സഹകരിക്കുന്നില്ല, ഇനിയും ചോദ്യംചെയ്യണം; ആശിഷ് മിശ്ര മൂന്നുദിവസം പോലീസ് കസ്റ്റഡിയില്‍


ആശിഷ് മിശ്ര | ഫയൽചിത്രം | Photo: ANI

ലഖ്‌നൗ: ഉത്തര്‍പ്രദേശിലെ ലഖിംപുര്‍ ഖേരിയില്‍ വാഹനമിടിച്ചുകയറ്റി കര്‍ഷകരെ കൊലപ്പെടുത്തിയെന്ന കേസില്‍ കേന്ദ്ര മന്ത്രി അജയ് മിശ്രയുടെ മകന്‍ ആശിഷ് മിശ്രയെ മൂന്ന് ദിവസത്തെ പോലീസ് കസ്റ്റഡിയില്‍വിട്ടു. 14 ദിവസത്തേക്കാണ് പോലീസ് കസ്റ്റഡി ആവശ്യപ്പെട്ടതെങ്കിലും മൂന്ന് ദിവസത്തെ കസ്റ്റഡി അനുവദിച്ച് കോടതി ഉത്തരവിടുകയായിരുന്നു.

കേസില്‍ പ്രതിയെ കൂടുതല്‍ ചോദ്യംചെയ്യേണ്ടതുണ്ടെന്ന് പ്രോലീസ് കോടതിയെ അറിയിച്ചു. ഗൂഢാലോചന അടക്കമുള്ള കാര്യങ്ങളില്‍ ചോദ്യംചെയ്യല്‍ ആവശ്യമാണെന്നും പോലീസ് പറഞ്ഞു. എന്നാല്‍ ആശിഷ് മിശ്രയെ 12 മണിക്കൂര്‍ പോലീസ് ചോദ്യംചെയ്തതാണെന്നും ഇനിയും എത്ര സമയമാണ് ചോദ്യംചെയ്യാന്‍ വേണ്ടതെന്നും പ്രതിഭാഗം ചോദിച്ചു. കസ്റ്റഡി അപേക്ഷയില്‍ മതിയായ കാരണം വ്യക്തമാക്കിയിട്ടില്ലെന്നും പ്രതിഭാഗം വാദിച്ചു.

എന്നാല്‍ 12 മണിക്കൂര്‍ ചോദ്യംചെയ്തിട്ടും പ്രതി മറുപടി നല്‍കിയിട്ടില്ലെന്നും ചോദ്യംചെയ്യലുമായി സഹകരിച്ചില്ലെന്നും പ്രോസിക്യൂഷന്‍ പറഞ്ഞു. പക്ഷേ, ഈ വാദം തെറ്റാണെന്നും തന്റെ കക്ഷി എല്ലാചോദ്യങ്ങള്‍ക്കും മറുപടി നല്‍കിയിട്ടുണ്ടെന്നും പ്രതിഭാഗം വാദിച്ചു. പ്രത്യേക അന്വേഷണസംഘം തയ്യാറാക്കിനല്‍കിയ 40 ചോദ്യങ്ങള്‍ക്കും ആശിഷ് മിശ്ര മറുപടി നല്‍കിയതായും പ്രതിഭാഗം പറഞ്ഞു. തുടര്‍ന്നാണ് പ്രതിയെ മൂന്ന് ദിവസത്തെ പോലീസ് കസ്റ്റഡിയില്‍ വിട്ട് കോടതി ഉത്തരവിട്ടത്.

ലഖിംപുര്‍ ഖേരിയിലെ പ്രതിഷേധക്കാര്‍ക്കിടയിലേക്ക് വാഹനമിടിച്ച് കയറ്റി കര്‍ഷകരെ കൊലപ്പെടുത്തിയെന്ന കേസില്‍ കേന്ദ്ര ആഭ്യന്തര സഹമന്ത്രിയായ അജയ് മിശ്രയുടെ മകന്‍ ആശിഷ് മിശ്രയെ ശനിയാഴ്ചയാണ് പോലീസ് അറസ്റ്റ് ചെയ്തത്. സംഭവം നടന്ന് ദിവസങ്ങള്‍ കഴിഞ്ഞിട്ടും ആശിഷ് മിശ്രയുടെ അറസ്റ്റ് രേഖപ്പെടുത്താത്തതില്‍ വ്യാപക പ്രതിഷേധമുയര്‍ന്നിരുന്നു. മന്ത്രിയുടെ മകനായതിനാല്‍ പ്രതിക്ക് വി.ഐ.പി. പരിഗണന ലഭിക്കുന്നതായും ആരോപണമുയര്‍ന്നു. ഇതിനുപിന്നാലെയാണ് ആശിഷ് മിശ്ര ക്രൈംബ്രാഞ്ച് ഓഫീസിലെത്തി കീഴടങ്ങിയത്. തുടര്‍ന്ന് മണിക്കൂറുകളോളം ചോദ്യംചെയ്ത ശേഷമാണ് പോലീസ് പ്രതിയെ അറസ്റ്റ് ചെയ്തത്.

Content Highlights: lakhimpur kheri murder case ashish mishra in police custody for three days


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022

Most Commented