അഞ്ചാംപനിയുടെ വാക്‌സിന് കുട്ടികളെ കോവിഡില്‍നിന്ന് രക്ഷിക്കാന്‍ സാധിച്ചേക്കുമെന്ന് പഠനം


പ്രതീകാത്മകചിത്രം| Photo: PTI

ന്യൂഡല്‍ഹി: കോവിഡിന്റെ മൂന്നാംതരംഗം ഉണ്ടാകുന്ന പക്ഷം അത് കുട്ടികളെ ബാധിച്ചേക്കുമെന്ന ആശങ്കയിലാണ് രാജ്യം. എന്നാല്‍ അഞ്ചാംപനിയുടെ വാക്‌സിന്‍ എടുത്ത കുട്ടികള്‍ക്ക് കോവിഡ് വന്നാല്‍ അതിന്റെ ലക്ഷണങ്ങളുടെ തീവ്രത, വാക്‌സിന്‍ എടുക്കാത്ത കുട്ടികളെ അപേക്ഷിച്ച് കുറവായിരിക്കുമെന്ന് ഒരു പഠനം പറയുന്നു.

മഹാരാഷ്ട്ര പുണെയിലെ ബി.ജെ. മെഡിക്കല്‍ കോളേജ് ആണ് പഠനം നടത്തിയത്. അഞ്ചാംപനിയുടെ വാക്‌സിന് സാര്‍സ് കൊവ് 2 വൈറസിനെതിരെ 87.5 ശതമാനം ഫലപ്രാപ്തിയുണ്ടെന്നും പഠനം പറയുന്നു. ഹ്യൂമന്‍ വാക്‌സിന്‍ ആന്‍ഡ് ഇമ്യുണോതെറാപ്യൂടിക്‌സ് എന്ന ജേണലിലാണ് പഠനം പ്രസിദ്ധീകരിച്ചിരിക്കുന്നത്. കുട്ടികള്‍ക്ക് കോവിഡ് ബാധയില്‍നിന്ന് ദീര്‍ഘകാല സംരക്ഷണം നല്‍കാന്‍ ഒരുപക്ഷെ അഞ്ചാംപനിയുടെ വാക്‌സിന് സാധിച്ചേക്കുമെന്നും പഠനം പറയുന്നു. പഠനത്തിലെ വിവരങ്ങള്‍ ഉറപ്പാക്കാന്‍ കൂടുതല്‍ പരീക്ഷണങ്ങള്‍ ആവശ്യമുണ്ടെന്നും ഗവേഷകര്‍ വ്യക്തമാക്കി.

ലോകത്ത് ഇതാദ്യമായാണ് ഇത്തരത്തിലൊരു പഠനം നടത്തുന്നതെന്ന് പഠനത്തിന് നേതൃത്വം നല്‍കിയ ശിശുരോഗ വിദഗ്ധന്‍ ഡോ. നീലേഷ് ഗുജാര്‍ ഇന്ത്യാ ടുഡേയോടു പറഞ്ഞു. സാര്‍സ് കൊവ് 2 വൈറസിന്റെ അമിനോ ആസിഡിന്റെ ക്രമം റൂബല്ല വൈറസിന്റേതിനോട് ഏകദേശം മുപ്പതുശതമാനത്തോളം സാമ്യം പുലര്‍ത്തുന്നതിനാല്‍ എം.എം.ആര്‍. വാക്‌സിനുകളിലാണ് തങ്ങള്‍ കൂടുതല്‍ ശ്രദ്ധ കേന്ദ്രീകരിച്ചത്. സാര്‍സ് കൊവ് 2 വൈറസിലെ സ്‌പൈക്ക്(എസ്) പ്രോട്ടീന്‍, അഞ്ചാംപനിയുടെ വൈറസിന്റെ ഹീമാഗ്ലൂട്ടിനിന്‍ പ്രോട്ടീനുമായി സാമ്യമുള്ളതാണ്. അതിനാലാണ് ഞങ്ങള്‍ ഈ പഠനം നടത്തിയത്. അതിന്റെ ഫലങ്ങള്‍ പ്രത്യാശാജനകമാണ്- ഗുജാര്‍ കൂട്ടിച്ചേര്‍ത്തു.

ഒന്നിനും 17-നും ഇടയില്‍ പ്രായമുള്ള 548 കുട്ടികളെ രണ്ടു സംഘമാക്കിയാണ് പഠനം നടത്തിയത്. ആര്‍.ടി.പി.സി.ആര്‍. പരിശോധന നടത്തി കോവിഡ് പോസിറ്റീവ് ആയവരെ ഒരു സംഘമായും അല്ലാത്തവരെ വേറൊരു സംഘമായും കണക്കാക്കിയാണ് പഠനം നടത്തിയത്.

Courtesy:www.indiatoday.in

content highlights: measles vaccine may protect children from covid- suggests study

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
നരേന്ദ്രമോദി, നിതീഷ് കുമാര്‍

2 min

ചിലത് കാണാനിരിക്കുന്നതേയുള്ളൂവെന്ന് നിതീഷ് കുമാര്‍; മോദിയെ തളര്‍ത്തുമോ 2024?

Aug 12, 2022


priya varghees

1 min

റിസര്‍ച്ച് സ്‌കോര്‍ ഏറ്റവും കുറവ്; പ്രിയ വര്‍ഗീസിന്റെ വിവാദ നിയമനത്തില്‍ നിര്‍ണായക രേഖ പുറത്ത്

Aug 13, 2022


One of the Rajasthan Royals owners slapped me 3-4 times after I got a duck Ross Taylor reveals

1 min

ഡക്കായതിന് മൂന്ന് നാല് തവണ മുഖത്തടിച്ചു; ഐപിഎല്‍ ടീം ഉടമയ്‌ക്കെതിരായ വെളിപ്പെടുത്തലുമായി ടെയ്‌ലര്‍

Aug 13, 2022

Most Commented