ന്യൂഡല്‍ഹി: രാജ്യത്ത് 24 മണിക്കൂറിനിടെ 61,871 പേര്‍ക്കുകൂടി കോവിഡ്-19 സ്ഥിരീകരിച്ചു. ഇതോടെ ഔദ്യോഗിക കണക്കനുസരിച്ച് ആകെ രോഗികളുടെ എണ്ണം 74,94,552 ആയി. 1033 പേരാണ് കോവിഡ് ബാധിതരായി ഒറ്റ ദിവസം രാജ്യത്ത് മരിച്ചത്. ഇതോടെ കോവിഡ് ബാധിതരായി രാജ്യത്ത് മരിച്ചവരുടെ എണ്ണം 1,14,031 ആയി.
7,83,311 പേരാണ് നിലവില്‍ ചികിത്സയിലുള്ളത്. 65,97,210 പേര്‍ക്ക് രോഗം ഭേദമായി.
രോഗ ബാധിതരുടെ എണ്ണത്തില്‍ മഹാരാഷ്ട്ര തന്നെയാണ് മുന്നില്‍. ഇതു വരെ 15.86 ലക്ഷം പേര്‍ക്കാണ് മഹാരാഷ്ട്രയില്‍ കോവിഡ് സ്ഥിരീകരിച്ചത്. 42,229 പേര്‍ ഇതു വരെ മഹാരാഷ്ട്രയില്‍ മാത്രം മരണപ്പെട്ടു.
ലോകത്ത് യു എസ് കഴിഞ്ഞാല്‍ ഏറ്റവും അധികം കോവിഡ് കേസുകള്‍ സ്ഥിരീകരിച്ചത് ഇന്ത്യയിലാണ്. യുഎസ്സില്‍ 8,342,665 പേര്‍ക്കാണ് ഇതുവരെ കോവിഡ് സ്ഥിരീകരിച്ചത്.
ലോകത്ത് ആകെയുള്ള കോവിഡ് മരണങ്ങളിൽ മൂന്നാം സ്ഥാനത്താണ് ഇന്ത്യ. അമേരിക്ക, ബ്രസീല്‍ എന്നിവിടങ്ങളാണ് ഏറ്റവും അധികം മരണം റിപ്പോര്‍ട്ട് ചെയ്യപ്പെട്ട മറ്റ് രാജ്യങ്ങള്‍.
content highlights: latest Covid new cases in India, October 18
