കാണില്ലെന്ന് രാഹുല്‍ പറഞ്ഞതിന് പിന്നാലെ പ്രിയങ്കയുമായി കൂടിക്കാഴ്ച നടത്തി സിദ്ധു


സിദ്ദുവും പ്രിയങ്കയും |ഫോട്ടോ:twitter.com|sherryontop

ന്യൂഡല്‍ഹി: പഞ്ചാബ് കോണ്‍ഗ്രസ് നേതാവ് നവജോത് സിങ് സിദ്ധു പ്രിയങ്ക ഗാന്ധിയുമായി കൂടിക്കാഴ്ച നടത്തി. പഞ്ചാബ് മുഖ്യമന്ത്രി അമരീന്ദര്‍ സിങ്ങുമായുള്ള പ്രശ്‌നം പരിഹരിക്കാന്‍ രാഹുല്‍ ഗാന്ധിയുമായും പ്രിയങ്ക ഗാന്ധിയുമായും താന്‍ കൂടിക്കാഴ്ച നടത്തുമെന്ന് സിദ്ധു പറഞ്ഞിരുന്നെങ്കിലും രാഹുല്‍ അക്കാര്യം നിഷേധിച്ചിരുന്നു.

ഇതിനിടയിലാണ് പ്രിയങ്ക ഗാന്ധിയുമായി സിദ്ധു കൂടിക്കാഴ്ച നടത്തിയത്. 'പ്രിയങ്ക ജിയുമായി ഒരു നീണ്ട കൂടിക്കാഴ്ച നടത്തി' ഇരുവരും നില്‍ക്കുന്ന ഫോട്ടോയോടൊപ്പം ട്വിറ്ററില്‍ സിദ്ധു കുറിച്ചു. പ്രിയങ്കയും സിദ്ധുവും നാല് മണിക്കൂറോളം കൂടിക്കാഴ്ച നടത്തിയതായാണ് റിപ്പോര്‍ട്ട്.



ഇന്നലെയാണ് സിദ്ധുവുമായി ബന്ധപ്പെട്ട വൃത്തങ്ങള്‍ രാഹുലിനേയും പ്രിയങ്കയേയും ഇന്ന് കാണുമെന്ന് അറിയിച്ചിരുന്നത്. തുടര്‍ന്ന് ആരുമായും കൂടിക്കാഴ്ച ഷെഡ്യൂള്‍ ചെയ്തിട്ടില്ലെന്ന് രാഹുല്‍ അറിയിക്കുകയായിരുന്നു.

അതേ സമയം പ്രിയങ്ക ഗാന്ധിയുമായി സിദ്ധു നടത്തിയ കൂടിക്കാഴ്ചയുടെ വിശദാംശങ്ങള്‍ പുറത്തുവന്നിട്ടില്ല. അടുത്ത വര്‍ഷം നടക്കാനിരിക്കുന്ന പഞ്ചാബ് നിയമസഭാ തിരഞ്ഞെടുപ്പിന് മുന്നോടിയായി സംസ്ഥാനത്തെ നേതാക്കള്‍ തമ്മിലുള്ള തര്‍ക്കം പരിഹരിക്കാനുള്ള ശ്രമത്തിലാണ് കോണ്‍ഗ്രസ് നേതൃത്വം. മുഖ്യമന്ത്രി അമരീന്ദര്‍ സിങിനെതിരെ കലാപം ഉയര്‍ത്തി പാര്‍ട്ടി നേതാക്കളില്‍ പ്രധാനിയാണ് സിദ്ധു.

അമരീന്ദര്‍ സിങ്ങടക്കമുള്ളവരുമായി രാഹുല്‍ ഗാന്ധി കഴിഞ്ഞ ദിവസങ്ങളില്‍ കൂടിക്കാഴ്ച നടത്തിയിരുന്നു. തര്‍ക്കപരിഹാരത്തിനും നേതാക്കളുടെ അഭിപ്രായങ്ങള്‍ സ്വരൂപിക്കുന്നതിനുമായി മൂന്നംഗ സമിതിയേയും കോണ്‍ഗ്രസ് നിയോഗിച്ചിട്ടുണ്ട്. അമരീന്ദര്‍ സിങ് മന്ത്രിസഭയില്‍ അംഗമായിരുന്ന സിദ്ധു 2019-ലാണ് അദ്ദേഹവുമായി പിണങ്ങി രാജിവെച്ചത്.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022

Most Commented