.jpg?$p=84cc734&f=16x10&w=856&q=0.8)
പ്രതീകാത്മക ചിത്രം | Photo: ബിനോജ് പി.പി | മാതൃഭൂമി
ബറേലി (യു.പി): നാല് മാസം പ്രായമുള്ള കുട്ടിയെ മൂന്നുനില കെട്ടിടത്തിന്റെ മുകളില്‍ നിന്ന് കുരങ്ങന്‍മാര്‍ താഴേക്കെറിഞ്ഞ് കൊന്നതായി റിപ്പോർട്ട്. ഉത്തർപ്രദേശിലെ ബറേലിയിലാണ് സംഭവം. വിഷയത്തില്‍ അന്വേഷണം നടക്കുകയാണെന്ന് ബറേലിയിലെ ചീഫ് ഫോറസ്റ്റ് കണ്‍സര്‍വേറ്റര്‍ ലളിത് വര്‍മ പറഞ്ഞു.
ബറേലിയിലെ ദുംഗ ഗ്രാമത്തിലെ നിര്‍ദേശ് ഉപാധ്യായ എന്നയാളുടെ കുട്ടിയാണ് മരിച്ചത്. നിര്‍ദേശും ഭാര്യയും കുട്ടിക്കൊപ്പം ടെറസില്‍ നടക്കുകയായിരുന്നു. ഈ സമയത്ത് കുരങ്ങന്‍മാരുടെ ഒരു കൂട്ടം ടെറസില്‍ എത്തി. നിർദേശ് കുരങ്ങന്‍മാരെ ഓടിക്കാന്‍ ശ്രമിച്ചുവെങ്കിലും അവ ഇയാളെ വളയുകയായിരുന്നു.
പടിക്കെട്ട് വഴി താഴേക്ക് ഇറങ്ങാന്‍ ശ്രമിക്കുന്നതിനിടെ നിർദേശിന്‍റെ കൈയ്യില്‍ നിന്ന് കുട്ടി താഴെ വീഴുകയായിരുന്നു. ഇതിനിടെ ഒരു കുരങ്ങന്‍ കുട്ടിയെ നിലത്ത് നിന്ന് എടുത്ത് താഴേക്ക് എറിയുകയായിരുന്നെന്നാണ് റിപ്പോർട്ട്. നിലത്ത് വീണ കുട്ടി തല്‍ക്ഷണം മരിച്ചു.
Content Highlights: murder, monkey
Also Watch
RELATED STORIES
IN CASE YOU MISSED IT
.jpg?$p=6a12f4a&f=1x1&w=100&q=0.8)
.jpg?$p=48c5071&q=0.8&f=16x11&w=104)
.jpg?$p=94807fb&q=0.8&f=16x11&w=104)
.jpg?$p=6281994&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..