സഹകരണ മന്ത്രാലയം: സഹകരണ മെഡി.കോളേജുകളുടേയും ബാങ്കുകളുടേയും നിയന്ത്രണം ഏറ്റെടുക്കില്ലെന്ന് അമിത് ഷാ


അമിത് ഷാ |ഫോട്ടോ:ANI

ന്യൂഡല്‍ഹി: കേന്ദ്ര സര്‍ക്കാര്‍ പുതുതായി രൂപീകരിച്ച സഹകരണ മന്ത്രാലയം സംബന്ധിച്ച് സംസ്ഥാനങ്ങള്‍ ചൂണ്ടിക്കാട്ടുന്ന ആശങ്കകളില്‍ അമിത് ഷായുടെ മറുപടി. സഹകരണ മന്ത്രാലയം സംബന്ധിച്ച് പാര്‍ലമെന്റില്‍ ആദ്യമായി ഉയര്‍ന്ന ചോദ്യങ്ങള്‍ക്ക് മറുപടി നല്‍കുകയായിരുന്നു അമിത് ഷാ.

സംസ്ഥാനങ്ങളില്‍ പ്രവര്‍ത്തിക്കുന്ന പ്രാഥമിക കാര്‍ഷിക സഹകരണ സംഘങ്ങളെ സഹകരണ മന്ത്രാലയത്തിന്റെ കീഴില്‍ കൊണ്ടുവരാന്‍ ഉദ്ദേശിക്കുന്നുണ്ടോ, സംസ്ഥാനങ്ങളുടെ കീഴില്‍ പ്രവര്‍ത്തിക്കുന്ന സഹകരണ മെഡിക്കല്‍ കോളേജുകളുടേയും ബാങ്കുകളുടേയും ഭാഗിക നിയന്ത്രണം ഏറ്റെടുക്കാന്‍ സര്‍ക്കാര്‍ തീരുമാനിച്ചിട്ടുണ്ടോയെന്നുമുള്ള ചോദ്യത്തിന് ഇല്ലെന്നാണ് അമിത് ഷായുടെ മറുപടി. ഈ രണ്ട് കാര്യങ്ങളിലും സംസ്ഥാനങ്ങള്‍ നേരത്തെ ആശങ്ക ഉയര്‍ത്തിയിരുന്നു.

എല്ലാ മേഖലകളിലേയും സഹകരണ പ്രവര്‍ത്തനങ്ങളുടെ ഏകോപനവും സഹകരണ മേഖലയിലെ പൊതുനയവുമാണ് മന്ത്രാലയത്തിന്റെ അധികാരപരിധിയെന്ന് അമിത് ചൂണ്ടിക്കാട്ടി. അതേ സമയം അതത് മേഖലകളിലെ സഹകരണ സ്ഥാപനങ്ങളുടെ ഉത്തരവാദിത്തം മന്ത്രാലയത്തിൽ തുടരുമെന്നും അദ്ദേഹം വ്യക്തമാക്കി.

'സഹകരണത്തില്‍ നിന്ന് അഭിവൃദ്ധിയിലേക്കുള്ള കാഴ്ചപ്പാട് സാക്ഷാത്കരിക്കുക, രാജ്യത്ത് സഹകരണ പ്രസ്ഥാനം ശക്തിപ്പെടുത്തുക, താഴെത്തട്ടിലേക്ക് അതിന്റെ ആഴം വര്‍ദ്ധിപ്പിക്കുക, സഹകരണം അടിസ്ഥാനമാക്കിയുള്ള സാമ്പത്തിക വികസന മാതൃക പ്രോത്സാഹിപ്പിക്കുക, രാജ്യം വികസിപ്പിക്കാന്‍ അംഗങ്ങള്‍ക്കിടയില്‍ ഉത്തരവാദിത്ത മനോഭാവം വികസിപ്പിക്കുക എന്നിവയാണ് മന്ത്രാലയത്തിന്റെ ഉത്തരവാദിത്തം' ഷാ പറഞ്ഞു.

നാഷണല്‍ കോ-ഓപ്പറേറ്റീവ് ഓര്‍ഗനൈസേഷന്‍, നാഷണല്‍ കോ-ഓപ്പറേറ്റീവ് ഡെവലപ്മെന്റ് കോര്‍പ്പറേഷന്‍ എന്നിവയുമായി ബന്ധപ്പെട്ട കാര്യങ്ങള്‍, സഹകരണ സ്ഥാപനങ്ങള്‍ക്ക് അവരുടെ സാധ്യതകള്‍ തിരിച്ചറിയാന്‍ ഉചിതമായ നയവും നിയമപരവും സ്ഥാപനപരവുമായ ചട്ടക്കൂട്. ഒരു സംസ്ഥാനത്ത് മാത്രം ഒതുങ്ങാതെ സഹകരണ സൊസൈറ്റികളുടെ സംയോജനം. സഹകരണ സ്ഥാപനങ്ങളിലെ ഉദ്യോഗസ്ഥരും ഭാരാവാഹികളുമടക്കമുള്ളവരുടെ പരിശീലനം തുടങ്ങിയവയും അധികാര പരിധിയില്‍ വരുമെന്നും അദ്ദേഹം വ്യക്തമാക്കി.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


22:40

ഐഎഎഎസ്സിനായി 25-ാം വയസ്സിലാണ് ഞാൻ കൈയ്യക്ഷരം നന്നാക്കാൻ പോയത്: കളക്ടർ കൃഷ്ണ തേജ | Interview Part 1

Sep 28, 2022


pfi

1 min

തീരുമാനം അംഗീകരിക്കുന്നു: പോപ്പുലര്‍ ഫ്രണ്ട് പിരിച്ചുവിട്ടതായി സംസ്ഥാന സെക്രട്ടറി

Sep 28, 2022

Most Commented