ആനക്കൂട്ടത്തെ പരിഭ്രാന്തരാക്കി നാട്ടുകാര്‍; ഒരാളെ ആന ചവിട്ടിക്കൊന്നു | വീഡിയോ


തേയില എസ്‌റ്റേറ്റിലെ തൊഴിലാളികളും ചില നാട്ടുകാരും ചേര്‍ന്ന് ആനക്കൂട്ടത്തെ പരിഭ്രാന്തരാക്കുന്നത് ദൃശ്യങ്ങളില്‍ വ്യക്തമായി കാണാം.

ആന യുവാവിനെ ചവിട്ടി കൊല്ലുന്നു | Photo: Screen grab- twitter.com|ParveenKaswan

ദിസ്പുര്‍: റോഡ് മുറിച്ചു കടക്കുകയായിരുന്ന ആനക്കൂട്ടത്തിന്‍റെ ആക്രമണത്തില്‍ ഒരാള്‍ മരിച്ചു. അസമിലെ നുമാലിഗഡിലാണ് സംഭവം. ആനക്കൂട്ടത്തെ ഓടിക്കാന്‍ നാട്ടുകാർ ശ്രമിക്കുന്നതിനിടെ ആനകളിലൊന്ന് യുവാവിനെ ചവിട്ടിക്കൊല്ലുന്നതിന്‍റെ വീഡിയോ പുറത്തുവന്നു.

ആനകളെ പരിഭ്രാന്തിയിലാക്കി ഓടിക്കാന്‍ ജനക്കൂട്ടം ശ്രമിക്കുന്നതും ഇതില്‍ ക്ഷുഭിതനായ ഒരു ആന യുവാവിനെ ചവിട്ടിക്കൊല്ലുന്നതുമാണ് വീഡിയോയിലുള്ളത്. പസ്‌കല്‍ മുണ്ട എന്ന യുവാവാണ് മരിച്ചത്. ഇയാളെ സമീപത്തെ ആസ്പത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. പ്രവീണ്‍ കസ്‌വാന്‍ എന്ന ഐ.എഫ്.എസ് ഉദ്യോഗസ്ഥന്‍ ആണ് ഇതിന്റെ വീഡിയോ ട്വിറ്ററില്‍ പങ്കുവെച്ചത്.

മൊറോംഗി തേയില എസ്‌റ്റേറ്റിന് സമീപം എന്‍.എച്ച്- 39ല്‍ ആണ് സംഭവം. റോഡ് മുറിച്ച് കടക്കുകയായിരുന്നു ആനകളുടെ കൂട്ടം. തേയില എസ്‌റ്റേറ്റിലെ തൊഴിലാളികളും ചില നാട്ടുകാരും ചേര്‍ന്ന് ആനക്കൂട്ടത്തെ പരിഭ്രാന്തരാക്കുന്നത് ദൃശ്യങ്ങളില്‍ കാണാം. ചിലര്‍ തങ്ങളുടെ ബൈക്കിന്റെ ഹോണ്‍ മുഴക്കിയും പ്രകോപനം സൃഷ്ടിക്കുന്നുണ്ടായിരുന്നു.

മുന്നില്‍ പോയ ആനകള്‍ ഇതൊന്നും ശ്രദ്ധിക്കാതെ റോഡ് മുറിച്ചു കടന്നുപോയി. എന്നാല്‍ ഒടുവിലായി എത്തിയ ആന നാട്ടുകാരുടെ പ്രവൃത്തിയില്‍ കുപിതനാവുകയും ആള്‍ക്കൂട്ടത്തിന് നേരെ പാഞ്ഞടുക്കുകയുമായിരുന്നു. ആനയുടെ വരവ് കണ്ട് ആളുകള്‍ ഓടി മാറിയെങ്കിലും ആള്‍ക്കൂട്ടത്തില്‍പ്പെട്ട് ഒരാള്‍ നിലത്ത് വീണു. ഇയാളെയാണ് ആന ചവിട്ടി കൊലപ്പെടുത്തിയത്.

Content Highlights: man killed in Assam as Elephant crushed him as a result of crowd teasing the herd

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022

Most Commented