സ്വകാര്യ ദൃശ്യം പ്രചരിപ്പിക്കുമെന്ന് ഭീഷണി, പ്രണയം നടിച്ച് സ്വർണ്ണം തട്ടിയെടുത്ത യുവാവ് അറസ്റ്റില്‍


യുവാവ് യുവതിയോട് പ്രണയം നടിക്കുക മാത്രമായിരുന്നുവെന്നും ഇയാൾ നേരത്തെ തന്നെ വിവാഹിതനായിരുന്നുവെന്നും പോലീസ് പറഞ്ഞു.

പ്രതീകാത്മക ചിത്രം | Photo: ANI

മുംബൈ: സ്വകാര്യ ചിത്രങ്ങൾ സമൂഹ മാധ്യമങ്ങളില്‍ പ്രചരിപ്പിക്കുമെന്ന് ഭീഷണിപ്പെടുത്തി യുവതിയുടെ കൈയിൽ നിന്ന് സ്വർണ്ണം തട്ടിയ കേസിൽ ആണ്‍സുഹൃത്ത് മുംബൈയില്‍ അറസ്റ്റില്‍. തന്റെ കൈയിലുള്ള സ്വകാര്യ ചിത്രങ്ങൾ സമൂഹ മാധ്യമങ്ങളില്‍ പോസ്റ്റ് ചെയ്യാതിരിക്കണമെങ്കിൽ സ്വർണ്ണവും പണവും നൽകണമെന്ന് യുവാവ് ആവശ്യപ്പെടുകയായിരുന്നു. സംഭവവുമായി ബന്ധപ്പെട്ട് 30 വയസ്സുകാരനായ അബ്ദുൽ സുഫിയാൽ ഷെയ്ഖിനെ മാഹിമിൽ നിന്നാണ്‌ പോലീസ് അറസ്റ്റ് ചെയ്തത്.

വ്യായാമ കേന്ദ്രത്തില്‍ വെച്ചാണ്‌ 24-കാരിയായ യുവതിയും സുഫിയാൻ ഷെയ്ഖും തമ്മിൽ പരിചയപ്പെടുന്നത്. പിന്നീട് രണ്ടുപേരും പ്രണയത്തിലായി. ഇവർ അടുപ്പത്തിലായിരിക്കുന്ന സമയത്ത് എടുത്ത സ്വകാര്യ ചിത്രങ്ങൾ കാണിച്ച് പിന്നീട് യുവതിയെ ഇയാൾ ഭീഷണിപ്പെടുത്തുകയായിരുന്നു. ഇത്തരത്തിൽ ഭീഷണിപ്പെടുത്തി യുവതിയുടെ പക്കൽ നിന്ന് 120 ഗ്രാം സ്വർണ്ണം തട്ടിയെടുത്തുവെന്ന് പരാതിയിൽ പറയുന്നു. എന്നാൽ സുഫിയാൻ യുവതിയോട് പ്രണയം നടിക്കുക മാത്രമായിരുന്നുവെന്നും ഇയാൾ നേരത്തെ തന്നെ വിവാഹിതനായിരുന്നുവെന്നും പോലീസ് പറയുന്നു.

സംഭവവുമായി ബന്ധപ്പെട്ട് യുവാവിനെതിരെ ഐ.പി.സി. സെക്ഷൻ 376(2), സെക്ഷൻ 382 എന്നീ വകുപ്പുകൾ ചുമത്തി കേസെടുത്തുവെന്ന് ഡി.സി.പി പ്രണയ് അശോക് പറഞ്ഞു. ഓഗസ്റ്റ് 5 വരെ പ്രതിയെ പോലീസ് കസ്റ്റഡിയിൽ വിട്ടു.

Content Highlights: Married man threaten and theft jewellery from girlfriend


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022


38:00

അച്ഛന്റെ സിനിമയ്ക്കല്ല, അന്നും പോയിരുന്നത് ലാലേട്ടന്റെയും മമ്മൂക്കയുടെയും സിനിമ കാണാൻ | Binu Pappu

Oct 7, 2022

Most Commented