.jpg?$p=b70fc45&f=16x10&w=852&q=0.8)
പിടിച്ചെടുത്ത പണം, വിരുപാക്ഷപ്പ
ബെംഗളൂരു: കൈക്കൂലിക്കേസില്‍ ഒന്നാം പ്രതിയായ കര്‍ണാടക ബി.ജെ.പി. എം.എല്‍.എ. മാദല്‍ വിരുപാക്ഷപ്പ അറസ്റ്റില്‍. കര്‍ണാടക ഹൈക്കോടതി മുന്‍കൂര്‍ ജാമ്യം നിഷേധിച്ചതിനെത്തുടര്‍ന്നാണ് ലോകായുക്ത അറസ്റ്റ് ചെയ്തത്. കഴിഞ്ഞ മാര്‍ച്ച് ഏഴിന് വിരൂപാക്ഷപ്പയ്ക്ക് കോടതി ഇടക്കാല ജാമ്യം അനുവദിച്ചിരുന്നു.
വിരുപാക്ഷപ്പയുടെ മകന്‍ പ്രശാന്ത് മാദല്‍ 40 ലക്ഷം രൂപ കൈക്കൂലി വാങ്ങുന്നതിനിടെ ലോകായുക്ത പോലീസിന്റെ പിടിയിലായിരുന്നു. ഇതിന് പിന്നാലെ നടത്തിയ റെയ്ഡില്‍ എട്ടുകോടി രൂപയിലധികം ലോകായുക്ത കണ്ടെത്തിയിരുന്നു. കേസില്‍ വിരുപാക്ഷപ്പ ഒന്നാം പ്രതിയും മകന്‍ രണ്ടാംപ്രതിയുമാണ്.
കേസില്‍ ആരോപണമുയര്‍ന്നതോടെ കര്‍ണാടക സോപ്‌സ് ആന്‍ഡ് ഡിറ്റര്‍ജന്റ്‌സ് ലിമിറ്റഡ് ചെയര്‍മാന്‍ സ്ഥാനം വിരുപാക്ഷപ്പ രാജിവെച്ചിരുന്നു. വിരുപാക്ഷപ്പയ്ക്ക് വേണ്ടി മകന്‍ കൈക്കൂലി വാങ്ങിയെന്നാണ് കേസ്. ബെംഗളൂരു ക്രസന്റ് റോഡിലുള്ള വിരുപാക്ഷപ്പയുടെ ഓഫീസില്‍ വെച്ച് കൈക്കൂലി വാങ്ങുന്നതിനിടെയാണ് പ്രശാന്ത് മാദലിനെ അറസ്റ്റ് ചെയ്തത്.
സോപ്പ് നിര്‍മാണത്തിനുള്ള അസംസ്‌കൃത വസ്തുക്കള്‍ വിതരണം ചെയ്യാനുള്ള ടെന്‍ഡര്‍ ലഭിക്കാനായി കൈക്കൂലി ചോദിച്ചുവെന്നായിരുന്നു പരാതി. തിരഞ്ഞെടുപ്പ് നടക്കാനിരിക്കുന്ന കര്‍ണാടകയില്‍ എം.എല്‍.എയ്ക്ക് നേരെ ഉയര്‍ന്ന ആരോപണം ബി.ജെ.പിയെ വെട്ടിലാക്കിയിരിക്കുകയാണ്.
Content Highlights: Karnataka BJP MLA Madal Virupakshappa Arrested In Bribery Case
Also Watch
RELATED STORIES
.jpg?$p=d711aab&f=1x1&w=100&q=0.8)
.jpg?$p=3ca10ba&f=1x1&w=100&q=0.8)
IN CASE YOU MISSED IT
.jpg?$p=a15b291&f=1x1&w=100&q=0.8)
.jpg?$p=c712460&q=0.8&f=16x11&w=104)
%20(1).jpg?$p=5a55053&q=0.8&f=16x11&w=104)
.jpg?$p=a15b291&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..