സ്വയം മാറിയില്ലെങ്കില്‍ മാറ്റത്തിന് വിധേയമാകേണ്ടിവരും- എംപിമാര്‍ക്ക് താക്കീതുമായി പ്രധാനമന്ത്രി


Narendra Modi Photo; ANI

ന്യൂഡല്‍ഹി: പാര്‍ലമെന്റിലെ ഹാജര്‍ നില, മണ്ഡലത്തിലെ പ്രവര്‍ത്തനം എന്നിവ ചൂണ്ടിക്കാണിച്ച് ബിജെപി എംപിമാര്‍ക്ക് താക്കീതുമായി പ്രധാനമന്ത്രി നരേന്ദ്ര മോദി. സ്വയം വിലയിരുത്തി പ്രവര്‍ത്തിക്കാന്‍ എംപിമാരോട് അദ്ദേഹം ആവശ്യപ്പെട്ടു. മാറുന്നില്ലെങ്കില്‍ മാറ്റത്തിന് തയ്യാറെടുത്തുകൊള്ളാനും അദ്ദേഹം എം.പിമാരെ ഓര്‍മിപ്പിച്ചു.

അംബേദ്കര്‍ സെന്ററില്‍ നടന്ന ബിജെപി പാര്‍ലമെന്ററി പാര്‍ട്ടി യോഗത്തിലാണ് പ്രധാനമന്ത്രി സ്വന്തം പാര്‍ട്ടിയിലെ എംപിമാര്‍ക്ക് താക്കീത് നല്‍കിയത്. എല്ലാ എംപിമാരും തങ്ങളുടെ മണ്ഡലങ്ങളില്‍ കായിക മത്സരങ്ങള്‍ സംഘടിപ്പിക്കണമെന്ന് മോദി ആവശ്യപ്പെട്ടുവെന്ന് യോഗത്തിന്റെ വിശദാംശങ്ങള്‍ പങ്കുവെച്ച പാര്‍ലമെന്ററി കാര്യ മന്ത്രി പ്രഹ്ലാദ് ജോഷി പറഞ്ഞു.



പാര്‍ലമെന്റിലെ എംപിമാരുടെ ഹാജര്‍ സംബന്ധിച്ച് രൂക്ഷമായ ഭാഷയിലാണ് പ്രധാനമന്ത്രി വിമര്‍ശനം ഉന്നയിച്ചത്. എല്ലാ എംപിമാരും പാര്‍ലമെന്റ് നടപടികളില്‍ കൃത്യമായി പങ്കെടുക്കണം. പലതവണ ഇക്കാര്യം അറിയിച്ചുവെന്നും കുട്ടികള്‍ പോലും ആവര്‍ത്തിച്ച് ആവശ്യപ്പെട്ടാല്‍ അനുസരണ കാണിക്കുമെന്നും മോദി പറഞ്ഞു. എംപിമാരുടെ മോശം ഹാജര്‍നിലയെ മുന്‍പും പ്രധാനമന്ത്രി വിമര്‍ശിച്ചിരുന്നു.

യോഗത്തില്‍ പങ്കെടുത്ത ബി.ജെ.പി ദേശീയ അധ്യക്ഷന്‍ ജെ.പി നഡ്ഡ എംപിമാരോട് തങ്ങളുടെ മണ്ഡലങ്ങളിലെ ജില്ലാ പ്രസിഡന്റുമാരേയും മണ്ഡലം പ്രസിഡന്റുമാരേയും മാസത്തിലൊരിക്കല്‍ വിളിച്ച് ചായ സല്‍ക്കാരം നടത്താനും കാര്യങ്ങള്‍ ചര്‍ച്ചചെയ്യാനും നിര്‍ദേശിച്ചു. തന്റെ മണ്ഡലമായ വാരാണസിയിലെ നേതാക്കള്‍ക്ക് മോദി ഡിസംബര്‍ 14ന് സല്‍ക്കാരം ഒരുക്കുന്നുണ്ട്.

Content Highlights: modi warns bjp mps in parliamentary party meeting


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ramesh chennithala

1 min

ഒരു നേതാവിനെയും ആരും ഭയക്കേണ്ട; എല്ലാ വാദ്യങ്ങളും ചെണ്ടയ്ക്കുതാഴെ; തരൂര്‍ വിഷയത്തില്‍ ചെന്നിത്തല

Nov 24, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022


image

1 min

ഫുട്‌ബോള്‍ ലഹരിയാകരുത്, കട്ടൗട്ടുകള്‍ ദുര്‍വ്യയം, പോര്‍ച്ചുഗല്‍ പതാക കെട്ടുന്നതും ശരിയല്ല - സമസ്ത

Nov 25, 2022

Most Commented