മംഗലാപുരം: ആയുസിന്റെ ബലം എന്നൊക്കെ പറഞ്ഞാല്‍ അതിലൊക്കെ സത്യമുണ്ടെന്ന് കഴിഞ്ഞ ദിവസം കര്‍ണാടകയിലെ വിട്ട്‌ലയില്‍ നടന്ന ഒരു അപകടം കണ്ടാല്‍ മനസിലാകും. ബൈക്ക് ബസിന്റെ അടിയില്‍ പോയിട്ടും ബൈക്ക് ഓടിച്ചിരുന്നയാള്‍ അദ്ഭുതകരമായി രക്ഷപ്പെട്ടതിന്റെ ദൃശ്യങ്ങളാണ് ഇപ്പോള്‍ സമൂഹ മാധ്യമത്തില്‍ വൈറല്‍.
വളവ് തിരിഞ്ഞ് വരികയായിരുന്ന ബൈക്ക് മറ്റൊരു വാഹനത്തെ മറികടക്കാന്‍ ശ്രമിക്കുന്നതിനിടെ എതിരേ വരികയായിരുന്ന ബസില്‍ ഇടിക്കുകയായിരുന്നു ബൈക്ക് ബസിനടിയില്‍ പെട്ട് പോയെങ്കിയും അത് ഓടിച്ചിരുന്നയാള്‍ ബസിന്റെ സൈഡിലേക്ക് വീണ് രക്ഷപ്പെടുകയായിരുന്നു.
അപകടം നടന്നതിനെ സമീപത്തെ സ്ഥാപനത്തിലുണ്ടായിരുന്ന സിസിടിവിയില്‍ നിന്നുള്ള ദൃശ്യങ്ങള്‍ സി.ജി.ടി.എന്‍ ആണ് പുറത്ത് വിട്ടത്. കഴിഞ്ഞ ശനിയാഴ്ചയാണ് സംഭവം നടന്നത്.
