പ്രതീകാത്മക ചിത്രം | Photo : ANI
മുംബൈ: 35-കാരിയായ എഴുത്തുകാരിയെ ലൈംഗികമായി പീഡിപ്പിച്ച കേസില്‍ വ്യവസായിക്കെതിരേ കേസെടുത്തു. മുംബൈയിലെ ജൂഹുവിലാണ് സംഭവം. യുവതിയുടെ പരാതിയുടെ അടിസ്ഥാനത്തില്‍ വിവിധ വകുപ്പുകള്‍ ചുമത്തിയാണ് 75-കാരനായ വ്യവസായിക്കെതിേര പോലീസ് കേസ് രജിസ്റ്റര്‍ ചെയ്തത്.
ജൂഹുവിലെ പഞ്ചനക്ഷ ഹോട്ടലില്‍ വെച്ചായിരുന്നു പീഡനം നടന്നത്. അംബോലി പോലീസ് സ്‌റ്റേഷനിലെത്തിയാണ് യുവതി പരാതി നല്‍കിയത്. സംഭവം പുറത്തുപറഞ്ഞാല്‍ കൊന്നുകളയുമെന്ന് ഇയാള്‍ ഭീഷണിപ്പെടുത്തിയെന്നും യുവതിയുടെ പരാതിയില്‍ പറയുന്നു. അധോലോക കുറ്റവാളി ദാവൂദ് ഇബ്രാഹിമിന്റെ പേരിലാണ് ഭീഷണിപ്പെടുത്തിയതെന്നും പരാതിയിലുണ്ട്.
പ്രതിയായ വ്യവസായി നേരത്തെ യുവതിയില്‍ നിന്ന് രണ്ടുകോടി രൂപ വായ്പ വാങ്ങിയിരുന്നു. ഇത് തിരിച്ചുചോദിച്ചതിന് പിന്നാലെയാണ് യുവതിക്കെതിരേ അതിക്രമങ്ങള്‍ നടന്നത്. ഇതിനെതിരേ പ്രതികരിച്ചപ്പോഴാണ് ദാവൂദ് ഇബ്രാഹിമിന്റെ പേര് പറഞ്ഞ് ഭീഷണിപ്പെടുത്തിയത്. പോലീസിനെ സമീപിച്ചാല്‍ കൊന്നുകളയുമെന്ന് ഭീഷണിപ്പെടുത്തി ഡി കമ്പനിയുടെ പേരില്‍ ഫോണ്‍കോള്‍ വന്നതായും യുവതിയുടെ പരാതിയില്‍ പറയുന്നു.
Content Highlights: Mumbai Writer, Raped In 5-Star, Warned By D-GangTo Remain Quiet: Cops
Also Watch
RELATED STORIES
IN CASE YOU MISSED IT
.jpg?$p=8dfe23b&f=1x1&w=100&q=0.8)
.jpg?$p=2922c1a&f=1x1&w=100&q=0.8)
.jpg?$p=8e00c51&q=0.8&f=16x11&w=104)
.jpg?$p=896fcb7&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..