞതിനോട് വിയോജിച്ചുകൊണ്ടാണ് അമിത് ഷാ ഇക്കാര്യം വ്യക്തമാക്കിയത്. പ്രക്ഷോഭത്തിന് പിന്നില്‍ ഹരിയാണയിലെ കര്‍ഷകരല്ല, പഞ്ചാബിലെ കര്‍ഷകരാണെന്ന് ആരോപിച്ച ഖട്ടാര്‍ പ്രക്ഷോഭത്തിന് ഖലിസ്ഥാന്‍ ബന്ധമുണ്ടെന്ന തരത്തിലുള്ള ആരോപണവും ഉന്നയിച്ചിരുന്നു. ഇതിന് പിന്നാലെയാണ് വിഷയത്തില്‍ വിശദീകരണവുമായി കേന്ദ്ര ആഭ്യന്തരമന്ത്രി അമിത് ഷാ രംഗത്തെത്തിയിട്ടുള്ളത്.

പ്രക്ഷോഭം കേന്ദ്ര സര്‍ക്കാര്‍ നിര്‍ദ്ദേശിച്ച സ്ഥലത്തേക്ക് മാറ്റണമെന്ന് അമിത് ഷാ ശനിയാഴ്ച കര്‍ഷകരോട് അഭ്യര്‍ഥിച്ചിരുന്നു. കര്‍ഷകരുമായി ചര്‍ച്ചയ്ക്ക് കേന്ദ്ര സര്‍ക്കാര്‍ തയ്യാറാണെന്നും അദ്ദേഹം പറഞ്ഞിരുന്നു. കേന്ദ്ര കൃഷിമന്ത്രി നരേന്ദ്ര സിങ് തോമര്‍ കര്‍ഷകരെ ഡിസംബര്‍ മൂന്നിന് ചര്‍ച്ചയ്ക്ക് വിളിച്ചിരുന്നു. കര്‍ഷകരുടെ എല്ലാ ആവശ്യങ്ങളും പ്രശ്‌നങ്ങളും ചര്‍ച്ചചെയ്യാന്‍ തയ്യാറാണെന്നും അദ്ദേഹം അറിയിച്ചിരുന്നു.

എന്നാല്‍, കേന്ദ്ര ആഭ്യന്തരമന്ത്രിയുടെ അഭ്യര്‍ഥന ഭാരതീയ കിസാന്‍ യൂണിയന്‍ പഞ്ചാബ് യൂണിറ്റ് അധ്യക്ഷന്‍ ജഗ്ജിത്ത് സിങ് തള്ളുകയാണ് ഉണ്ടായത്. അമിത് ഷാ ഉപാധിയോടെയാണ് കര്‍ഷകരെ ചര്‍ച്ചയ്ക്ക് വിളിച്ചതെന്നും അത് നല്ലകാര്യമല്ലെന്നും സിങ് പറഞ്ഞിരുന്നു. നിരുപാധികം തുറന്ന മനസോടെ കര്‍ഷകരെ ചര്‍ച്ചയ്ക്ക് വിളിക്കാന്‍ അദ്ദേഹം തയ്യാറാകേണ്ടതായിരുന്നു. യോഗം ചേര്‍ന്ന് അദ്ദേഹത്തിന് നല്‍കേണ്ട മറുപടി സംബന്ധിച്ച തീരുമാനമെടുക്കുമെന്നും ജഗ്ജിത്ത് സിങ് പറഞ്ഞിരുന്നു.

കേന്ദ്ര സര്‍ക്കാര്‍ കൊണ്ടുവന്ന മൂന്ന് പുതിയ കാര്‍ഷിക നിയമങ്ങള്‍ പിന്‍വലിക്കണമെന്ന് ആവശ്യപ്പെട്ടാണ് കര്‍ഷകര്‍ പ്രക്ഷോഭം നടത്തുന്നത്.

Content Highlights: Never called farmers' protest politically motivated - Amit Shah


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022

Most Commented