ചെന്നൈ: കോണ്‍ഗ്രസ് നേതാവും മുന്‍ കേന്ദ്രമന്ത്രിയുമായ പി ചിദംബരത്തിന്റെ മകന്‍ കാര്‍ത്തി ചിദംബരത്തിനെതിരെ സിബിഐ പുറപ്പെടുവിച്ച ലുക്കൗട്ട് സര്‍ക്കുലറിന് സ്റ്റേ. മദ്രാസ് ഹൈക്കോടതിയാണ് സര്‍ക്കുലര്‍ സ്റ്റേ ചെയ്തത്.
സി.ബി.ഐ കഴിഞ്ഞയാഴ്ച പുറപ്പെടുവിച്ച ലുക്കൗട്ട് നോട്ടീസിനെതിരെ കാര്‍ത്തി ചിദംബരമാണ് ഹൈക്കോടതിയെ സമീപിച്ചത്. വിദേശ വിനിമയച്ചട്ട ലംഘനം അടക്കമുള്ളവ ചൂണ്ടിക്കാട്ടി കാര്‍ത്തി ചിദംബരത്തിനെതിരെ കേസെടുത്തതിന് പിന്നാലെയാണ് ലുക്കൗട്ട് നോട്ടീസും പുറപ്പെടുവിച്ചത്.
അന്വേഷണം ഒഴിവാക്കാനുള്ള ശ്രമത്തിന്റെ ഭാഗമായി കാര്‍ത്തി രാജ്യം വിടുമോയെന്ന ആശങ്കയെ തുടര്‍ന്നായിരുന്നു ഇത്. വിദേശ യാത്രകള്‍ സംബന്ധിച്ച വിവരങ്ങള്‍ അന്വേഷണ ഏജന്‍സികളെ മുന്‍കൂട്ടി അറിയിക്കണമെന്ന് സി.ബി.ഐയും എന്‍ഫോഴ്‌സ്‌മെന്റ് ഡയറക്ടറേറ്റും ചിദംബരത്തോട് ആവശ്യപ്പെട്ടിരുന്നു. അന്വേഷണ ഏജന്‍സികളുടെ അനുമതിയോടെ മാത്രമെ വിദേശയാത്ര നടത്താവൂയെന്നും നിര്‍ദ്ദേശിച്ചിരുന്നു.
അതിനിടെ, താന്‍ കുറ്റക്കാരനല്ലെന്നും ആരോപണം രാഷ്ട്രീയ പ്രേരിതമാണെന്നും കാര്‍ത്തി പ്രതികരിച്ചിരുന്നു. സി.ബി.ഐ ലുക്ക് ഔട്ട് സര്‍ക്കുലര്‍ പുറപ്പെടുവിച്ചതിന് പിന്നാലെ 'എന്നെ തിരയുന്ന എല്ലാവര്‍ക്കും വേണ്ടി' എന്ന കുറിപ്പോടെ അദ്ദേഹം ട്വിറ്ററില്‍ ഫോട്ടോയും പോസ്റ്റ് ചെയ്തിരുന്നു.
RELATED STORIES
IN CASE YOU MISSED IT
.jpg?$p=71e446e&f=1x1&w=100&q=0.8)
.jpg?$p=f760272&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..