ജൂലായിൽ മാത്രം നൽകിയത് 13 കോടിയിലേറെ വാക്സിൻ; രാഹുൽ ഗാന്ധിക്ക് പക്വതക്കുറവെന്ന് ആരോഗ്യന്ത്രി


നിങ്ങളുടെ രാജ്യത്തെക്കുറിച്ച് നിങ്ങളും അഭിമാനിക്കണം. മന്‍സുഖ് മാണ്ഡവ്യ രാഹുൽ ഗാന്ധിയുടെ ട്വീറ്റ് റീട്വീറ്റ് ചെയ്തു കൊണ്ട് ആവശ്യപ്പെട്ടു.

മൻസൂഖ് മാണ്ഡവ്യ | ഫോട്ടോ: പിടിഐ

ന്യൂഡൽഹി: കോവിഡ് വാക്സീൻ വിഷയത്തിൽ കോൺഗ്രസ് നേതാവ് രാഹുൽ ഗാന്ധിക്ക് മറുപടിയുമായി കേന്ദ്ര ആരോഗ്യമന്ത്രി മന്‍സുഖ് മാണ്ഡവ്യ. ജൂലായിൽ മാത്രം രാജ്യത്ത് 13 കോടിയിലേറെ ഡോസ് വാക്സിനുകൾ വിതരണം ചെയ്തുവെന്ന് അദ്ദേഹം പറഞ്ഞു. വാക്സിൻ അപര്യാപ്തമാണെന്ന രാഹുൽ ഗാന്ധിയുടെ ട്വീറ്റ് റീട്വീറ്റ് ചെയ്തു കൊണ്ടായിരുന്നു മറുപടി.

"ജൂലായ് കഴിഞ്ഞു, വാക്സിൻ ക്ഷാമം ഇനിയും അവസാനിച്ചിട്ടില്ല" എന്ന അടിക്കുറിപ്പോടെ രാഹുൽ ഗാന്ധി വിവിധ പത്രക്കട്ടിങ്ങുകൾ അടങ്ങിയ ഒരു വീഡിയോ പങ്കുവെച്ചിരുന്നു. ഇതേത്തുടര്‍ന്നാണ് ആരോഗ്യമന്ത്രിയുടെ മറുപടി.

ജൂലായ് മാസത്തിൽ മാത്രം 13 കോടി വാക്സീനുകളാണ് നൽകിയത്. നിലവിൽ രാജ്യത്ത് വാക്സിനേഷൻ വളരെ വേഗത്തിൽ തന്നെ നടന്നു കൊണ്ടിരിക്കുകയാണ്. ഈ നേട്ടം കൈവരിച്ചത് ആരോഗ്യപ്രവർത്തകരുടെ കഴിവു കൊണ്ടാണ്. ഇതിൽ അഭിമാനിക്കുന്നു. നിങ്ങളുടെ രാജ്യത്തെക്കുറിച്ച് നിങ്ങളും അഭിമാനിക്കണം. മന്‍സുഖ് മാണ്ഡവ്യ രാഹുൽ ഗാന്ധിയുടെ ട്വീറ്റ് റീട്വീറ്റ് ചെയ്തു കൊണ്ട് ആവശ്യപ്പെട്ടു.

"ജൂലായിൽ വാക്‌സിനെടുത്ത 13 കോടി പേരിൽ ഒരാളാണ് നിങ്ങളെന്ന് പറയുന്നത് കേട്ടു. പക്ഷെ വാക്‌സിൻ എടുത്തതിന് ശേഷം നമ്മുടെ ശാസ്ത്രജ്ഞരെക്കുറിച്ച് ഒന്നും പറഞ്ഞില്ല. വാക്‌സിൻ എടുക്കാൻ വേണ്ടി രാജ്യത്തെ പൗരന്മാരോട് അഭ്യർത്ഥിച്ചില്ല. ഇതിനർത്ഥംവാക്‌സിൻ വിഷയം നിങ്ങൾ രാഷ്ട്രീവത്കരിക്കുന്നുവെന്നാണ്. രാജ്യത്ത് നിലവിൽ വാക്‌സിനുകൾക്ക് ക്ഷാമമില്ല. പക്ഷെ നിങ്ങൾക്ക് തീർച്ചയായും പക്വതക്കുറവുണ്ട്" ആരോഗ്യമന്ത്രി കൂട്ടിച്ചേർത്തു.

Content Highlights: Mansukh Mandaviya says to rahul gandhi: Over 13 crore doses of Covid vaccines administered in July


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022


Kodiyeri Balakrishnan

2 min

കോടിയേരി ബാലകൃഷ്ണന്‍  അന്തരിച്ചു

Oct 1, 2022

Most Commented