​​മോഷ്ടാക്കൾ വിചാരിച്ചത് ട്രക്ക് ടയറെന്ന്; മിറാഷ് യുദ്ധവിമാനത്തിന്റെ മോഷണംപോയ ടയര്‍ തിരിച്ചുകിട്ടി


പ്രതീകാത്മക ചിത്രം| Photo: AFP

ലഖ്‌നൗ: വ്യോമസേനയുടെ മിറാഷ് യുദ്ധവിമാനത്തിന്റെ മോഷണം പോയ ടയര്‍ കണ്ടെത്തി. ടയര്‍ തിരികെ ലഭിച്ച കാര്യം ഉത്തര്‍ പ്രദേശ് പോലീസാണ് സ്ഥിരീകരിച്ചത്. മിറാഷ്- 2000 യുദ്ധവിമാനത്തിന്റെ ടയറുകളുമായി പോവുകയായിരുന്ന ട്രക്കില്‍നിന്ന് നവംബര്‍ 27-നാണ് ഒരു ടയര്‍ കാണാതായത്. ലഖ്‌നൗവിലെ ഷഹീദ് പഥ് മേഖലയില്‍വെച്ചയിരുന്നു സംഭവം.

ലഖ്‌നൗവിലെ ബക്ഷി കാ തലാബ് എയര്‍ ഫോഴ്‌സ് സ്‌റ്റേഷനില്‍നിന്ന് രാജസ്ഥാനിലെ ജോധ്പുര്‍ എയര്‍ബേസിലേക്ക് യുദ്ധവിമാനത്തിനു വേണ്ടിയുള്ള പുതിയ ടയറുകളും മറ്റ് ഉപകരണങ്ങളുമായി പുറപ്പെട്ടതായിരുന്നു ട്രക്ക്. ഈ യാത്രയ്ക്കിടെയാണ് ഒരു ടയര്‍ ട്രക്കില്‍നിന്ന് നഷ്ടപ്പെട്ടത്. ഇതിനു പിന്നാലെ ട്രക്ക് ഡ്രൈവര്‍ ലഖ്‌നൗ പോലീസില്‍ പരാതി നല്‍കിയിരുന്നു.



ശനിയാഴ്ച (ഡിസംബര്‍ നാല്) രണ്ടുപേര്‍ ടയറുമായി ബക്ഷി കി താലബ് എയര്‍ ഫോഴ്‌സ് സ്റ്റേഷനില്‍ എത്തുകയായിരുന്നെന്ന് ലഖ്‌നൗ പോലീസ് പ്രസ്താവനയില്‍ അറിയിച്ചു. മോഷണം നടന്നതായി പറയപ്പെടുന്ന സ്ഥലത്തുനിന്നാണ് തങ്ങള്‍ക്ക് ഈ ടയര്‍ കിട്ടിയതെന്ന് ഇരുവരും പറഞ്ഞു. ട്രക്കിന്റെ ടയര്‍ ആണെന്ന് കരുതിയാണ് വീട്ടില്‍ കൊണ്ടുപോയതെന്നും ഇവര്‍ കൂട്ടിച്ചേര്‍ത്തു.

ടയര്‍, തങ്ങളുടെ സപ്ലൈ ഡിപ്പോയില്‍നിന്നുള്ളതാണെന്നും മിറാഷ് വിമാനത്തിന്റേതാണെന്നും എയര്‍ ഫോഴ്‌സ് സ്‌റ്റേഷന്‍ അധികൃതര്‍ അറിയിച്ചു.

content highlights: mirage figher jet tyre recovered


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented