പെഗാസസ് ഫോണ്‍ ചോര്‍ത്തല്‍: ഉദ്യോഗസ്ഥരുടെ ഇസ്രയേല്‍ യാത്ര അന്വേഷിക്കുന്നു


തിരക്കുപിടിച്ചുനടത്തിയ യാത്രയ്ക്ക് മുഖ്യമന്ത്രിയോടോ തിരഞ്ഞെടുപ്പു കമ്മിഷനോടോ അനുമതി തേടിയിരുന്നില്ല.

പ്രതീകാത്മക ചിത്രം | Photo: AFP

മുംബൈ: ബി.ജെ.പി. സര്‍ക്കാരിന്റെ കാലത്ത് ഫോണ്‍ ചോര്‍ത്താന്‍ ഇസ്രയേലി ചാര സോഫ്റ്റ്വേറായ പെഗാസസ് ഉപയോഗപ്പെടുത്തിയെന്ന ആരോപണത്തെക്കുറിച്ച് മഹാരാഷ്ട്ര സര്‍ക്കാര്‍ അന്വേഷണം തുടങ്ങി. സംസ്ഥാന വാര്‍ത്താവിതരണ വകുപ്പിലെ ഉന്നതോദ്യോഗസ്ഥര്‍ നടത്തിയ ഇസ്രയേല്‍ സന്ദര്‍ശനത്തെക്കുറിച്ചാണ് അന്വേഷണത്തിന് ഉത്തരവിട്ടിരിക്കുന്നത്.

നിയസഭാതിരഞ്ഞെടുപ്പു കഴിഞ്ഞ് പുതിയ സര്‍ക്കാര്‍ രൂപവത്കരണത്തെക്കുറിച്ച് ചര്‍ച്ചകള്‍ നടക്കുന്നതിനിടെയാണ് സംസ്ഥാന ഇന്‍ഫര്‍മേഷന്‍ ആന്‍ഡ് പബ്ലിസിറ്റി വകുപ്പിലെ അഞ്ച് ഉന്നതോദ്യോഗസ്ഥര്‍ ഡയറക്ടറുടെ നേതൃത്വത്തില്‍ ഇസ്രയേല്‍ സന്ദര്‍ശിച്ചത്. 2019 നവംബര്‍ 15 മുതല്‍ 25 വരെയായിരുന്നു സന്ദര്‍ശനം.

തിരക്കുപിടിച്ചുനടത്തിയ യാത്രയ്ക്ക് മുഖ്യമന്ത്രിയോടോ തിരഞ്ഞെടുപ്പു കമ്മിഷനോടോ അനുമതി തേടിയിരുന്നില്ല. ഒന്നരവര്‍ഷം കഴിഞ്ഞിട്ടും സന്ദര്‍ശനത്തിന്റെ റിപ്പോര്‍ട്ട് സമര്‍പ്പിച്ചിട്ടുമില്ല. ഈസാഹചര്യത്തിലാണ് ഇസ്രയേലില്‍പോയ സംഘത്തോട് വകുപ്പിന്റെ ഡയറക്ടര്‍ ജനറല്‍ വിശദീകരണം ചോദിച്ചിരിക്കുന്നത്.

പാര്‍ലമെന്റ് സമിതി 28-ന് തെളിവെടുക്കും

ഫോണ്‍ ചോര്‍ത്തല്‍ സംബന്ധിച്ച് പാര്‍ലമെന്റിന്റെ ഐ.ടി. മന്ത്രാലയ സ്റ്റാന്‍ഡിങ് കമ്മിറ്റി മുതിര്‍ന്ന ഉദ്യോഗസ്ഥരില്‍നിന്ന് ഈ മാസം 28-ന് തെളിവെടുക്കും.ശശി തരൂര്‍ ആണ് സമിതിയുടെ അധ്യക്ഷന്‍. ഐ.ടി., ആഭ്യന്തരം, വാര്‍ത്താവിനിമയം എന്നീ മന്ത്രാലയങ്ങളിലെ ഉദ്യോഗസ്ഥരില്‍നിന്നാണ് സമിതി വിവരങ്ങള്‍ ശേഖരിക്കുക.

'പൗരന്മാരുടെ ഡാറ്റ സുരക്ഷിതത്വവും സ്വകാര്യതയും സംബന്ധിച്ച തെളിവെടുപ്പാണ്' യോഗത്തിന്റെ അജന്‍ഡ. ഫോണ്‍ ചോര്‍ത്തല്‍ വിഷയത്തില്‍ ലോക്സഭയില്‍ സ്തംഭനം തുടരുകയാണ്.എന്നാല്‍ രാജ്യസഭയില്‍ ചൊവ്വാഴ്ച ഉച്ചയോടെ കോവിഡ് ചര്‍ച്ച നടന്നു. ആ വിഷയം ചര്‍ച്ച ചെയ്യാന്‍ മാത്രമാണ് സര്‍ക്കാരും പ്രതിപക്ഷവും ധാരണയിലെത്തിയത്.

Content Highlights: Maharashtra to enquire travel details of officials who visited Israel

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
നരേന്ദ്രമോദി, നിതീഷ് കുമാര്‍

2 min

ചിലത് കാണാനിരിക്കുന്നതേയുള്ളൂവെന്ന് നിതീഷ് കുമാര്‍; മോദിയെ തളര്‍ത്തുമോ 2024?

Aug 12, 2022


priya varghees

1 min

റിസര്‍ച്ച് സ്‌കോര്‍ ഏറ്റവും കുറവ്; പ്രിയ വര്‍ഗീസിന്റെ വിവാദ നിയമനത്തില്‍ നിര്‍ണായക രേഖ പുറത്ത്

Aug 13, 2022


One of the Rajasthan Royals owners slapped me 3-4 times after I got a duck Ross Taylor reveals

1 min

ഡക്കായതിന് മൂന്ന് നാല് തവണ മുഖത്തടിച്ചു; ഐപിഎല്‍ ടീം ഉടമയ്‌ക്കെതിരായ വെളിപ്പെടുത്തലുമായി ടെയ്‌ലര്‍

Aug 13, 2022

Most Commented