ന്യൂഡല്‍ഹി: പ്രതിപക്ഷത്തെ ദുഷ്ടന്മാരായി ചിത്രീകരിക്കരുതെന്ന് ഏതെങ്കിലും ബിജെപി നേതാവ് മോദിയോട് പരസ്യമായി പറഞ്ഞിട്ടുണ്ടോയെന്ന് മുന്‍ കേന്ദ്രമന്ത്രി കപില്‍ സിബല്‍. മോദിയെ എല്ലായ്‌പ്പോഴും കുറ്റപ്പെടുത്തുന്നത് ഗുണകരമാവില്ലെന്ന മുതിര്‍ന്ന കോണ്‍ഗ്രസ് നേതാവ് ജയറാം രമേശിന്റെ അഭിപ്രായത്തെയാണ് കപില്‍ സിബല്‍ ട്വിറ്ററിലൂടെ വിമര്‍ശിച്ചത്.
പ്രതിപക്ഷത്തെയും പ്രതിപക്ഷ നേതാക്കളെയും ദുഷ്ടരാക്കി ചിത്രീകരിക്കുന്നത് അവസാനിപ്പിക്കണമെന്ന് ഏത് ബി.ജെ.പി. നേതാവാണ് പ്രധാനമന്ത്രി നരേന്ദ്രമോദിയോടും അദ്ദേഹത്തിന്റെ പാര്‍ട്ടിയോടും പറഞ്ഞിട്ടുള്ളതെന്ന് കപില്‍ സിബല്‍ ട്വിറ്ററില്‍ ചോദിച്ചു.
മുന്‍ കേന്ദ്രമന്ത്രിയും മുതിര്‍ന്ന കോണ്‍ഗ്രസ് നേതാവുമായ ജയറാം രമേശ് കഴിഞ്ഞദിവസമാണ് മോദിയെ പുകഴ്ത്തി പ്രസ്താവന നടത്തിയത്. എല്ലായ്‌പ്പോഴും മോദിയെ കുറ്റപ്പെടുത്തുന്നതും ദുഷ്ടനാക്കി ചിത്രീകരിക്കുന്നതും പ്രതിപക്ഷത്തിന് ഗുണംചെയ്യില്ലെന്നായിരുന്നു അദ്ദേഹത്തിന്റെ പ്രസ്താവന. 2014-2019 കാലത്ത് മോദി ചെയ്തത് എന്തെല്ലാമാണെന്ന് പരിശോധിക്കേണ്ട സമയമാണിതെന്നും 30 ശതമാനത്തിലധികം വോട്ടര്‍മാരുടെ പിന്തുണയോടെയാണ് അദ്ദേഹം വീണ്ടും അധികാരത്തിലെത്തിയതെന്നും ജയറാം രമേശ് പറഞ്ഞിരുന്നു. ഡല്‍ഹിയില്‍ ഒരു പുസ്തക പ്രകാശന ചടങ്ങിനിടെയായിരുന്നു അദ്ദേഹത്തിന്റെ പരാമര്‍ശം.
ജയറാം രമേശിന് പിന്നാലെ കോണ്‍ഗ്രസ് നേതാവായ മനു അഭിഷേക് സിങ്വിയും സമാന അഭിപ്രായപ്രകടനവുമായി രംഗത്തെത്തി. മോദിയെ ദുഷ്ടനാക്കി ചിത്രീകരിക്കുന്നത് തെറ്റാണെന്നും വ്യക്തിപരമായല്ല, പകരം വിഷയാധിഷ്ടതമായ വിമര്‍ശനമാണ് വേണ്ടതെന്നുമായിരുന്നു മനു അഭിഷേക് സിങ്വിയുടെ അഭിപ്രായം. ശശി തരൂരും ജയറാം രമേശിനെ പിന്തുണച്ചിരുന്നു.
Which BJP leader has stood up and publicly advised the Prime Minister and his party to “ stop demonising the Opposition and it’s leaders ? “
— Kapil Sibal (@KapilSibal) August 24, 2019
Content Highlights: Kapil Sibal Tweets Has Any BJP Leader Asked PM Modi Not To Demonise Opposition
