മന്ത്രിയെ ജയിലില്‍ 'മസാജ്' ചെയ്തത് പോക്‌സോ പ്രതിയെന്ന് ജയിലധികൃതർ; കെജ്‌രിവാളിന്‍റെ വാദം പൊളിയുന്നു


സത്യേന്ദർ ജെയിൻ, ജയിലിൽ സത്യേന്ദർ ജെയിന് മസാജ് ലഭിക്കുന്നതിന്റെ വീഡിയോയിൽനിന്ന് | Photo: ANI

ന്യൂഡല്‍ഹി: കള്ളപ്പണക്കേസില്‍ ജയിലില്‍ കഴിയുന്ന ഡല്‍ഹിമന്ത്രി സത്യേന്ദര്‍ ജെയിന് മസാജ് ചെയ്തുനല്‍കിയത് പോക്‌സോ കേസ് പ്രതിയെന്ന് റിപ്പോര്‍ട്ട്. കഴിഞ്ഞദിവസമാണ് ജയിലിനുള്ളില്‍ ജെയിന് മസാജ് ചെയ്തുനല്‍കുന്നതിന്റെ വീഡിയോ പുറത്തെത്തിയത്. ഇതില്‍ ജെയിനെ മസാജ് ചെയ്യുന്ന ആയാള്‍ റിങ്കു എന്ന തടവുകാരനാണെന്നും ഇയാളെ കഴിഞ്ഞകൊല്ലം പോക്‌സോ കേസില്‍ പോലീസ് അറസ്റ്റ് ചെയ്തതാണെന്നും തിഹാര്‍ ജയില്‍ വൃത്തങ്ങളെ ഉദ്ധരിച്ച് എന്‍.ഡി.ടി.വി. റിപ്പോര്‍ട്ട് ചെയ്തു.

ജെയിന് മസാജ് ലഭിക്കുന്നതിന്റെ വീഡിയോ പുറത്തെത്തിയതിന് പിന്നാലെ എ.എ.പിയ്‌ക്കെതിരേ അതിരൂക്ഷ വിമര്‍ശനം ഉന്നയിച്ച് ബി.ജെ.പി. രംഗത്തെത്തിയിരുന്നു. സെപ്റ്റംബര്‍ 13, 14, 21 തീയതികളിലെ തിഹാര്‍ ജയിലില്‍നിന്നുള്ള വീഡിയോകളാണ് പുറത്തെത്തിയിരുന്നത്.



അതേസമയം, ജെയിന് ലഭിച്ചത് മസാജോ വി.ഐ.പി. പരിഗണനയോ അല്ലെന്നും ഫിസിയോ തെറാപ്പി ആണെന്നുമായിരുന്നു തിങ്കളാഴ്ച ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍ പ്രതികരിച്ചത്. ഗുജറാത്തില്‍ തിരഞ്ഞെടുപ്പ് പ്രചാരണത്തില്‍ പങ്കെടുക്കുന്നതിനിടെ ആയിരുന്നു കെജ്‌രിവാളിന്റെ പ്രതികരണം.

തിഹാര്‍ ജയിലില്‍ സത്യേന്ദര്‍ ജെയിന് പ്രത്യേക പരിഗണന ലഭിക്കുന്നെന്ന എന്‍ഫോഴ്‌സ്‌മെന്റ് ഡയറക്ടറേറ്റിന്റെ ആരോപണത്തിന് പിന്നാലെയായിരുന്നു മസാജ് വീഡിയോ പുറത്തെത്തിയത്. വീഡിയോയുമായി ബന്ധപ്പെട്ട പുതിയ വെളിപ്പെടുത്തലില്‍ എ.എ.പി. ഇതുവരെ പ്രതികരിച്ചിട്ടില്ല. ജൂണ്‍മാസത്തിലാണ് ജെയിന്‍ ജയിലിലായത്.

Content Highlights: man giving massage to satyendar jain is rape case accused says jail sources


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022

Most Commented