കര്‍ണാലിലെ പ്രതിഷേധം: കര്‍ഷകരുടെ തലയടിച്ചുപൊട്ടിക്കാന്‍ പോലീസിന് നിര്‍ദേശം; വീഡിയോ പുറത്ത്


വീഡിയോയില്‍ ആയുഷ് സിന്‍ഹാ പോലീസ് ഉദ്യോഗസ്ഥര്‍ക്ക് മുന്‍പില്‍ നില്‍ക്കുന്നതും അവര്‍ക്ക് വേണ്ട നിര്‍ദേശങ്ങളും നല്‍കുന്നത് കാണാം.

വീഡിയോ ദ്യശ്യങ്ങളിൽ നിന്നും | Screengrab-Varungandhi|Twitter

ചണ്ഡീഗഡ്: ബി.ജെ.പിക്കെതിരേ സമരം ചെയ്യുന്ന കര്‍ഷകരുടെ തല അടിച്ചു പൊട്ടിക്കാന്‍ പോലീസിന് നിര്‍ദേശം നല്‍കി ഹരിയാണ കര്‍ണാലിലെ സബ് ഡിവിഷണല്‍ മജിസ്‌ട്രേറ്റ് ആയുഷ് സിന്‍ഹ. ഉദ്യോഗസ്ഥന്‍ പോലീസിന് നിര്‍ദേശങ്ങള്‍ നല്‍കുന്ന വീഡിയോ സാമൂഹിക മാധ്യമങ്ങളില്‍ വ്യാപകമായി പ്രചരിക്കുന്നുണ്ട്.

ശനിയാഴ്ച കര്‍ണാലിലേക്കുള്ള മാര്‍ച്ചിനിടെ ദേശീയപാത ഉപരോധിച്ച കര്‍ഷകര്‍ക്കെതിരേ ഉണ്ടായ ലാത്തിച്ചാര്‍ജില്‍ പത്ത് പേര്‍ക്ക് പരിക്കേറ്റിരുന്നു. കര്‍ണാലില്‍ മുഖ്യമന്ത്രി മനോഹര്‍ ലാല്‍ ഖട്ടാര്‍, സംസ്ഥാന ബി.ജെ.പി നേതാവ് ഓം പ്രകാശ് ധന്‍കര്‍ ഉള്‍പ്പെടെയുള്ള ബിജെപി നേതാക്കള്‍ പങ്കെടുത്ത യോഗത്തിനെതിരേയാണ് കര്‍ഷകര്‍ പ്രതിഷേധവുമായി എത്തിയത്‌.

സമൂഹ മാധ്യമങ്ങളില്‍ പ്രചരിക്കുന്ന വീഡിയോയില്‍ ആയുഷ് സിന്‍ഹ പോലീസ് ഉദ്യോഗസ്ഥര്‍ക്ക് മുന്‍പില്‍ നില്‍ക്കുന്നതും അവര്‍ക്ക് വേണ്ട നിര്‍ദേശങ്ങളും നല്‍കുന്നത് കാണാം.

'ആരായാലും എവിടെ നിന്ന് വന്നയാള്‍ ആയാലും അയാള്‍ അവിടെ എത്തരുത്. ഈ ലൈന്‍ അവര്‍ മറികടക്കാതിരിക്കാന്‍ നോക്കണം. എല്ലാവരും ലാത്തിയെടുത്ത് തയ്യാറാവുക, അവരെ തല്ലുക. ഇവിടെ കാണുന്ന ഓരോ പ്രതിഷേധക്കാരന്റെയും തലയില്‍ നിന്നും രക്തം ഒഴുകണം' അദ്ദേഹം പോലീസ് ഉദ്യോഗസ്ഥരോട് നിര്‍ദേശിക്കുന്നത് വീഡിയോയില്‍ വ്യക്തമാണ്.

തന്റെ നിര്‍ദേശങ്ങള്‍ വ്യക്തമാണോ എന്ന് ചോദിക്കുന്ന സിന്‍ഹയ്ക്ക് വ്യക്തമെന്ന് പോലീസ് സംഘം മറുപടി നല്‍കുന്നുണ്ട്. എന്നാല്‍ പലയിടത്തു നിന്നും കല്ലേറ് ഉണ്ടായെന്നും അതിനാല്‍ ആവശ്യത്തിന് സേനയെ ഉപയോഗിക്കാന്‍ മാത്രമാണ് താന്‍ നിര്‍ദേശിച്ചതെന്നും സിന്‍ഹ പറഞ്ഞതായി എ.എന്‍.ഐ റിപ്പോര്‍ട്ട് ചെയ്തു.

Content Highlights: karnal sdm instructs police to crack head of protestors

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


Mallikarjun Kharge, VD Satheesan

1 min

ഖാര്‍ഗെയെ പിന്തുണയ്ക്കും, അദ്ദേഹം കോണ്‍ഗ്രസ് അധ്യക്ഷനാകുന്നത് അഭിമാനകരം - വി.ഡി. സതീശന്‍

Oct 1, 2022

Most Commented