മദ്യഷോപ്പ് തുറന്നു; ഇളക്കിമറിച്ച്‌ 'മധുരൈക്കാര'ന്റെ ആഹ്‌ളാദപ്രകടനം


Screengrab : Twitter Video | @ANI

ത് കാര്യം തുടങ്ങുമ്പോഴും ഒരു പൂജയോ പ്രാര്‍ഥനയോ ചിലര്‍ക്ക് പതിവാണ്. പക്ഷെ, മധുര സ്വദേശിയായ ഒരാള്‍ പൂജ നടത്തിയത് തന്റെ ആഹ്‌ളാദം പങ്കിടാനാണ്. തമിഴ്‌നാട്ടില്‍ ലോക്ഡൗണ്‍ ഇളവുകള്‍ അനുവദിച്ച് 27 ജില്ലകളില്‍ നിശ്ചിത സമയത്തേക്ക് മദ്യവില്‍പന ശാലകള്‍ക്ക് തുറന്നു പ്രവര്‍ത്തിക്കാന്‍ മുഖ്യമന്ത്രി എം.കെ. സ്റ്റാലിന്‍ അനുമതി നല്‍കിയതോടെയാണ് ദിവസങ്ങള്‍ക്ക് ശേഷം മദ്യം ലഭിക്കുന്നതിന്റെ സന്തോഷം അയാള്‍ ആരതിയുഴിഞ്ഞ് പങ്കു വെച്ചത്. രസകരമായ സംഭവത്തിന്റെ വീഡിയോ സാമൂഹികമാധ്യമങ്ങളില്‍ പ്രചാരം നേടിയിരിക്കുകയാണ്.

ആദ്യം വാങ്ങിയ മദ്യക്കുപ്പി വില്‍പനശാലയ്ക്ക് മുന്നില്‍ നിലത്തുവെച്ച് താലത്തിലുള്ള ചെരാതും കര്‍പ്പൂരവുമൊക്കെ കത്തിക്കുകയാണ് വീഡിയോയില്‍ ആദ്യം. അത് കത്തിത്തീരുന്നതിന് മുമ്പ് അടുത്ത് കുപ്പികള്‍ വാങ്ങാനോടുകയാണ് അയാള്‍. വാങ്ങിക്കൊണ്ടു വന്നയുടനെ താലത്തിന് മുന്നില്‍ പ്രതിഷ്ഠിച്ചു. തുടര്‍ന്ന് കൈയിലെടുത്ത് കുപ്പികളുമായി വീഡിയോയ്ക്കും ഫോട്ടോയ്ക്കുമായുള്ള പോസ് ചെയ്യല്‍. ഇടയ്ക്ക് കുപ്പികളില്‍ ചുംബിക്കുകയും മദ്യം കുടിക്കുന്നതായി അഭിനയിക്കുകയും ചെയ്യുന്നുണ്ടയാള്‍.

നിരവധി പേര്‍ ഈ 'ആഹ്‌ളാദപ്രകടനം' ഫോണില്‍ പകര്‍ത്തുന്നതും വീഡിയോയില്‍ കാണാം. വാര്‍ത്താ ഏജന്‍സിയായ എ.എന്‍.ഐയും വീഡിയോ ഔദ്യോഗിക ട്വിറ്ററില്‍ പങ്കുവെച്ചു. മദ്യവില്‍പന ശാലകള്‍ക്ക് മുന്നില്‍ ഇത്തരത്തിലുള്ള മാലയിടലും ദീപാരാധനയുമൊക്കെ നടത്തുന്നതിന്റെ പല സംസ്ഥാനങ്ങളില്‍ നിന്നുള്ള വീഡിയോകള്‍ മുമ്പും സാമൂഹിക മാധ്യമങ്ങളില്‍ ശ്രദ്ധ നേടിയിട്ടുണ്ട്.

Content Highlights: Man Performs 'Aarti' of Alcohol Bottles as Tamil Nadu Reopens Liqour Shops

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


22:40

ഐഎഎഎസ്സിനായി 25-ാം വയസ്സിലാണ് ഞാൻ കൈയ്യക്ഷരം നന്നാക്കാൻ പോയത്: കളക്ടർ കൃഷ്ണ തേജ | Interview Part 1

Sep 28, 2022


pfi

1 min

തീരുമാനം അംഗീകരിക്കുന്നു: പോപ്പുലര്‍ ഫ്രണ്ട് പിരിച്ചുവിട്ടതായി സംസ്ഥാന സെക്രട്ടറി

Sep 28, 2022

Most Commented