വിശ്വാസം അതല്ലേ എല്ലാം; അഭിനന്ദനങ്ങള്‍ ഏറ്റുവാങ്ങി മിസോറാം ജനങ്ങള്‍


കടകള്‍ തുറന്ന്, വില്‍പനയ്ക്കുള്ള സാധനങ്ങള്‍ നിരത്തി വെച്ച ശേഷം ഉടമകള്‍ മറ്റു കാര്യങ്ങള്‍ക്കായി പോകും. സാധനങ്ങളുടെ വില എഴുതി പ്രദര്‍ശിപ്പിച്ചിരിക്കും. സാധനങ്ങളുടെ വിലയായി നല്‍കേണ്ട പണമിടാന്‍ ഒരു പെട്ടിയും ഇവിടെ സൂക്ഷിക്കും

സെലിങ്ങിലെ ഒരു കട, ഫോട്ടോ: ട്വിറ്റർ

മിസോറാമിലെ സെലിങ് ദേശീയപാതയ്ക്കരികിലെ കുറേ കടകള്‍ നമ്മെ അദ്ഭുതപ്പെടുത്തുക മാത്രമല്ല ചില ജീവിതമൂല്യങ്ങളെ കുറിച്ച് ഓര്‍മിപ്പിക്കുകയും ചെയ്യും. ഐസ്വാളില്‍ നിന്ന് കുറച്ച് മണിക്കുറുകള്‍ മാത്രം യാത്ര ചെയ്ത് എത്താവുന്ന സ്ഥലമാണ് സെലിങ്. പ്രദേശത്തെ ജനങ്ങള്‍ കാലങ്ങളായി തുടര്‍ന്നു വരുന്ന ഏറെ കൗതുകമുണര്‍ത്തുന്ന ഒരു ആചാരമാണ് ഇവിടത്തെ പ്രത്യേകത.

ങാഹ് ലോ ഡോവ്ര്‍ (Nghah Lou Dawr). അതായത് കടയുടമകളില്ലാതെ പ്രവര്‍ത്തിക്കുന്ന കടകള്‍ എന്ന രീതിയാണ് ഇവിടത്തെ ജനങ്ങള്‍ തുടര്‍ന്നു വരുന്നത്. പരസ്പരമുള്ള വിശ്വാസ്യത- ഇവിടത്തെ ജനങ്ങള്‍ക്കിടയില്‍ കാലങ്ങളായി നിലനില്‍ക്കുന്നുവെന്നുള്ളത് മറ്റിടങ്ങളിലുള്ളവരെ ശരിക്കും അദ്ഭുതപ്പെടുത്തുന്നതാണ്. മനോഹരമായ ഈ ആചാരത്തിന്റെ ചിത്രങ്ങളും വീഡിയോയുമൊക്കെ സാമൂഹിക മാധ്യമങ്ങളില്‍ പ്രത്യക്ഷപ്പെട്ടിട്ടുണ്ട്. മൈ ഹോം ഇന്ത്യ എന്ന എന്‍ജിഒയുടെ ട്വിറ്റര്‍ പേജിലാണ് വീണ്ടുമിപ്പോള്‍ സെലിങ്ങിലെ ആചാരം താരമായിരിക്കുന്നത്.

കടകള്‍ തുറന്ന്, വില്‍പനയ്ക്കുള്ള സാധനങ്ങള്‍ നിരത്തി വെച്ച ശേഷം ഉടമകള്‍ മറ്റു കാര്യങ്ങള്‍ക്കായി പോകും. സാധനങ്ങളുടെ വില എഴുതി പ്രദര്‍ശിപ്പിച്ചിരിക്കും. സാധനങ്ങളുടെ വിലയായി നല്‍കേണ്ട പണമിടാന്‍ ഒരു പെട്ടിയും ഇവിടെ സൂക്ഷിക്കും. സാധനമെടുക്കുന്നവര്‍ അതിന്റെ വില പണപ്പെട്ടിയില്‍ നിക്ഷേപിക്കും. എത്ര മനോഹരമായ ആചാരങ്ങള്‍ അല്ലേ!

നിരവധി പേരാണ് ഈ പ്രദേശത്തെ ജനങ്ങളെ അഭിനന്ദിച്ച് ട്വീറ്റിനോട് പ്രതികരിച്ചത്. ഇന്ത്യക്കാരനായതില്‍ അഭിമാനിക്കുന്നുവെന്ന് ഒരാള്‍ പ്രതികരിച്ചപ്പോള്‍ നന്മയുള്ള ആളുകള്‍ എന്നാണ് മറ്റൊരാളുടെ പ്രതികരണം. ഈ ഭാഗത്ത് യാത്ര പോകുന്നുണ്ടെങ്കില്‍ തീര്‍ച്ചയായും ഈ പ്രദേശം സന്ദര്‍ശിക്കുമെന്ന് മറ്റൊരാള്‍ ആഗ്രഹം പ്രകടമാക്കി. ഇന്ത്യയില്‍ മറ്റിടങ്ങളിലെ ഈ ആചാരം തുടരുന്ന സ്ഥലങ്ങളെ കുറിച്ചും പലരും ട്വീറ്റിന് മറുപടി നല്‍കി.

Content Highlights: Mizoram has shops without shopkeepers


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


06:03

16-ാം വയസ്സില്‍ പാര്‍ട്ടി അംഗത്വം; എതിരാളികള്‍ക്ക് പോലും സ്വീകാര്യന്‍... കോടിയേരി ഓർമയാകുമ്പോൾ

Oct 1, 2022

Most Commented