ആര്‍ടിപിസിആര്‍ പരിശോധന: അറുപതോളം മലയാളികള്‍ മംഗളൂരുവില്‍ കുടുങ്ങി


ഇ.വി.ജയകൃഷ്ണന്‍

മംഗളൂരുവിൽ കുടുങ്ങിയ മലയാളികൾ ഫോട്ടോ: മാതൃഭൂമി

മംഗ്ലൂരു/കാസര്‍കോട്: കോവിഡ് നെഗറ്റീവ് സര്‍ട്ടിഫിക്കറ്റ് ഇല്ലാത്തതിനാല്‍ തീവണ്ടി മാര്‍ഗം മംഗളൂരുവിലെത്തിയ നൂറിലേറെപ്പേരെ പോലീസ് വാഹനത്തില്‍ കയറ്റി ടൗണ്‍ഹാളിലേക്കും മറ്റിടങ്ങളിലേക്കും മാറ്റി. വൈകീട്ട് മൂന്നരയോടെയെത്തിയ തീവണ്ടിയില്‍ നിന്നു മാത്രം 50 ഓളം പേരെയാണ് ടൗണ്‍ഹാളിലേക്കു മാറ്റിയത്. ഇവര്‍ക്കെല്ലാം റെയില്‍വേ സ്റ്റേഷനില്‍ വച്ചു തന്നെ ആന്റിജന്‍ പരിശോധന നടത്തിയെങ്കിലും രാത്രി പത്തു മണിവരെ ഫലം വന്നിട്ടില്ല.

ഒരു മണിക്കൂര്‍ നേരം റെയില്‍വേ സ്റ്റേഷനിലിരുത്തി. തുടര്‍ന്ന് വാനില്‍ കയറ്റി പോലീസ് സ്റ്റേഷനിലേക്കു മാറ്റി. അവിടെ നിന്നാണ് മംഗളൂരു ടൗണ്‍ഹാളിലെത്തിച്ചത്. പിന്നാലെ വന്ന തീവണ്ടിയിലുള്ളവരെയും പോലീസ് സ്റ്റേഷനിലും റെയില്‍വേ സ്റ്റേഷനിലുമായി മണിക്കൂറുകള്‍ നിര്‍ത്തിച്ച ശേഷം പലയിടത്തേക്കു മാറ്റിയതായും അറിയുന്നു. ടൗണ്‍ ഹാളിനു പുറത്ത് പോലീസ് കാവലും ഏര്‍പ്പെടുത്തി. ആറര മണിക്കൂര്‍ നേരം വെള്ളമോ ഭക്ഷണമോ കിട്ടിയില്ലെന്ന് ഇവര്‍ പറഞ്ഞു.

പുറത്തുള്ള പോലീസുകാരോട് പറയുമ്പോള്‍ അവര്‍ക്കൊന്നും അറിയില്ലെന്നാണ് പറഞ്ഞതെന്ന് വയനാട്ടില്‍ നിന്നെത്തിയ ബിടെക്ക് വിദ്യാര്‍ഥി ജോയല്‍ ജോസ് പറഞ്ഞു. പലരോടും പരാതിപ്പെട്ടിട്ടും ആരും തിരിഞ്ഞു നോക്കിയില്ലെന്ന് മെഡിക്കല്‍ വിദ്യാര്‍ഥികളായ ഗുരുവായൂരിലെ അമൃത,കാഞ്ഞങ്ങാട് ഓടയംചാലിലെ സോനുസൈമണ്‍ എന്നിവര്‍ പറഞ്ഞു.ഞങ്ങളെ കഷ്ടപ്പെടുത്തുകയാണെന്ന് മംഗ്ലൂരുവില്‍ ജോലിയുള്ള ഇരിട്ടി സ്വദേശിനി ശാന്തിമോള്‍ പറഞ്ഞു.

രാത്രി 10.45 ഓടെ മണിയോടെ ഉന്നത പോലീസ്-ആരോഗ്യ വകുപ്പുദ്യോഗസ്ഥര്‍ ടൗണ്‍ ഹാളിലെത്തി.സ്ത്രീകളെ മാത്രം പോകാന്‍ അനുവദിച്ചു.ആര്‍.ടി.പി.സി.ആര്‍.പരിശോധന ഫലം കിട്ടുന്നതുവരെ റൂം ക്വാറന്റീനില്‍ കഴിയണമെന്ന നിര്‍ദേശത്തോടെയാണ് ഇവരെ വിട്ടത്.

mangaluru
മംഗളൂരുവില്‍ കുടുങ്ങിയ മലയാളികള്‍ ഫോട്ടോ: മാതൃഭൂമി

'രോഗിയാണെന്ന് കരഞ്ഞു പറഞ്ഞിട്ടും വിട്ടില്ല'

'രോഗിയാണെന്ന് എത്രയോ തവണ കരഞ്ഞു പറഞ്ഞു.വൈകീട്ട് അഞ്ചിന് ഡോക്ടറെ കാണാന്‍ സമയം തന്നിട്ടുണ്ട്.പലതവണ ഇതു ആവര്‍ത്തിച്ചു. പോലീസുകാര്‍ കേട്ടില്ല'- കണ്ണൂര്‍ പയ്യാവൂരിലെ സലിന്‍മൈക്കിള്‍ പറഞ്ഞു.കുറച്ചു വര്‍ഷങ്ങളായി കെ.എം.സി.ആസ്പത്രിയില്‍ നിന്നുള്ള ചികിത്സ നടത്തുകയാണ്. ആറു മാസം കൂടുമ്പോള്‍ കുത്തിവയ്ക്കണം. ഇതിനായി മുംബൈയില്‍ നിന്നു പയ്യാവൂരിലെ വീട്ടിലെത്തിയതാണ്. കോവിഡ് കാലമായതിനാല്‍ ആറു മാസം മുന്‍പുള്ള കുത്തിവെപ്പ് നടന്നില്ല. അതിനാല്‍ 15 ദിവസത്തെ ഇടവേളയില്‍ രണ്ടു കുത്തിവെപ്പ് നടത്തണം.അതിനുള്ള അവസാന ദിവസമായിരുന്നു തിങ്കളാഴ്ച.ഇതൊക്കെ പറഞ്ഞിട്ടും പോലീസുകാര്‍ പോകാന്‍ അനുവദിച്ചില്ല'-സലിന്‍ പറഞ്ഞു.

mangaluru
മംഗളൂരുവില്‍ കുടുങ്ങിയ മലയാളികള്‍ ഫോട്ടോ: മാതൃഭൂമി

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented