മധ്യപ്രദേശില്‍ ഇനി തൊഴില്‍നിയമനം എന്‍ആര്‍എ നടത്തുന്ന പൊതുപരീക്ഷയുടെ അടിസ്ഥാനത്തില്‍


-

ഭോപ്പാല്‍: സംസ്ഥാനത്തെ സര്‍ക്കാര്‍ ജോലികളിലേക്കുള്ള നിയമനം ദേശീയ റിക്രൂട്ട്‌മെന്റ് ഏജന്‍സി നടത്തുന്ന പരീക്ഷയുടെ അടിസ്ഥാനത്തിലായിരിക്കുമെന്ന് മധ്യപ്രദേശ് മുഖ്യമന്ത്രി ശിവ്‌രാജ് സിങ് ചൗഹാന്‍ വ്യാഴാഴ്ച പ്രഖ്യാപിച്ചു. ദേശീയ റിക്രൂട്ട്‌മെന്റ് ഏജന്‍സി രൂപീകരിക്കാനുള്ള നിര്‍ദേശം കേന്ദ്രമന്ത്രിസഭായോഗം അംഗീകരിച്ചതിന് പിന്നാലെയാണ് സംസ്ഥാന സര്‍ക്കാര്‍ ഒഴിവുകളിലേക്കുള്ള നിയമനം ഏജന്‍സി നടത്തുന്ന പൊതുപരീക്ഷയില്‍ ലഭിക്കുന്ന മാര്‍ക്കിന്റെ അടിസ്ഥാനത്തിലായിരിക്കുമെന്ന് ശിവ്‌രാജ് സിങ് ചൗഹാന്‍ പ്രഖ്യാപിച്ചത്.

സംസ്ഥാനത്തെ യുവജനങ്ങളുടെ ക്ഷേമം മുന്‍നിര്‍ത്തിയാണ് വിപ്ലവകരമായ തീരുമാനമെടുത്തതെന്ന് ചൗഹാന്‍ വ്യക്തമാക്കി. വിവിധ തസ്തികകളിലേക്കുള്ള നിയമനത്തിന് പ്രത്യേക പരീക്ഷകള്‍ അഭിമുഖീകരിക്കുകയും പ്രത്യേകഫീസ് നല്‍കുകയും ചെയ്യേണ്ട നിലവിലെ സാഹചര്യം ഇതോടെ അവസാനിക്കുകയും ഗസറ്റഡ് പോസ്റ്റുകള്‍ ഒഴികെയുള്ള തസ്തികകളിലേക്കുള്ള നിയമനത്തിന് പരിഗണിക്കാന്‍ ദേശീയ റിക്രൂട്ട്‌മെന്റ് ഏജന്‍സി നടത്തുന്ന പൊതുപരീക്ഷ എഴുതുകയും ചെയ്താല്‍ മതിയാകും.

നിര്‍ണായക തീരുമാനം കൈക്കൊള്ളുന്ന ആദ്യത്തെ സംസ്ഥാനമാണ് മധ്യപ്രദേശെന്നും ചൗഹാന്‍ ട്വീറ്റ് ചെയ്തു. സ്വന്തം നാട്ടിലെ മക്കള്‍ക്കായി മധ്യപ്രദേശ് കൈക്കൊണ്ട തീരുമാനം മറ്റു സംസ്ഥാനങ്ങള്‍ക്കും പിന്തുടരാവുന്നതാണെന്നും ചൗഹാന്‍ കൂട്ടിച്ചേര്‍ത്തു.

പത്ത്, പന്ത്രണ്ട് ക്ലാസുകളിലെ പരീക്ഷയ്ക്ക് ലഭിക്കുന്ന മാര്‍ക്കിന്റെ അടിസ്ഥാനത്തില്‍ സംസ്ഥാന സര്‍ക്കാര്‍ തൊഴിലവസരങ്ങള്‍ മധ്യപ്രദേശിലുള്ളവര്‍ക്കായി നിജപ്പെടുത്തുമെന്ന് ചൊവ്വാഴ്ച ചൗഹാന്‍ പ്രഖ്യാപിച്ചിരുന്നു. തൊഴിലവസരങ്ങള്‍ കുറഞ്ഞു വരുന്ന സാഹചര്യത്തില്‍ സംസ്ഥാനത്തെ യുവജനങ്ങളെ കുറിച്ച് ഉത്കണ്ഠയുണ്ടാവേണ്ടത് സര്‍ക്കാരിന്റെ കടമയാണെന്നും ചൗഹാന്‍ കൂട്ടിച്ചേര്‍ത്തു. ഇതിന് പിന്നാലെയാണ് പുതിയ തീരുമാനം ചൗഹാന്‍ വ്യാഴാഴ്ച പ്രഖ്യാപിച്ചത്. സംസ്ഥാനത്തുള്ളവര്‍ക്കു മാത്രമായി തൊഴിലവസരങ്ങള്‍ നിജപ്പെടുത്തുന്നതിനെതിരെ മൗലികാവകാശലംഘനം ചൂണ്ടിക്കാട്ടി പ്രതിപക്ഷകക്ഷിയായ കോണ്‍ഗ്രസ് രംഗത്തെത്തിയിരുന്നു.

Content Highlights: Madhya Pradesh becomes first state to announce government jobs on basis of NRA exam marks

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dharmajan Bolgatty

1 min

ധര്‍മജന്റെ ഉടമസ്ഥതയിലുള്ള സ്ഥാപനത്തില്‍നിന്ന് 200 കിലോ പഴകിയ മത്സ്യം പിടിച്ചെടുത്തു 

May 27, 2022


PC George

5 min

ഉയരേണ്ടത് ഇതാണ്: ഞങ്ങളിലില്ല മതരക്തം, ഞങ്ങളിലുള്ളത് മാനവരക്തം | പ്രതിഭാഷണം

May 27, 2022


tp ramees

1 min

അബുദാബിയിലുണ്ടായ വാഹനാപകടത്തിൽ മലയാളിയുവാവ് മരിച്ചു

May 27, 2022

Most Commented