ജെഡിയു സ്ഥാനാര്‍ഥിക്കെതിരെ ആളെ നിര്‍ത്തുമെന്ന് എല്‍ജെപി; തിരഞ്ഞെടുപ്പില്‍ തനിച്ച് മത്സരിക്കും


1 min read
Read later
Print
Share

പാർട്ടി യോഗത്തിന് ശേഷം പുറത്തേക്കുവരുന്ന എൽജെപി നേതാവ് ചിരാഗ് പസ്വാനും മറ്റ് നേതാക്കളും| Photo: ANI

ന്യൂഡല്‍ഹി: ബിഹാര്‍ തിരഞ്ഞെടുപ്പില്‍ എന്‍ഡിഎ സഖ്യത്തില്‍ ഭിന്നത രൂക്ഷമാകുന്നു. നിതീഷ് കുമാറിന്റെ ജെഡിയുവിന്റെ കീഴില്‍ സഖ്യമായി മത്സരിക്കാനില്ലെന്ന് ലോക് ജനശക്തി പാര്‍ട്ടി ( എല്‍.ജെ.പി) വ്യക്തമാക്കി. ഡല്‍ഹിയില്‍ നടന്ന പാര്‍ട്ടിയുടെ സെന്‍ട്രല്‍ പാര്‍ലമെന്ററി ബോര്‍ഡ് യോഗത്തിലാണ് ഈ തീരുമാനം എടുത്തത്. അതേസമയം ബീഹാര്‍ നിയമസഭയിലേക്ക് ബിജെപിയുമായി സഖ്യം ചേര്‍ന്ന് മത്സരിക്കാനും യോഗത്തില്‍ നിര്‍ദ്ദേശമുയര്‍ന്നു.

ആശയപരമായ ഭിന്നതകള്‍ ഉള്ളതിനാല്‍ ജെഡിയുവിനൊപ്പം സഖ്യമായി മത്സരിക്കാന്‍ തങ്ങള്‍ക്ക് സാധിക്കില്ലെന്ന് എല്‍.ജെ.പി ദേശീയ ജനറല്‍ സെക്രട്ടറി അബ്ദുള്‍ ഖാലിഖ് പറഞ്ഞു. കേന്ദ്രത്തിലേതുപോലെ സംസ്ഥാനത്തും ബിജെപി നേതൃത്വത്തിലുള്ള സര്‍ക്കാര്‍ വരണമെന്നാണ് തങ്ങള്‍ ആഗ്രഹിക്കുന്നതെന്നും എല്‍.ജെ.പി വൃത്തങ്ങള്‍ പറയുന്നു.

ബിജെപിയുമായി തങ്ങള്‍ക്ക് യാതൊരു വിഷയവുമില്ല. തര്‍ക്കം ജെഡിയുവുമായാണ്. ഈ തിരഞ്ഞെടുപ്പില്‍ ജെഡിയു നിര്‍ത്തുന്ന സ്ഥാനാര്‍ഥികള്‍ക്കെതിരെ തങ്ങളും മത്സരിക്കുമെന്ന് പാര്‍ട്ടി സെന്‍ട്രല്‍ പാര്‍ലമെന്ററി ബോര്‍ഡ് യോഗം വ്യക്തമാക്കി. ബിജെപിയോടൊപ്പം നില്‍ക്കുമെന്നും എല്ലാ പാര്‍ട്ടി പ്രവര്‍ത്തകരും നേതാവ് ചിരാഗ് പസ്വാനൊപ്പം ഉറച്ചുനില്‍ക്കുന്നുവെന്നും എല്‍ജെപി വക്താവ് പറഞ്ഞു.

ഒക്ടോബര്‍ 28 മുതല്‍ മൂന്ന് ഘട്ടമായാണ് ബിഹാര്‍ നിയമസഭാ തിരഞ്ഞെടുപ്പ് നടത്തുക. ആര്‍ജെഡി നേതൃത്വം നല്‍കുന്ന പ്രതിപക്ഷ സഖ്യം സീറ്റ് ചര്‍ച്ചകള്‍ പൂര്‍ത്തിയാക്കിയിരുന്നു. എന്നാല്‍ ഭരണകക്ഷിയായ എന്‍ഡിഎയില്‍ 50 ശതമാനം വീതം സീറ്റുകളില്‍ മത്സരിക്കാനാണ് ബിജെപി- ജെഡിയു ധാരണ.

എല്‍ജെപിക്ക് വേണ്ട സീറ്റുകള്‍ ബിജെപിയുടെ ക്വാട്ടയില്‍ നിന്നും ഹിന്ദുസ്ഥാന്‍ അവാമി മോര്‍ച്ചയ്ക്ക് ജെഡിയുവിന്റെ ക്വാട്ടയില്‍ നിന്നും സീറ്റുകള്‍ നല്‍കാമെന്നാണ് പ്രാഥമിക ധാരണ. എന്നാല്‍ ജെഡിയുവുമായി ഇടഞ്ഞുനില്‍ക്കുന്ന എല്‍ജെപി ഒറ്റയ്ക്ക് മത്സരിക്കാനാണ് തീരുമാനിച്ചിരിക്കുന്നത്.

Content highlights: LJP will not contest the upcoming Bihar Elections in alliance with JDU

 


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
modi

1 min

മോദിയുടെ ബിരുദം: വിവരം കൈമാറേണ്ട, ഹര്‍ജി നല്‍കിയ കെജ്‌രിവാളിന് പിഴ ചുമത്തി ഗുജറാത്ത് ഹൈക്കോടതി

Mar 31, 2023


viral video

'വീട്ടിലെ സ്ത്രീകളോട് ഇങ്ങനെ പെരുമാറുമോ?';ക്ലാസിലെ പെണ്‍കുട്ടിയെ കളിയാക്കിയ ആണ്‍കുട്ടികളോട് അധ്യാപിക

Mar 30, 2023


amit shah

1 min

എം.പിയായി തുടരാന്‍ ആഗ്രഹം, എന്നിട്ടും അപ്പീല്‍ നല്‍കുന്നില്ല; രാഹുല്‍ അഹങ്കാരി- അമിത് ഷാ

Mar 30, 2023

Most Commented