ഇന്ത്യയെ ലോകത്തെ ഏറ്റവും വലിയ സൈനിക ശക്തിയാക്കും- പ്രധാനമന്ത്രി മോദി


പുതിയ ഭാവി കെട്ടിപ്പടുക്കാന്‍ രാജ്യം പുതിയ തീരുമാനങ്ങള്‍ എടുക്കുകയാണെന്നും പ്രധാനമന്ത്രി പറഞ്ഞു.

പ്രധാനമന്ത്രി നരേന്ദ്രമോദി | Photo: PTI

ന്യൂഡല്‍ഹി: ഇന്ത്യയെ ലോകത്തെ ഏറ്റവും വലിയ സൈനിക ശക്തിയാക്കി മാറ്റുകയാണ് ലക്ഷ്യമെന്ന് പ്രധാനമന്ത്രി നരേന്ദ്ര മോദി. സര്‍ക്കാര്‍ നിയന്ത്രണത്തിലുള്ള ഏഴ് കോര്‍പ്പറേറ്റ് പ്രതിരോധ കമ്പനികള്‍ രാജ്യത്തിന് സമര്‍പ്പിച്ച് സംസാരിക്കുകയായിരുന്നു പ്രധാനമന്ത്രി. രാജ്യത്തെ 41 ഓര്‍ഡന്‍സ് ഫാക്ടറി ബോര്‍ഡുകള്‍ വിഭജിച്ച് രൂപം നല്‍കിയതാണ് ഇവ.

സ്വാതന്ത്യത്തിന് ശേഷം ഇതാദ്യമായി രാജ്യത്തെ പ്രതിരോധ മേഖലയില്‍ നിരവധി സുപ്രധാന പരിഷ്‌കാരങ്ങള്‍ നടന്നു. മുമ്പൊരിക്കലുമില്ലാത്ത സുതാര്യതയോടും വിശ്വാസ്യതയോടുമാണ് ഇതെല്ലാം നടന്നതെന്നും മോദി അവകാശപ്പെട്ടു. പ്രതിരോധ സാമഗ്രികളുടെ പ്രധാന ഉത്പാദക രാജ്യമായി ഇന്ത്യയെ മാറ്റാന്‍ മുരടിച്ച പഴയ നയങ്ങള്‍ക്ക് പകരം പുതിയ എകജാലക സംവിധാനം ഏര്‍പ്പെടുത്തിയതായും മോദി പറഞ്ഞു.

സ്വാതന്ത്ര്യാനന്തരം ഓര്‍ഡന്‍സ് ഫാക്ടറികളുടെ നവീകരണവും, പുതിയ സാങ്കേതിക വിദ്യകളും രാജ്യത്തിന് ആവശ്യമായിരുന്നു. എന്നാല്‍ അതൊന്നും വേണ്ടത്ര ശ്രദ്ധിക്കപ്പെട്ടില്ലെന്നും മോദി കുറ്റപ്പെടുത്തി. സ്വാശ്രയത്വ ഇന്ത്യ പ്രചാരണത്തിന്റെ ഭാഗമായി ഇന്ത്യയെ ലോകത്തെ ഏറ്റവും വലിയ സൈനിക ശക്തിയാക്കി മാറ്റുകയും ആധുനിക സൈനിക മേഖലയുടെ വികസനവുമാണ് രാജ്യത്തിന്റെ ലക്ഷ്യം. പുതിയ ഭാവി കെട്ടിപ്പടുക്കാന്‍ രാജ്യം പുതിയ തീരുമാനങ്ങള്‍ എടുക്കുകയാണെന്നും പ്രധാനമന്ത്രി പറഞ്ഞു.

പ്രതിരോധ മേഖലയില്‍ സ്വാശ്രയത്വം മെച്ചപ്പെടുത്താനാണ് 200 വര്‍ഷത്തിലേറെ പഴക്കമുള്ള ഓര്‍ഡന്‍സ് ഫാക്ടറി ബോര്‍ഡ് വിഭജിച്ച് സര്‍ക്കാര്‍ ഉടമസ്ഥതയിലുള്ള ഏഴ് കോര്‍പ്പറേറ്റ് സ്ഥാപനങ്ങളാക്കി മാറ്റാന്‍ കേന്ദ്രം തീരുമാനിച്ചത്. കര, നാവിക, വ്യോമ സേനകള്‍ക്കാവശ്യമായ സാമഗ്രികള്‍ നിര്‍മിക്കുന്ന ഫാക്ടറികളാണ് ഓര്‍ഡന്‍സ് ഫാക്ടറികള്‍. ആയുധങ്ങള്‍, സേനാ വാഹനങ്ങള്‍, യന്ത്രത്തോക്കുകള്‍, വെടിയുണ്ടകള്‍, ബുള്ളറ്റ് പ്രൂഫ് ജാക്കറ്റുകള്‍ തുടങ്ങിയവയാണ് ഇവിടെ നിര്‍മിക്കുന്നത്.

content highlights: Make India World's Biggest Military Power says PM Modi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented