ന്യൂഡല്‍ഹി: അര്‍ദ്ധരാത്രി പുറത്തിറങ്ങാന്‍ ആവശ്യപ്പെട്ട സംസ്‌കൃതം പ്രൊഫസറെ അനുജന്‍ ഡംബെല്‍ കൊണ്ട് അടിച്ചു കൊന്നു. ഇരുപത്തെട്ടുകാരനായ ഹിതേശ് വര്‍മ്മയാണ് സഹോദരന്‍ ഹിമാന്‍ഷുവിന്റെ അടിയേറ്റ് മരിച്ചത്. ഡല്‍ഹിയിലെ ബുരാരിയിലാണ് സംഭവം.
പി.ജി.ഡി.എ.വി. കോളേജില്‍ സംസ്‌കൃതം പ്രൊഫസറായ ഹിതേശും ശിവാജി കോളേജിലെ പി.ജി. വിദ്യാര്‍ഥിയായ ഹിമാന്‍ഷുവും ഒരുമിച്ചാണ് താമസം. മിക്കവാറും ദിവസങ്ങളില്‍ വീട്ടില്‍ സുഹൃത്തുക്കളുമായെത്തുന്ന ജ്യേഷ്ഠന്‍ തന്നോട് പുറത്തു പോവാന്‍ പറയാറുണ്ടെന്നും ഇഷ്ടമില്ലാത്ത കാര്യങ്ങള്‍ തന്നെക്കൊണ്ട് നിര്‍ബന്ധിച്ച ചെയ്യിക്കാറുണ്ടെന്നും പ്രതി പോലീസിനോട് പറഞ്ഞു. കാലങ്ങളായുളള പകയാണ് കൊലപാതകത്തില്‍ കലാശിച്ചത്.
കഴിഞ്ഞ ദിവസം രാത്രി ഒരു മണിക്ക് പെണ്‍സുഹൃത്തുമായെത്തിയ ഹിതേശ് ഹിമാന്‍ശുവിനോട് പുറത്തു പോവാന്‍ ആവശ്യപ്പെട്ടിരുന്നു. ഹിമാന്‍ഷു ഈ ആവശ്യം നിരസിച്ചത് വാക്കുതര്‍ക്കത്തിനിടയാക്കി. അരിശം മൂത്ത ഹിമാന്‍ശു സഹോദരനെ കൊല്ലുകയായിരുന്നെന്നാണ് പോലീസ് ഭാഷ്യം. കൊല നടത്തി ഒരു മണിക്കൂര്‍ കഴിഞ്ഞ് പോലീസിനെ വിളിച്ച ഹിമാന്‍ഷു പുറത്തു നിന്നാളുകള്‍ ആക്രമിച്ചതാണെന്ന കെട്ടു കഥയുണ്ടാക്കിയെങ്കിലും സംശയം തോന്നിയ പോലീസ് ചോദ്യം ചെയ്തപ്പോള്‍ പ്രതി കുറ്റം സമ്മതിക്കുകയായിരുന്നു. കൊലയ്ക്ക് ഉപയോഗിച്ച ആയുധം ഒളിപ്പിച്ചു വെച്ച സ്ഥലം പ്രതി പോലീസിന് കാണിച്ചു കൊടുത്തു.
ഇരുവരുടെയും മാതാപിതാക്കള്‍ ഝാന്‍സിയിലാണ് താമസം. മാതാപിതാക്കളെ കാണാന്‍ സഹോദരങ്ങള്‍ എല്ലാമാസവും ഒരുമിച്ചു പോവാറുണ്ട്. മാതാപിതാക്കളെ പോലീസ് വിവരമറിയിച്ചിട്ടുണ്ട്.
RELATED STORIES
.jpg?$p=71e446e&f=1x1&w=100&q=0.8)
.jpg?$p=82d833c&f=1x1&w=100&q=0.8)
.jpg?$p=1dd8c95&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=3ca10ba&f=1x1&w=100&q=0.8)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..