തോക്ക് കാണിച്ച് ഭീഷണിപ്പെടുത്തി; മുന്‍ എംപിയുടെ മകനെതിരേ കേസ്


നിശാപാര്‍ട്ടിക്ക് ശേഷം പുറത്തിറങ്ങിയ ആശിഷ് കൂടെയുള്ള യുവതിയുമായി വാക്തര്‍ക്കത്തിലേര്‍പ്പെടുകയായിരുന്നെന്നാണ് റിപ്പോര്‍ട്ടുകള്‍.

ന്യൂഡല്‍ഹി: തോക്കുമായെത്തി പഞ്ചനക്ഷത്രഹോട്ടലിനു മുമ്പില്‍ പരിഭ്രാന്തി സൃഷ്ടിച്ച യുവാവിന്റെ വീഡിയോദൃശ്യങ്ങള്‍ സാമൂഹികമാധ്യമങ്ങളില്‍ പ്രചരിക്കുന്നു. ബിഎസ്പി നേതാവും മുന്‍ പാര്‍ലമെന്റംഗവുമായ പ്രമുഖന്റെ മകനാണ് യുവാവെന്ന് പോലീസ് പറഞ്ഞു.

ആശിഷ് പാണ്ഡെ എന്ന യുവാവാണ് ഞായറാഴ്ച്ച രാത്രി ഡല്‍ഹിയിലെ ഒരു പഞ്ചനക്ഷത്രഹോട്ടലിന് മുന്നില്‍ പ്രശ്‌നങ്ങള്‍ ഉണ്ടാക്കിയത്. നിശാപാര്‍ട്ടിക്ക് ശേഷം പുറത്തിറങ്ങിയ ആശിഷ് കൂടെയുള്ള യുവതിയുമായി വാക്തര്‍ക്കത്തിലേര്‍പ്പെടുകയായിരുന്നെന്നാണ് റിപ്പോര്‍ട്ടുകള്‍. ആശിഷ് യുവതിയെ അസഭ്യം പറയുകയും തോക്ക് കാട്ടി ഭീഷണിപ്പെടുത്തുകയുമായിരുന്നു.

പെണ്‍സുഹൃത്തും സുരക്ഷാഉദ്യോഗസ്ഥനും ചേര്‍ന്ന് യുവാവിനെ അനുനയിപ്പിക്കാന്‍ ശ്രമിക്കുന്നത് വീഡിയോ ദൃശ്യങ്ങളില്‍ കാണാം. അവരോടും തര്‍ക്കത്തിന് മുതിര്‍ന്ന യുവാവിനെ ഹോട്ടല്‍ ജീവനക്കാര്‍ വലിച്ചിഴച്ചുകൊണ്ടുപോകുന്നിടത്താണ് വീഡിയോ അവസാനിക്കുന്നത്. അപ്പോഴും അയാള്‍ അസഭ്യം പറയുകയും ഭീഷണിപ്പെടുത്തുകയും ചെയ്യുന്നുണ്ട്.

വീഡിയോയുടെ അടിസ്ഥാനത്തില്‍ പോലീസ് കേസെടുത്ത് അന്വേഷണം ആരംഭിച്ചു. ആശിഷ് പാണ്ഡെയെ ഉടന്‍ അറസ്റ്റ് ചെയ്യുമെന്നും പോലീസ് അറിയിച്ചു. കൂടുതല്‍ വിവരങ്ങള്‍ പോലീസ് പുറത്തുവിട്ടിട്ടില്ല.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nedumbassery airport

1 min

ബാഗില്‍ എന്താണെന്ന വിമാന ജീവനക്കാരിയുടെ ചോദ്യം ഇഷ്ടപ്പെട്ടില്ല, ബോംബെന്ന് മറുപടി; അറസ്റ്റിലായി

Jul 3, 2022


lemon

1 min

കളിയാക്കിയവര്‍ക്ക് മറുപടി; അഷ്ടമുടിക്കായലോരത്ത് ഡോക്ടറുടെ ചെറുനാരങ്ങാവിപ്ലവം

Jul 3, 2022


pinarayi vijayan pc george

3 min

പിണറായിക്ക് പിന്നില്‍ ഫാരിസ് അബൂബക്കര്‍, അമേരിക്കന്‍ ബന്ധം അന്വേഷിക്കണമെന്ന് പി.സി; ഗുരുതര ആരോപണം

Jul 2, 2022

Most Commented